減少家電雜訊對音質影响

alonIV

karsonkwan 發表於 2014-8-7 21:09
Alon兄我好想買個二業用地濾電試下，原理係有出冇入。咁應該兩全其美掛。仲有如果做獨立電箱兩條Ground B ...

略略睇左佢d資料,唔知係睇漏左定點,好似無乜講ground既原理,唔知係有出無入定係無出無入,如果價錢唔貴,我指唔貴係以工業用途類似產品既價錢做比較,唔係以hifi配件個價,又真係做到有出無入或無出無入,又有水線既安全功能,咁試下都無妨,如果d機本身都已經無晒水線,咁加個水線防干擾器又有乜特別作用？如果真係要加,加一個去音響電箱就夠,件野係得既,哩個電箱水線已經同其他水線干擾隔離,唔駛嘥錢加多個去第二度
音響自身既干擾好細,設計時都會考慮左哩樣野,我覺得只要唔好被周邊器材干擾應該已經足夠,或者線材太長,成堆擺機櫃後面又有可能將干擾引入都未定,手機擺近器材又有可能干擾到,要試下唔同方法至知點解決,你不如講下點解要做咁多防干擾既野,正常屋企無理由干擾得咁誇張
我公司機房好細,好密集,有d機真係被干擾而成日自動停機,一係機停,一係電腦hang,開頭又加隔離牛,又濾波都唔多掂,加完只係好左少少,停少左,後來都要飛水線,再將電源線同USB都改用雙屏敝線再加獨立金屬罩罩住每部機至正常運作,可能係疊加既功效,唔敢講邊樣至係主要防到干擾既野

karsonkwan

alonIV 發表於 2014-8-7 22:57
略略睇左佢d資料,唔知係睇漏左定點,好似無乜講ground既原理,唔知係有出無入定係無出無入,如果價錢唔貴,我 ...

有出冇入WEB SITE冇講, 係我打電話入問佢的, 二千幾蚊Ground Filter黎講算貴, 淘仔幾平都有, 不過就唔敢試喇
佢有出品工業用EMI Filter 香港亦有音響公司代理, 但都係咪攪....

PP-HK

karsonkwan 發表於 2014-8-7 20:52
我是第一種，但其實第一第二種做法，原理電路上都係一樣。我亦聽到有好大改善。第二種叫獨立Fuse 箱吧。 ...

我一做就係獨立FUSE箱, 當時搜集過資料都係話獨立錶箱效果先明顯。整完後除了力水及背景改善外, 以往下晝開機D聲唔好, 要到夜晚開機D聲先會冇咁燥。裝完獨立錶箱後D燥底差唔多冇哂。

komiya

alonIV 發表於 2014-8-6 19:45
果d所謂動態其實係高頻干擾既聲,無左干淨左覺得d聲無咁闊就覺得唔正常 ,如果鐘意聽電子牛高頻聲 ...

唔係馬

alonIV

karsonkwan 發表於 2014-8-7 23:40
有出冇入WEB SITE冇講, 係我打電話入問佢的, 二千幾蚊Ground Filter黎講算貴, 淘仔幾平都有, 不過就唔敢 ...

睇自己筆直,覺得二千幾接受到就試下,不過我就唔會買,屋企用唔多需要

karsonkwan

alonIV 發表於 2014-8-9 01:46
睇自己筆直,覺得二千幾接受到就試下,不過我就唔會買,屋企用唔多需要

你都飛晒水線啦，二千幾接受唔到呀，諗住係到揾十個師兄，一人兩舊幾輪流試三日再report上黎。跟手賣返出去再分返錢自己決定買唔買。

alonIV

karsonkwan 發表於 2014-8-9 03:56
你都飛晒水線啦，二千幾接受唔到呀，諗住係到揾十個師兄，一人兩舊幾輪流試三日再report上黎。跟手賣返出 ...

精明既消費者  個濾波好慘呀,一返黎就要比人輪,輪完仲要賣

robertnike

PP-HK 發表於 2014-8-7 16:23
呢個又係小弟嘅親身經驗。

話說一個月前小弟和朋友去個用552的相熟朋友處家訪, 因為他剛換了喇叭。我們 ...

我諗ching講緊既一定就係我之前借果三支QV2俾552ching果次，我回呢個post並不是想同你討論果三支QV2既好或壞，因咁樣我覺得係無意思既，反正大家既目標都達到………我覺得佢地好，所以花錢由一支買到三支。你覺得佢地差，亦無誤花一毫冤枉錢去購買。我有得時你亦無任何損失。
但有一樣好有趣既我忍到今日都始終要提一提，就係ching玩naim時我亦玩naim，但大家對於一些hifi配件可以話係各走極端，每一件你避之則吉既配件/補品，我對耳就全部接收曬，好似QX4，QV2，地盒咁…總之you name it, I love it！睇番我都覺得好好笑，講呢d出來唔知既仲以為我玩作對，因為每一樣我配件/補品我都越買越多，好似撞左邪咁！
夜媽媽發咁多up瘋都係見大家係呢個post討論得咁高興，都想趁機表達下咁喳！
最後好彩你最終都無到寒舍家訪，唔係你一入屋一睇就見到成屋QX4, QV2同地盒果d野咁呀，真係日頭唔使開聲都暗到變夜晚，間屋都縮到變劏房！
大家都好彩啦，係未！？

PP-HK

robertnike 發表於 2014-8-11 00:46
我諗ching講緊既一定就係我之前借果三支QV2俾552ching果次，我回呢個post並不是想同你討論果三支QV2既好 ...

羅白兄,

請勿誤會, 小弟並不是有心去講你。從來對音響配件的看法, 都係覺得各有各玩, 所以我尊重別人怎樣玩法, 同樣地亦會分享自己的玩法, 始終每人的口味也未必相同, 是嗎? 我講出當天的例子, 只係當時幾位師兄的感覺, 而且器材不同, 環境也不同, 真的無心去講你, 你唔講誰知道是你的? 如果你有留意我的發帖, 我本身都玩好多配件, 鍍金鍍銠牆插、電處、地盒、電源線、唔同嘅釘同釘墊, 只是現在覺得唔用較啱我口味。請勿過敏, 唔通我唔用電處, 別人說唔用電處噪底我就覺得講我? 正如我曾借朋友的地盒, 電處去用, 我都有講效果不是想像中咁理想, 我都係對事不對人而矣。

robertnike

PP-HK 發表於 2014-8-11 08:38
羅白兄,

請勿誤會, 小弟並不是有心去講你。從來對音響配件的看法, 都係覺得各有各玩, 所以我尊重別人怎 ...

我當然知道ching只是講番對產品的聽感(有時都會看到你其他的post)，所以我回post亦不是為該產品去護航或爭論什麼。我用緊既幾款產品/配件係香港算係較多人使用同談論，評價有好有唔好，各聲入各耳，我亦覺得平常不過。正所謂呢d產品有人讚時我屋企不會突然好聲左，同樣有人“彈”時我屋企亦不會衰聲左。
我只是覺得同ching對呢d產品既聽感差不多一東一西覺得呢個現像有趣罷了才回post講出，如果講到所謂“刻意講起某人”都只是我真係在回post中刻意提起ching你咁！