耳機同喇叭爭咁遠?

rockerlam

對喇叭相距如果可以拉開7-8呎擺放，除左要做到有把企係到既人聲外，最左同最右既樂器結像真係有成8呎相距，個感覺好似前邊有個小型舞台咁，果個音場效果耳機根本比唔到，耳機點聽總覺得聲音只是從耳邊傳出，根本呃唔到自已。

耳機優點勝在方便易玩，唔駛理擺位，駐波，低頻輕易落到70hz以下，但如果財力雄厚追求極致既體驗，玩喇叭係不二之選。

hiyori

其實兩樣野無得咁樣比
如同單車同汽車，如果你要比較邊個快，一定係絕大部份情況都是後者
但買單車同汽車，邊個在代步上比較快不是唯一，甚至不是主要因素
當你沒有泊車地方，沒有可以駕汽車的路段，單車代步就是很快很好的選擇
而且就算財力條件許可，你也可以同時玩兩樣野
你可以喜歡單車，也可以喜歡汽車，這是沒有矛盾的

speaker vs 耳機也是同理
直接比音樂的再現性及質素，耳機物理上比喇叭不足是不用質疑的

但是，玩喇叭的人同時玩耳機，不但不奇怪，而且也愈來愈普遍
一來，可以是因為單純欣賞和喜歡耳機這一樣東西
二來，也是主要的理由，喇叭是玩空間的東西，warm up/ setup也需時，耳機相對上卻是plug and play，想聽的時候，不用理空間大少，就可以立即享受音樂，這一點speaker做不到，香港地方細，很少人有條件有獨立空間可以時時話玩就去玩speaker(只要你不是一個人住，廳也好睡房也好，基本上是高度競爭的資源喔)，就算你一個人住，平日放工回家11~12點，想開套speaker，又怕會吵到周圍既鄰居，耳機就沒有這些煩惱。另外，也因為耳機貼耳，雖然音場定位這些要空間的東西難以和speaker比較，但也因為近，很sensitive，一些細節就比較易聽到，聽人聲也會比較易集中到，所以很多人兩樣都玩，不是因為他們覺得硬質素上耳機已經可以和speaker 比較，而是因為可以沒那麼多限制去隨時享受音樂吧，加上耳機也有一些音色上可取之處吧。

avlam

其實兩樣野無得咁樣比
如同單車同汽車，如果你要比較邊個快，一定係絕大部份情況都是後者
但買單車同汽車， ...
hiyori 發表於 2012-9-18 13:01

非常好嘅比喻 !

odin1983

回復 22# hiyori

讚同師兄的比喻，其實耳機同喇叭沒必要去比較，兩樣野各自有不同效果，耳機係為左方便聽音樂而生，所以兩樣都買啦，不用比較
至於靚聲呢，每個人定義都不同，有些人喜歡聽得非常細緻，那耳機他會覺得比較易做到，有些人喜歡超大動態及音牆，那他可能會覺喇叭易做到，所以不需要比較。其實只要環境空間各樣都配合得好，喇叭一萬價位已可完勝650，當然AMP跟解碼要落d功夫

而50-60K喇叭點先可以推得衰聲，有好多原因，我試下答，睇下可唔可以解開大家懷慮
第一︰玩家不懂玩音響，只是買來做擺設，有不少人係咁
第二︰環境跟本配合唔到，如小房間放隻60K座地，當然駐波勁多，點推都係自找麻煩
第三︰拎黎聽MP3
第四︰喇叭同AMP唔成比例，用隻唔夠力既AMP去推

而耳機組合簡單一點，不用理房屋，又不用去裝反射吸音去調較，又多數有得試玩，所以耳機用來做入門係好適合