政府再出招制樓市升副

沙煞比

我覺得政府好難有一個兩全其美既政策
都係個句, 出咩政策都會有人嘈
批新樓又話唔起公/居屋應付大眾市民既上樓意願
起公/居屋又會比人話推冧樓價做成欠資產, 社會不安
我無任何既定立場(我係牆頭草)
我個point 佢有言論自由就咩政策都可以比人話有問題

我反而覺得買家心態有問題
香港人太明顯好多人係想擁有自己既物業 (嗱, 無人迫人買樓, 不論貴定平, 有錢落袋定欠資產)
你比我有好多錢, 明知你香港地少人多, 好多人想買樓
樓價點都會升, 我點解唔買樓投資.
等升值又好, 收租又好

根本係比人捉晒心態, 有錢人點會唔識玩.
所以根本係有過多既demand, 咁supply 又有限制, 價錢點會唔上呢

ilavbnm

chhanthony 發表於 2012-10-29 14:21
點解要將居住需要同買樓需要掛鈎呢?
增建公屋，提高資產上限到合理水平，
有平樓住就自然唔唔會太在意買唔 ...

點解要將居住需要同買樓需要掛鈎呢?

其實依家係脫勾先真...
好多人根本無急切住屋需要都話要買樓/自己住
都唔知幾多人...連書都未讀完就要申請公屋
咁佢地咁多年o黎住o係邊?...就係喱種人有我有心態
先形成今日咁o既樓市局面...任何貨品一樣...有人追...個價就硬甚至上升...

bh72bh72

影響唔大...依家樓市只會橫行, 因好多人既物業都供完或就完. 跟本吾等錢使, 所以放租都吾會平售!
想樓價大跌, 除非有金鎘風暴或戰争, 好多老闆吾掂,賣楼吐現! 好多人失業或減薪.

chhanthony

ilavbnm 發表於 2012-10-29 14:57
點解要將居住需要同買樓需要掛鈎呢?

其實依家係脫勾先真...

好多人因為租金高企而覺得供樓好過租，但又未必負擔得起，
如果政府有OFFER幫到一啲有住屋需要嘅人士，呢班人可以係中產，可以係低收入人士。
咁租盤自然會增加，租金自然會回落。

因為巿民嘅住屋需要少咗，
樓價會喺需求低嘅程況下回到合理水平，
令到有更多人有能力去買私樓。

如果啲人係無住屋需要，政府係無責任去解決佢地嘅買樓需要。
只要將住屋需要解決咗，咁物業自然變成唔係必需品，只要唔係必需品，
樓價就唔會不合理地係咁升。

政府家下係用行政手段去嚴重干預自由巿場，而唔係由源頭解決問題。
我都覺得啲影音產品好貴，政府可唔可以出手管制下?

為吸引年青人同屋企人住，可以提供一啲優惠畀佢地，
而一啲住咗公屋嘅人士(大把住公屋嘅人買得起私樓，睇下屋邨啲停車場就知好多住公屋嘅人好有錢)
如果佢地遷出而讓返間公屋出嚟，政府亦可以畀啲一次性嘅優惠佢地，從而令公屋流通量增加。

ilavbnm

chhanthony 發表於 2012-10-29 15:30
好多人因為租金高企而覺得供樓好過租，但又未必負擔得起，
如果政府有OFFER幫到一啲有住屋需要嘅人士，呢 ...

C兄所言...我自然明白
但係...依家d人明唔明呢?
我所講o既...並非無的放肆
連電視果d...XX檔案/XX集都做過喱d題目
節目中...有d人出o黎工作左幾年...就望住d市區鐵路站上蓋新樓話貴...話買唔起
亦試過以婚禮為題做節目
節目中...連個主人翁...事後都話用廿幾三十萬攪個婚禮係浪費
喱d野同樓價有咩關係?...表面睇的確無咩關係
但從中可以睇到依家d人o既心態&理財概念
人有我有/面子工程...喱種心態...正正係依家d人o既弱點
就算依家樓價跌...佢地買得起500尺樓...就話要買1000尺樓
當買得起1000尺樓時...又望2000尺...永遠要追一d自己追唔到o既野...結果咪.....


P.S
最經典莫過於某電台節目...有一聽眾打電話去話佢地兩公婆月入加埋10萬8萬都買唔到樓
究竟...真係佢地買唔起...還是人心不足...我相信大家心中有數
所以我先講...心態要先改變...如果心態唔改...永遠都係得個吉...

chhanthony

ilavbnm 發表於 2012-10-29 16:38
C兄所言...我自然明白
但係...依家d人明唔明呢?
我所講o既...並非無的放肆

政府無必要為買樓需要去做啲乜

ilavbnm

chhanthony 發表於 2012-10-29 16:45
政府無必要為買樓需要去做啲乜

急切住屋需要o既人一定有
但係...只靠喱班人...樓市一定上唔到依家個位
所謂外地熱錢...都係見香港樓市有肉食先入o黎o者
香港人唔擺脫盲目追樓心態...就算今日跌...好快又上返去...{:9_418:}

MSZ

ilavbnm 發表於 2012-10-29 16:38
C兄所言...我自然明白
但係...依家d人明唔明呢?
我所講o既...並非無的放肆

節目中...連個主人翁...事後都話用廿幾三十萬攪個婚禮係浪費
喱d野同樓價有咩關係?...表面睇的確無咩關係
但從中可以睇到依家d人o既心態&理財概念
人有我有/面子工程...喱種心態...正正係依家d人o既弱點
就算依家樓價跌...佢地買得起500尺樓...就話要買1000尺樓

我知你講乜野節目...對新人用咗廿幾萬結婚, 之後兩公婆就迫住要住喺老豆三百幾呎嘅單位, 睇見佢哋我就真係戥佢哋辛苦, 不過都係自己搞出嚟嘅惡果.

Frisby75

keke323 發表於 2012-10-26 20:48
政府主要目的係做比人睇姐

比人睇到方向 (行政干撓) 都是一个十分重要訊息

如果係donald 曾或唐英年, 可能迷信市場唔會(或唔敢) 咁做

但小弟强調及認為港英年代政府太過迷信市場力量

就算資本主義大本營美國, 也愈來愈行政及大政府主義