北海道13日之旅遊記 2011
本帖最後由 lkljason 於 2011-2-15 23:52 編輯Day 1: 札榥 - 到步已經係夜晚，加上拖住o急，好彩酒店o係正JR對面，渣渣林check in放低行李就出街搵野食，點知果頭附近除左便利店同居酒屋外乜鬼都無，加上都落住雪，好~~第一晚無謂扯到咁盡，就此休息翻晚先！
Day 2: 札榥 - 晨早起身，其實都訓到成8點，一行人食個牛肉飯早餐，首先去左JR售票處買定落函館既火車Pass，之後就重點行o下札榥附近既百貨公司同商場，不過唔行尤自可，一行就發覺其實無乜料到，想買新貨就貴到嘔，減價野又小到無乜選擇，所以未算有咩收獲，行到6點鬆d就開始我地既搵食之旅，第一餐就係牛角，而日本呢邊既牛角就有放題任飲任食既套餐，飲飽食醉後就回程返酒店，返到酒店都係11點鬆d，har一陣就再落左一間叫Red既酒bar小飲一翻，around兩點就返酒店覺覺豬勒！
Day 3: 札榥去登別 - 呢日真係要早d起身，因為落登別要趕架"沙頭"巴士去，因為要拖住行李去，所以要預早小小探定路，好彩沿途都係行地下街，所以外面幾咁大雪都影響唔到我地，落到登別無記錯都接近3-4點，個天都開始入黑，襯未到開飯時間出去溫泉街走走影下相，行完後就返酒店換晒浴衣一行11人落廂房準備晚餐，呢頓晚餐講真好一般o下，不過一泊兩食包埋既就算啦！食飽後攤透下就落去浸個靚靚位泉，呢間野個溫泉有個類似泳池既地方能夠男女一齊浸既，不過效果就一般姐，之後就去正式既溫泉再浸，因為第一瀧呢間酒店歷史比較尤久，所以內裡既設施都裝修都比較殘舊，不過都叫乾淨既，所以不失為一個relax既好地方。晚黑又到Happy hour時間，襟機買左d啤酒就落留下Lobby附近既休息位邊坐邊飲吹水，時光飛逝好快又到兩點幾完成左一日既旅程勒！
Day 4: 登別去函館 - 今日既行程首先就係落去飯堂食個 "鋪飛" 早餐，之後就出左去好近酒店既地獄谷遊覽影相，淨係同果兩隻地獄雙煞影相都玩左差唔多半粒鐘，之後就再行上山腳影下附近既景色，到此一遊後就趕巴士去到JR站搭火車落函館勒！大約二個幾鐘頭後到達函館，講真函館真係幾幽靜下 (簡單d講即係乜鬼都無) ，不過此行目的都係食海鮮加坐纜車上山睇函館 著明既夜景，所以點都要到一到。食海鮮當然就唔能夠咁晏至去啦 (函館朝市下奏已經closed) ，所以我地既lunch就去左食漢堡飽，唔好睇小佢，呢間d雞件既漢堡飽味道真係very good，加上整間鋪頭既佈置勁有聖誕氣氛，入到去真係相都影多兩張。食完後去左金森倉庫既商場行下，跟住就上著名既函館山睇夜景，睇完後我地大家都覺得太平山既夜景靚得多，呢d景點去一次就夠，下次真係唔會再上去食野~~~食咩？食風呀！XDDDDD
落山後就行左去酒店附近有條唔知咩街食拉面 (書仔有介紹架，不過唔記得左lu)，食飽後就返酒店洗下衫，呢晚無happy hour，不過因為有得上網既原固，所以都差唔多兩點至就寑。
Day 5: 函館去小樽 - 一早起身唔好講笑，首先去左酒店隔離既函館朝市嘆下海鮮先，一黎就整左串1000yen既新鮮即叫即撓即燒既鮑魚串，再黎就整隻大大隻既扇具，跟住就秤左兩隻新鮮既雪場蟹一蟹三食，haha...大家以為完事後就錯啦！尾門再黎個刺身+ 海膽飯黎完結，真係想唔肥兩磅都唔得，食飽後就買手信既時間，我地成班友竟然就將果檔賣乾貨帶子既全部晒冷，臨尾仲要玩到同個檔主阿伯照相留念，真係問你服未！掃完貨後就開始返酒店收拾細軟搭JR落小樽勒。
