其實我想大家鑑定下：
其實我想大家鑑定下：
1) 原版田雨聽聲收貨止唔止值 $4xxx、有幾高 C/P ration？
2) 原版田雨係咪唔摩唔聽得？
3) 如果田雨正式品牌化，完善售後服務，你願唔願意比多 d 錢？
Wilmer威馬 發表於 2012-7-16 21:43
上個星期日終於抽到小小時間試聽, 因為時間不夠, 所以只係自備USB播了一首WAVE咁大把, 其他時間都係聽場中提供的音樂, 在場只聽了兩部機, 分別是原版田雨, 及世紀格雷DAC。
原版田雨比起我在剛剛落地時的聲音的確有著長足的進步! 但嫌佢仲係有少少硬, 但已經少了生澀感, 係動態, 音場, 定位和分析力都有了和價格匹配的水準, 在播放小提琴, 電結他的撥弦聲音的確非常吸引, 就好像樂手在面前彈的一樣, 但播放鋼琴時需要的陰柔力度, 那種指頭按落去的「力度」還差少許!
但老老實實, 現在貨色我已經覺得可以收貨, 更重要係套GEAR即使個幾星期24小時煲就係二佰幾三佰, 其實都未叫「煲熟」, 再煲耐D佢應該仲有貨派, 表現更鬆容! 而另外一點, 試機時都兩部都仲係用跟機的電源線, 我不知其他聽過的師兄有何感想, 但如果係落釘, 電源線仲有訊號線同同軸線再用好一點, 效果絕對叫人刮目相看的!
對比起同場已經煲好的世紀格雷(5i-10), 以同音量計田雨原版聲音比起世紀格雷明亮, 分析力和定位更高, 音場也撐得比夠大, 起伏也比較細緻, 聲音比較冷峻了少許, 但世紀格雷就多了一種「音樂味」, 同無咁「恆」, 我唔知點形容, 感覺上音色比較連貫, 比較接近現場演唱, 如果要長時間聽, 聽小調, 人聲為主的, 世紀格雷應該會岩口味。
講咁耐, 原版田雨聽聲收貨止唔止值 $4xxx呢?
我覺得值! C/P 值亦都高, 而且配件多, 玩法多樣化! 的確係物有所值架! 
但係咪如傳聞一樣可以FIGHT低其他五位數的DAC呢? 我有保留, 第一我資歷淺, 唔係聽好多貴野, 我都只能以同價比, 而且有唔少人係用唔同GERNERATION的PRODUCT比, 又唔同場試, 連配搭都唔同的情況下得出呢個結論, 我覺得都係聽下算好啦,  似終都係老土野:「耳聽為實」, 岩心水個價又係預期咪科水囉, 喜歡既野此刻無價架嘛。要試起碼好似馬SIR咁有心, 起理個場, 同一個GEAR比先至見到真章! 
原版田雨係咪唔摩唔聽得？ 我答唔到, 我未有機會聽過MOD版喎! 但如果加個大水塘, 係低音力量同人聲再加強一點, 個RCA同IEC插頭用再靚D, 我覺得會PERFECT更多!
如果田雨正式品牌化，完善售後服務，你願唔願意比多 d 錢？
如果要品牌化, 加完善售後服務, MARK UP 起碼要多$1000~$1500, 但係外觀設計上唔該要花多點心思(笑), 但你問我願意比多D錢...哈哈哈哈哈, 我等CHEAP精 當然係越平越好, 但價錢係5XXX左右應該無乜問題, 如果價錢要再高D....就可能要靠口碑再去推啦
小小分享啦! 希望馬SIR能夠帶更多好野比大家啦
PS, 同場試埋個地盒, 呢個更吸引我, 仲即場科埋水添, 等貨到咋! |
[複製鏈接]
樓主
發表於 2012-7-27 03:39
