我的第一對座地喇叭triangle genese quartet入宮了
細佬家地方淺窄, 雖然叫做玩音響都十幾年但從未用過座地喇叭。去朋友家有獨立百幾呎地方放對座地, 聽大棚野時氣勢十足, 將三頻發揮苔盡, 我就只可以係屋企聽下小品, 一直都很個恨字, 佢就成日毒我, 話地方細都OK架。用左幾年既jmlab 806s見証我套架生既變化, 由av聽歌至int amp至而家叫做前後級, 唯獨是對佢不離不棄。何解呢?Jmlab呢個牌子頗有個性, 佢音色好又夠速度, 特別係中、高頻有味道, sensitivity高用個普通AV amp都推到見得人下, 但玩落去你就知道佢原來係表面善良既一類....... 細佬家地方淺窄, 雖然叫做玩音響都十幾年但從未用過座地喇叭。去朋友家有獨立百幾呎地方放對座地, 聽大棚野 ...
PP-HK 發表於 2011-4-25 01:02 http://www.post76.com/discuss/images/common/back.gif
表面善良既一類......
CHING 即係咩意思呢??{:6_175:}
有冇新喇叭的相呀......{:6_190:} 細佬家地方淺窄, 雖然叫做玩音響都十幾年但從未用過座地喇叭。去朋友家有獨立百幾呎地方放對座地, 聽大棚野 ...
PP-HK 發表於 2011-4-25 01:02 http://www.post76.com/discuss/images/common/back.gif
ching 恭喜你先~ 不過唔好賣廣告啦.......不如講埋落去，好想知大結局係點 {:6_195:} 唔好意思, 尋晚眼瞓, 再續...
點解話Jmlab係表面善良呢, 因為佢唔駛用好大火數既amp已經可以出到悅耳的音色, avamp也好、膽機仔也好都有一定的表現, 呢d我都試過哂了。同時, Jmlab經常被人話冇低頻, 這個說法岩了一半。因為佢既低頻唔係冇, 而係好難玩, 係要用有好的驅動力的amp先推到d低頻出黎。已前用av amp、膽機、int amp去推, 要用到好大音壓d低頻先出到黎, 但是一出黎就唔簡單, 一到某些音域就會boom到暈, 呢個情況在我換amp的過程有所改善, 直至到而家用上前、後級才完全解決。所以話jmlab表面上易玩, 實際上佢要求也不少的。
Jmlab對書架仔的經驗使我唔係咁夠膽去玩座地, 但朋友的說話諸如座地場面好呀, 三路分音既分隔度係一般書架仔俾唔到你既, 買對靚書架對靚腳都夠你買座地啦....就似幾隻烏蠅成日係耳邊飛黎飛去。{:6_204:}
呢幾年, 家裡的器材已全部換過幾次了, 但對喇叭仍然係佢, 其實都出去聽過好多次, 論音色proac、B&W呢兩個牌子最吸引我。不過以我套架生同地方, B&W係唔駛諗了, 而proac被譽為同naim係絕配, 就鎖定左佢。不過在我用int amp naim 5i時曾有朋友攞過對1sc黎試, 都係好boom, 雖然已換了前後級, 都係有點介心, 因為proac都出名唔易推, 但仍想一試D18有冇機會用得上。 先講番個環境先啦, 我個客廳約80呎, 喇叭距離約5呎, 離我個位約6呎, 呢個size我曾到德發米高到問過, 阿老闆話你唔駛諗D18, 座地也唔好諗了。{:6_216:}
咁點解最後又會走左去玩triangle座地呢...
事源就係近年出既一對trio, 呢對被人評價幾高, 最近都頗多人講, 諗住唔玩座地玩番書架算了, triangle都係法國喇叭, 音色跟jmlab近似, 都係我杯茶既, 但最重要的事, trio既低頻聽講唔簡單, 咁有次得閒無事就走左去試。當時, 間舖用左luxman既550去推呢隻書架, 嘩, 點解d聲咁厚既? 點解d低頻咁勁既? 而最攞命既係佢既音場非常之濶, 分析力也很好, 音質也很悅耳, 搞到我差d有衝動成套買番屋企。
當然, 最後冇咁做啦, 因為我控制力好嘛.....................其實係我冇水{:6_136:}
之後當然係上綱search資料啦, 雖然講既人唔多, 但係一般都係話triangle易玩易推, 與此同時, 發覺同series有對座地叫quartet既sensitivity仲高過對trio, 成92db照計都唔算難推喎, 咁岩二手市場有對放出黎, 仲要個價鬼死咁靚。
一不做二不休, 拿拿聲去舖頭試下對quartet, 點知一同對trio比較, quartet既低頻冇明顯過量, 但分隔度就好左好多, 總之trio俾到你既, quartet都俾到你, 但場面同分隔度, 就完全係兩回事, 心諗呢舖都中硬野。
就係扑鎚前又身痕上naim forum睇下triangle夾唔夾naim, 又出事了, 幾乎百分之九十九都話唔夾, 咁咪死得? 但細心睇d comment都已經係成十年八年前, 果時仲係講緊入門model altea, quartet同trio都未出, 況且我幾年前都出去聽過altea, 音色同而家既quartet完全係兩回事。而且中毒後都難以自拔, 心諗如果唔夾咪最多儲幾年錢換哂成套luxman啦, 都要帶佢番屋企。
試喇叭當天上手既保養非常好, 成對新既一樣, 仲要連紙箱都未掉, 但一隻喇叭連箱都已經成個雪柜咁大, 咁就好辛苦咁抬左兩個雪柜返屋企了。返到黎第一時間拆箱, 第二隻都未攞出黎已即時駁上第一隻, 急不及待開機試聲, 左面仲駁住隻jmlab右面就quartet, e...d聲好match喎, 果然係流住法國種的血, 叫做過左一關。攪左一大輪兩隻都駁好了, 即刻試支多低頻既歌先, 唉, 出事了................
