耳擴小聚後感：四台便攜耳擴分享

斯路

USA2010 發表於 2015-6-23 15:18
F20係人地比我...但應該就冇換到HDD
但我rockbox左可能影響左....不過雖然我話粗聲...其實只係在細緻方面差 ...

原來係刷左Rockbox既F20。聽講刷左Rockbox雖然用上手比較容易，但聲音會有所不同，也許因為咁所以我地聽感有少少出入。不過師兄都幾好人緣，有人送部F20比你 等我都試下叫我個位朋友送比我先

其實L3雖然聲音已經非常唔錯，但其設計人Philip Larocco已經退出Triad Audio，而新產品L4好似已經準備緊。也許USA2010師兄可以再等等呢? 早前見到Head-fi上有人放售Triad Audio L3，好似大約300美金左右，其實都幾抵下。不過始終都係唔太易拎出街呢下唔好

Just Audio部分已經加入上正文

USA2010

斯路 發表於 2015-6-23 19:19
原來係刷左Rockbox既F20。聽講刷左Rockbox雖然用上手比較容易，但聲音會有所不同，也許因為咁所以我地聽 ...

當初接收左番黎既時候...唔知點解部F20運行唔到...所以先刷ROCKBOX...
但界面真係好易用...就好似DX90咁...唔會有難道

估唔到會出L4...但相信價錢都會好高下...L3推出時我記得都好貴下...


睇斯路兄對Just Audio AHA-120..音色並非雜食性喎....
雖然有良好既配撘會發揮得很理想..但缺點係要用時間去尋找最佳既配撘

eve111

用IPOD既時候，曾經有2部PORTABLE AMP -  Corda Stepdance & ADL Cruise，後來覺得太多野帶，唔方便。最後放哂佢，決定唔用AMP。
後來買左音茶樂既楓II，為左玩好佢，就去買左部TRAVELER。聽感同斯路兄差不多，泛用性高，咩組合都唔錯，唔會惡聲。用楓II同1PLUS2聽動態方面會好好多。
如果PLAYER係AK120II，D聲的確係干。但TRAVELER駁一部PANASONIC 既舊DISCMAN，出既聲就好舒服好耐聽。
原本用楓II+AK120II聽椎名林擒果類會覺得唔好聽，DISCAMN + TRAVELER+楓II就完全好夾，聽咩類型音樂都好好

TRAVELER既壞處就係調校音量方面，完成冇得睇幾大音量

斯路

USA2010 發表於 2015-6-23 21:52
當初接收左番黎既時候...唔知點解部F20運行唔到...所以先刷ROCKBOX...
但界面真係好易用...就好似DX90咁. ...

刷Rockbox用得返就太好，始終換一換零件都係大工程。我之前都有諗過幫幾部播放器換Rockbox，但最後見人話聲音都可以有好大改變下就唔敢啦。

其於呢一部L4，我都幾有興趣。雖然出自LaRocco手筆既耳擴我只係有過L3，但其他如Diablo/LaRocco等型號即使已經停產多年，仍然有唔少玩家想入返部，聽過既玩家都正評如潮。

Phil LaRocco雖然就話又會同Brad Taylor/Triad Audio保維良好關係，不過睇黎條清界線都劃得好清楚下。有消息流出話Phil LaRocco將會推出L4大約係上年八月分既事情，不過印象中佢都係比較慢手，睇黎都重有得等下。當初Triad Audio L3推出時優惠價USD 600，正式售價USD 700。如果今次LaRocco獨資經營，價錢上或者都未必會太過分掛。

Just Audio AHA-120其實性能上都有一定全面性，用左聲音硬質素好多時侯都有全方位既提升，只係其調音導致夾機有難度。夾過我覺得有特別加乘既耳機包括beyerdynamic T51p，JVC HA-FX750，Ocharaku Flat4系列等等。本身想講話也許係重低頻既耳機都有唔錯既效果，不過因為同Sennheiser IE800既配搭表現唔理想我就不便咁樣講；但我認為AHA-120驅動低頻較重既耳機，表現一般都會好唔錯。至於本身低頻量少既耳機可能就真係唔太理想啦。

斯路

eve111 發表於 2015-6-23 22:31
用IPOD既時候，曾經有2部PORTABLE AMP -  Corda Stepdance & ADL Cruise，後來覺得太多野帶，唔方便。最後 ...

唔知eve111師兄會否可以講講你對Meier Audio Corda Stepdance以及ADL Cruise既睇法呀? 我之前試過一次ADL Cruise，覺得其實都幾好聽，但未算話好細緻，未算太對我口味。

原來Lehmann Audio Traveller同Tralucent 1Plus2都夾聲，可惜後者好似已經無咩地方試到。之前我試過Just Audio AHA-120驅動1Plus2，但一加左耳擴，1Plus2高低頻涵接好似出現斷層一樣，整體剌激左，但並唔算太理想。

Lehmann Audio Traveller亦的確有唔少設計上唔太高明既做法。唔能夠睇到音量水平已經麻煩，較大聲時唔小心按長多一秒會太大聲，較細聲時唔小心按長多一秘又會變到無聲咁濟，真係吹漲

iamsocheap

USA2010 發表於 2015-6-23 21:52
當初接收左番黎既時候...唔知點解部F20運行唔到...所以先刷ROCKBOX...
但界面真係好易用...就好似DX90咁. ...

雖然有良好既配撘會發揮得很理想..但缺點係要用時間去尋找最佳既配撘

我覺得玩耳機呢類野，配搭係一向都好重要。不過其實唔洗當佢係缺點呀，我覺得尋找性格合得來的配搭嘅過程都係一種樂趣。
而且就我個人來說，還沒有試過一部耳擴係真正的百搭同唔需要尋找最佳既配撘，始終每隻耳機同前端都有不同性格。
USA2010兄那你的F20又是用PO還是LO為主?又會配搭咩耳擴?

USA2010

iamsocheap 發表於 2015-6-24 15:08
我覺得玩耳機呢類野，配搭係一向都好重要。不過其實唔洗當佢係缺點呀，我覺得尋找性格合得來的配搭嘅過 ...

配撘既重要性我當然知道....但有時為左尋找"最佳拍檔"都幾灰.....就算調高預算都未必搵到...

我意思只係有啲耳機可能配撘上比較容易
例如我試過幾次既momentum 我係用唔既player去試...出黎既聲雖然未必最好...但至少唔會話有一種要換埋player既念頭

至於F20...我都係間中拎黎用下...PO為主
LO的話都應該要買部AMP先會用
因為我冇便攜既純AMP....

有關F20既資料..網上唔多...又見到斯路兄既相入面有F20在內...所以先問下有冇試過LO....無其他意思的...