9月17日 上《希魔撞正殺人狂》(原裝三級版)(P.2有影評)

irisxo

好睇....推介
josephm 發表於 2009-9-11 14:34

agree ar!!!!!

dts6.1

(原裝三級版)將如期本週17號在 IFC及電影中心 上映。與其海報標題一樣 「絕不撻KILL」！

劉一舟

(原裝三級版)將如期本週17號在 IFC及電影中心 上映。與其海報標題一樣 「絕不撻KILL」！
dts6.1 發表於 2009-9-15 09:13

睇番個網，電影中心後天只播五點廿五分一場，IFC播三點同九點半兩場，我就剛剛訂咗IFC九點半，仲要係第一個訂！！！

josephm

唔知會唔會播番, Brad Pit said:" Yes, Yes, Yes.... ' o個段呢?

ctwdavid

睇咗唔知再睇唔睇好?

劉一舟

唔知會唔會播番, Brad Pit said:" Yes, Yes, Yes.... ' o個段呢?
josephm 發表於 2009-9-15 13:44

係冇嘅。


以下內容可能涉及劇情，不喜勿看

睇完三級版回來，首先我冇睇IIB版，但根據電檢處資料，IIB版係153分鐘，但呢個版我睇過手錶出晒片尾字幕都係一樣153分鐘，咁奇怪？大致上若IIB版cut咗嘢我大約都估到係喺邊度，如畢彼特佢地割德軍死人頭皮，用棍監生摳死不肯供料的軍官等等。講真，整套片所謂三級程度我覺得都只係小學級數，睇慣血腥片的一定覺得好碎料，唔明點解發行商一早唔用此三級版本上映，入得場睇塔倫天奴戲嗰啲大多都過十八歲啦，唔好睇小而家啲後生仔的心智架。
我唔係塔倫天奴fans，但佢啲戲我大多都有睇，今趟此片直頭集他所有作品的風格共冶一爐，我唔敢講係佢最好的一套作品，但兩個半小時片長，講多過做都一啲唔會悶，本人推介最精彩的兩段係有：片初飾演德軍上校蘭杜的Christoph Waltz和農夫喺屋對話嗰場，盡顯其本片最好的演技功架，接近廿分鐘呢段絕對係導演給觀眾留下深印象的引子，難怪他在康城勇奪影帝殊榮啦；第二段就係地牢酒館嗰場，又係大篇幅咁盡現導演喜愛玩的鎗戰場面，睇到個個屏息靜氣好鬼死緊張；其他場景亦都有不俗的表現手法，女主角Mélanie Laurent飾演的蘇珊娜在放片房嗰場都係一讚。
演員方面，Christoph Waltz唔駛講啦，而畢彼特在此片擔當諧角角色都幾攪笑，其他Basterds軍團成員個個演出都好出位，身為德國人的Diane Kruger在此片雖然冇女主角Mélanie Laurent咁重戲份但其演出亦有一番韻味，至於女主角Mélanie Laurent起初都以為佢只係影片的二打六，但原來戲份甚重，由從蘭杜上校手中逃脫到後來佢決心報復嗰幾段，都睇得出係導演精心設計的部份，唔講可能唔記得，原來佢04年拍過畢國智導演的《海南雞飯》，我睇嗰時都已覺得佢好面善。
唯一令我不解的是，導演塑造蘭杜上校這個猶太獵人咁勁，到後來佢竟然棄暗投明確實令我一頭霧水，雖說冇話唔可以咁做，但若畢彼特他們反口殺佢咁咪自打咀巴，個角色冇理由咁戇居啩？？

我會俾80分 (100分為滿分)

leung1522

我聽日去ifc睇3點場!!! 期待!!!

劉一舟

有網友分別睇過IIB版和三級版話有乜唔同：(請反白看)IIB版沒有割頭皮、戲院少了射爛希特拉塊面同短少少，同埋最後嗰場喺蘭杜上校額頭刻納粹標記等。

mats

Thank you

{:4_57:}

Paul123

(原裝三級版)將如期本週17號在 IFC及電影中心 上映。與其海報標題一樣 「絕不撻KILL」！
dts6.1 發表於 2009-9-15 09:13

真的十分對不起, 我曾經發放不實消息, 誤導了大家.... 本人謹此致萬二分歉意......