我的第一對座地喇叭triangle genese quartet入宮了
PP-HK hing, 我唔識2ch既，都睇得好過癮，請繼續！- 發送自我的 iPhone 大板凳應用 食完飯忍唔住睇左隻BD同聽歌....
未繼續前又講下部amp先, 我部amp雖然係前後級, 但輸出只有50瓦, 雖然有人講naim既計法保守, 而且係高電流既設計, 推動力都唔錯既, 不過呢d野有時係信者得救啦。
話說駁好攞枝有低頻既歌黎聽, 用番以前既音量啦, 點知一開聲d低音湧哂出黎, 嚇到我彈起, 冇留意佢比我以對喇叭高左4個db, 而低頻就多左好多, 但最開心既係完全冇boom亦冇覺得d低頻亂繞。見咁情況拿拿聲攞隻低頻怪1812 overture試聲啦, d樂器有層次唔覺亂, 到最後果幾下炮聲打到成個廳震哂, 但仍冇boom仲要係一下一下咁打埋身。到此為只放下心頭大石了。再攞d jazz黎試下double bass, 有少少boom嗱, 不過唔刻意去聽都唔係咁聽得到。
雖然說法國喇叭係講線條而唔係低頻量感, 但呢對野d低頻都唔算少, 就多得佢兩個6.5寸既woofer, 同埋個氣孔既特別設計。佢將兩個woofer分開係兩個chamber, 然後氣孔由中間一分為二, 除了加強低音外, 亦使兩個單元的音質一致。而且, 音箱為弧形設計, 來扺消音箱裡的駐波。
http://pix.aquarium.org.hk/main.php/d/19234-1/IMG_6277.jpg
不過, 低音係比以前個jmlab勁, 但大家唔好諗佢係好似B&W果類, 法國佬始終都唔係英國佬或美國佬嘛, 佢係有線條同速度果種。再來講下佢既高頻喇, 呢個驚喜仲大。
Quartet的高頻係horn的設計, 而半個高頻單元外露於音箱外, 目的據稱係減低音箱面的繞射, 加強高頻的擴散性。就係呢個設計將整音牆都拉濶了好多, 而家聽歌時d聲好似玩av咁包圍住自己, 而且音牆的立體感也有所提升。以前, 雖然定位都可以做到係中間, 但就好似個人坐係你前面唱歌咁, 大約三至四呎高, 而家呢就足足有6-7呎咁高, 就似個人企係前面一樣。
http://pix.aquarium.org.hk/main.php/d/19225-1/IMG_6269.jpg
http://pix.aquarium.org.hk/main.php/d/19230-1/IMG_6272.jpg
它還有一個特別的設計, 就係triangle的最大特色, 除了一般四隻釘腳外, 它還像亞當咁多夏娃一隻腳, 在中間做了一隻很大的角錐, 廠家當然話佢有用啦, 但我就唔敢肯定了, 相信和減低諧震有關的。
http://pix.aquarium.org.hk/main.php/d/19232-1/IMG_6274.jpg
http://pix.aquarium.org.hk/main.php/d/19228-1/IMG_6270.jpg
講左咁耐都冇講佢音色的特性, 它屬於秀麗型, 有良好的分析力, 最少比我以前果對既分析力高出很多, 聽多左好多野, 連朋友都話估唔到原來部CD5X既分析力咁強。聲音的分隔度做得唔錯, 聽交響樂時清楚唔同樂器的位置, 而且是一對具速度的喇叭。高、中、低頻好平均, 唔會過份突出某一音頻, 中頻還微厚帶少許味道, 但就唔夠jmlab既中頻味道。低頻有點緊, 咁我就唔清楚係部amp既推動力問題, 還是未煲夠, 但以用jmlab的經驗, 應該係後者居多。
入手後真係好高興, 佢令我係享受音樂中有所提升, 給了我驚喜。但原來以上講既只係驚喜中既一部份, 還有AV方面的提升, 但這次triangle只做了一半的工作....
又要出門了, 先黎張全家福, 有空再談了。
http://pix.aquarium.org.hk/main.php/d/19238-1/IMG_6283.jpg 恭喜!!!恭喜!!! What a nice speaker{:5_89:} 師兄小心隻狗喺喇叭腳度疴尿呀!!!