f8光圈自動對焦

ahnel

前兩日同一位版友講起f8光圈自動對焦支援o既問題, 佢話部7D個對焦好似有D問題, 佢睇番說明書就話係響十字位o既對焦點先support f8光圈自動對焦, 係唔係佢校到f8光圈所以其他對焦點就對唔到焦呢~

答案係錯o既~

其實你校到f8光圈其實粒粒對焦點都應該有自動對焦, 錦說明書又話咩只有十字位先support f8光圈自動對焦, 錦啫係點呀~

首先要講番吓相機個對焦個運作(其實好多師兄都知 ), 其實由你擰支鏡入去果一刻, 相機係會撐到你支鏡個光圈去到最大, 如果你支鏡有2.8光圈佢就撐到去2.8, 就算你校到f8光圈對焦果一刻佢都仲係2.8光圈, 要到你真係按shutter影佢先會收細個光圈, 所以就算你校到f22光圈佢都仲可以對到焦~

錦說明書又講咩f8光圈自動對焦支援呀, 其實係針對一D光圈最大只有f8 o既鏡, 因為就算佢撐到盡大都係得f8, 所以係有機會自動對焦係失去作用~

小瑟

其實我都係岩岩先知, f8光圈自動對焦支援呢樣~~~~~
算我新仔, 都係NEL版大依家講我先知呢~~~

小瑟

其實有咩鏡係光圈最大只有F8咁細的呢???
手動鏡???

ahnel

小瑟 發表於 2013-2-7 14:33
其實有咩鏡係光圈最大只有F8咁細的呢???
手動鏡???

所有 f4 光圈鏡加個 x2增距鏡就變左 f8 最大啦~

小瑟

ahnel 發表於 2013-2-7 14:44
所有 f4 光圈鏡加個 x2增距鏡就變左 f8 最大啦~

哦, 原來係咁既~~~~

我今日真係學到好多野呢~~~~

PP-HK

小瑟 發表於 2013-2-7 14:53
哦, 原來係咁既~~~~

我今日真係學到好多野呢~~~~

冇錯, 講F8冇自動對焦係講緊枝鏡頭既最大光圈, 而唔係收光圈既後果。不過, 就算你枝鏡頭最大光圈為F8, 而機身又唔支援F8對焦既話, 以canon為例, 仍然可以用貼膠紙係接點, 騙過機身而達至自動對焦的。

kenken49

PP-HK 發表於 2013-2-8 10:09
冇錯, 講F8冇自動對焦係講緊枝鏡頭既最大光圈, 而唔係收光圈既後果。不過, 就算你枝鏡頭最大光圈為F8, 而 ...

"以canon為例, 仍然可以用貼膠紙係接點, 騙過機身而達至自動對焦的"

C兄呢個方法唔一定有效, 小弟試過用貼膠紙係接點方法, 用於canon 100-400mm + canon 1.4tc ii + 5d mark 2,
只出現小部分時間能自動對焦, 大部分時間處於迷焦1至2秒或要更多時間才能對焦.

後來又找到些資料, 用kenko 1.4tc可自動對焦.
最後買入 "Kenko C-AF 1.4X Teleplus Pro 300" 成功"正常"對焦.

mike384

小瑟 發表於 2013-2-7 14:33
其實有咩鏡係光圈最大只有F8咁細的呢???
手動鏡???

支援F8光圈對焦的機之前， 係去到F5.6， 所以F5.6到F8之間的都受惠。
如版主所講， F4加個2X增距已係F8， 但其實加個1.7X都6、3了。
只不過，係NIKON機身就算冇講明係支援F8， 其實只要夠光， 係仍然有一定程度的AF能力。
（NIKON增距器同鏡頭的兼容表中， 最大光圈低於F5。6的話，NIKON都會當係「不能AF」，但事實上好多情況都得， 只係要睇光度夠唔夠姐）
本身F8的鏡頭？ 一般500MM反射鏡都係F8，但只有SONY同舊時個支M記先有AF，其他都係手動， 唔關事了。