《死神5來了3D》Final Destination 5 小評（無劇透）
本帖最後由 doubt 於 2011-8-22 18:39 編輯前言:
是福不是禍,是禍擋不過
當年FD第一集出個時真係覺得幾正,氣氛詭異又有新鮮感,
最正係佢創意唔錯,創新左當時已經開到荼蘼既年青人恐怖片熱潮,
部戲係冇兇手,冇奸角,只有死神用意想不到既方法攞你條命,
觀眾恐怖感在於唔知D角色幾時死,點樣死,
除左開場預感災難一幕,之後設計既"慢性死亡"(即日常生活中隨時令人攞命既意外),
觀眾一路等待,邊驚邊睇一路估同驚個角色會點死,但往往意想不到;
及"突然死亡",尤其第一集中超經典既巴士突然撞死女配角一幕,
開場預感災難/"慢性死亡"+"突然死亡"呢個formula都係呢個series最令好此道者津津樂道之處~
FD第一集成功之後,呢條formula就變本加厲,
死法愈來愈離奇,核突,血腥,但亦令到原本詭異驚慄既氣氛愈來愈薄弱,
變左同同期長篇對手SAW鬥死得核突...(ok...其實小弟SAW同FD系列都係追開...)
第二集還算可以,開場車禍拍得更出色,某些"慢性死亡"設計得還可以,
劇情也算有開展,第二集所有人點解要死原因係第一集發生既蝴蝶效應,
第一集是詭異驚慄,第二集就較重懸疑感,雖然尾部收得唔太好~
而第三,四集就真係純粹睇你點死,一般般,愈來愈差了,
甚麼死亡次序,點死點樣避過/掉轉次序都冇用,因為最後都係是禍擋不過(第一至四集所有角色全部死晒一個不留)
而且經過幾集呢D橋都已經玩唔出新花樣,最多係加多左場結尾預感災難....
第四集直頭爛,連開場預感災難/"慢性死亡"+"突然死亡"呢個formula都玩到冇乜心思,
冇劇情預左,但居然唔驚唔恐怖甚至有D喜劇feel.....
all texts by doubt
FD 1-4 橫死大全:
zOIZmYcvAEo 本帖最後由 doubt 於 2011-8-22 18:48 編輯
《死神5來了3D》小評:
電影資料:http://www.post76.com/discuss/viewthread.php?tid=54357&extra=page%3D2
今集FD5見唔少評價好番D,同埋都睇開就睇埋,
發現今集FD5的確係好番唔少,
至少個人覺得節奏/氣氛/故事都一定好過第三,四集,
甚至可能係自第一集後最好既Final Destination,
個新導演跟過James Cameron搵食果然唔同D,
開場預感斷橋災難一幕已經比前兩集仔細用心得多,
冇左好多上集無無聊聊位,氣氛緊番唔少,雖然情節突破唔大
但以好此道者既睇你點死角度,今集係交足貨,
"慢性死亡"+"突然死亡"formula今次係設計得唔錯,至少今次我有驚....
而今集"慢性死亡"既set up我真係估極到估唔到會咁樣死....
單在製作的精緻程度上本片可以話係系列最好的一作,
3D效果亦比第四集好~
另外曾演出頭兩集既Tony Todd也回歸了,依然好神秘(死神化身?)
其他劇透就唔講咁多,不過一定要講係個ending!!!
我覺得點解呢集個評價好番咁多,
唔多唔少因為個ending係原因之一,
如果係由第一集追開既朋友一定覺得個ending好正同好絕!!!
我唔穿個ending,雖然睇個時已有D hints,
但呢個ending亦可以話間接完左成個series,
成個結局既處理加上最後完場回顧成個系列感覺上好最後一集feel!
好難(根本冇乜可能)第六集繼續接落去...(睇過既應該明我點解咁講...)
當然呢集賣座既話,係唔係都繼續死落去.....
5集FD個人排名會係:1>5>2>3>4
是福不是禍,是禍擋不過
生命誠可貴,珍惜每一天啊~~~~~
溫馨提示:如果有ching想講劇透或ending請反白,thz~
all texts by doubt 3同4我睇到真係feel到死神係我左近～（係悶到我想死） 只係睇D人爆半邊頭～（3同4....九成九係死無全死c !!!)但想知第5集吾3d 得吾得？ （老人家接受吾到3d ) 好想睇fd5呀{:6_140:} 不如你又講下SAW吖{:6_190:} 好想睇fd5呀 不如你又講下SAW吖
stanleykc13 發表於 2011-8-22 20:33 http://www.post76.com/discuss/images/common/back.gif
嘩!講SAW真係有排講,同埋都過左咁耐....個時個series未完真係成日吹部戲D情節,
不過我覺得final第7集係幾爛尾,有D反高潮,
好明顯冇乜橋唯有copy網友既idea(Gordon醫生條橋係第5/6集時全球網友吹出黎既idea....)
總括SAW係original好經典,2差D/3 ok, 第4拍得一般但又開始駁到落去又駁得有紋有路,不過開始偏離Jigsaw D"理念",
5/6係有少少回勇,但開始死無辜人....
Grand Final就自己覺得比較差,可能真係冇乜橋,又或者發到咁大就唯有咁樣收.......
Hoffman好似甴曱咁點都死唔去...
PS:FD5其實我冇穿到套戲D野,所以我冇反白...{:1_263:} 嘩!講SAW真係有排講,同埋都過左咁耐....個時個series未完真係成日吹部戲D情節,
不過我覺得final第7集係 ...
doubt 發表於 2011-8-22 21:17 http://www.post76.com/discuss/images/common/back.gif
算你醒目，（無劇透）就真係無劇透{:6_193:} 係呀,其實SAW/FD兩大series第2,3集開始或多或少都有D變味,
大家一齊勁血腥,喪噴血{:6_206:}
不過呢類B片就係咁,ha! 死神5我有入場睇 還OK啦 幾好最小,係真3D 唔會有被騙嘅感覺 FD5 變左笑片 勁好笑!!!唔睇唔得 個肥仔去按摩勁搞笑!! 呢套等BD(因為儲緊此系列)...因為覺得集集formula都一樣...主角攪一大倫最尾都要死....
頁:
[1]