其實大家有冇諗過,
佢係邊度學識講大話?
答案通常係父母。
舉個例子:
「你唔訓覺,
我搵差人叔叔拉你架。」
又舉多個:
「你做晒功課,
星期日同你去麥當奴」
但星期日突然有野做,
去唔到,
就自圓其說:「細露唔會記得既。」
又再舉個例:
你再唔食飯,
就會有鴉烏公走尼搵你架La。
好多時我地大人會為左縮短「處理」小孩的時間,
利用一些我地覺得「冇乜野」的大話,
來增加效率,
這是很多上司對下屬常用的手法:
你今年勤力d,
升職實有你份!(但對每一個同事都係咁講)
於成年人的世界這是很平常,
但小孩子思想很直接,
他們聽左一次,
下次就知你係講大話,
所以成日好多家長都話d仔女唔聽話,
原因係米咁呢?
你自己諗下啦....
而「子女講大話」另一樣大家要思考的,
是為什麼他們要講呢?
很簡單,
他們希望暪天過海,
可以避免那一刻受到懲罰、責罵....
你我小時都有試過架啦,
因為認左,
仲大鑊!
唔係打就鬧!
鬼會認咩,
你識穿先算啦.....到時又米係打同鬧.....遲d打都好呀....好彩可能真係呃到呢.....
係直資學校,
我就見過有好多家長,
係唔係都話老師錯:
個學生尼加嘛,
唔識好正常啫,
你做老師唔識教就唔識教啦!(所以我唔會比個仔女讀直資學校-將學校變左生意!)
其實大家將重點放係佢講大話...為乜呢?
如果這已是重大罪名,
唔好意思,
我未見個一個一次大話都未講過既人,
大家可以一齊唔駛開工,
背起十架做罪人.....
其實如果大家可以將子女講大話的重點放係佢「肯改過」上,
會唔會好d呢???
講你就易!
點做呀!
其實概念很簡單:
「你要比佢知,
你會明白佢,
但唔係認同佢」:
當你知道佢講大話時,
永遠是「先了解」:
一定是心平氣和,
問佢可唔可以講下果件事?
你作為成年人,
其實好容易聽得出他/她那個位是講大話,
你千其唔好發嬲,
因為你發一次嬲,
下次你米駛旨意佢會再有野同你講,
你只需要將佢講大話的「位」「放大」或發展下去就可以了,
如佢話同學攪佢,
所以先打佢,
你就可以話原來係佢攪你先(你明知唔係),
佢點解要攪你呀?
例如佢講:我點知呀!
你可以放大件事:
咁好大問題喎,
你覺得應唔應該同佢爸爸講下呀?
佢答唔駛,
你可以繼續問點解唔駛呀?
佢正常唔識答你...
你可以同佢講:
*1-係米有乜野難言之隱呀?
你講出尼,
睇下爸爸幫唔幫到你?
等佢講個真相出尼,
但要先讚佢有勇氣講出尼,
然後問佢你覺得有冇錯?你覺得應該點做?
如果佢話好,你同佢爸爸講丫,
你就可以話:
咁要問埋班主任喎,
你比人攪咁大件事....
你又可以睇佢點答,
如果答唔好,
你可以用*1(上面)的方法,
如果佢講好,
就再講大d,
問校長、問隔離位、問下異性同學....你一定會找到一些佢怕得罪或尷尬的人,
之後就係你既世界,
當然唔好體罰。
如果佢唔肯講野,
你要強調:
你要開口爸爸先幫到你,
你可以比幾個答案佢選,
引佢開口,
之後重複上段步驟,
總之事情永遠在你手,
你無需要嚇佢,
你要記全重點要放係「比機會佢改過」同聽佢講。
小朋友識教是很好玩的,
但唔識教就會好煩。 |
發表於 2009-5-25 01:45