落到小樽都唔早勒，放低行李就出去搵食，完來夜晚既小樽都唔算好旺，所以行下行下至搵到間居酒屋 "魚民" 食d小食，小插曲就係間野竟然有卡拉ok唱，仲要係有得計分果隻，開頭都諗住日文歌識鬼唱咩，但係云云既歌list度竟然搵到幾首中文歌，太舊既就唔講勒，較新既有係Eason既七百年後同謝安琪既年度之歌，不過個MV就求其搵d好似以前飛圖既卡拉okMV咁樣，即係求其搵d風景畫面配d字幕就叫卡拉ok勒，不過都叫做係日本渣果支咪，叫做得啖笑啦！返酒店後沖個靚涼後就浸下溫泉，係就係細d，不過都幾舒服。之後就落左酒店canteen襟機仔買啤酒兼邊食今朝買既手信尤魚絲吹下水，話咁快又成兩點勒。
Day 6: 小樽 - 呢日既行程係行小樽果條著明既手信街，即係咩音樂盒既鋪頭果條街呢！邊行邊食邊 "taste 墮"，咩叫 "taste 墮"？即係試食咁解呀！行到6點幾個天都開始黑就入左間迴轉食壽司，食完後就開始行小樽運河，因為夾晒時間關系，小樽運河有條叫雪燈之路，即係好似雪祭咁上下既野，沿住運河點晒燈加d雪人，都幾熱鬧架，不過撞口撞面都係香港或者操國語既人，感覺麻麻地姐！行到腳都跛既情況下回程返酒店，好彩可以浸下溫泉令到對腳得到舒緩姐。今晚仍然有落Canteen Happy hour一翻，o係Canteen撞到一個單拖黎既日本..............男人！估唔到咁都可以同佢吹一輪水，呢一輪都有成個鐘，果然真係四海之內皆兄弟呀！呢晚差唔多三點幾至訓，o係成個行程黎計應該係最夜訓既一日勒！
Day 7: 小樽去札榥 - 因為小樽落札榥比較近，所以呢日唔需要太早起身，無記錯都成10點至集合，行左個土炮百貨公司後就搭JR返札榥，指定動作係要check左in先啦！之後就開始行下雪印、地下街既同狸小路，講真札榥shopping真係麻麻地，齋行一輪後夜晚就去左間叫炭炭食下和牛、海鮮同刺身既鋪頭，食完就返酒店休息勒！呢晚無記錯Happy hour係暫定一天既！
Day 8: 札榥- 呢日終於到左大家期待以久既outlet勒，間outlet位於機場附近，所以都搭左差唔多成9個字既車程，當中既過程都無乜好講，都係買呀！買呀！買呀！行到差唔多七點半都未捨得走，如果唔係d鋪頭開始閂同埋趕住返札榥食放題蟹宴 (包括有鱈場、毛蟹同松葉蟹)，相信行多3,4粒鐘絕對唔成問題！呢餐蟹宴因為全部係凍食，初段大家都好起勁咁拆蟹 ，但第二輪後大家都開始放慢手腳，到第三round直頭開始你推我讓勒，講真完來呢d蟹凍食唔食得多架，摸摸個肚~~~大獲勒！點解個肚凍冰冰既，又唔整d薑茶黎喎，你話點樣食得多丫！o係好似好飽但個肚凍冰冰既情況下就回程返酒店勒！因為個胃無熱野到肚，夜晚梗係要落居酒屋啤啤佢兼嘆下串燒啦，har 一 har 又成2點鐘，咁又完左一日行程勒！
Day 9: 札榥 - 逗留多札榥就係為左札榥既雪祭開幕勒，雪祭分左兩個地區，一邊係大通會場，另外一邊就係搭大約10-15分鐘既車程到另一邊較細既雪祭會場，首先去左細果邊先，因為果邊close 5:30，細果邊比較岩細路仔玩既，有坐水泡既滑雪梯，有坐雪剷既滑雪梯同d唔同形狀既雪人睇下。之後就坐車翻返大通會場呢邊，其實都係大同小異既野，不過梗有d大大座既用雪砌成既建築物睇下，都算大開眼界，不過因為各團友衣著方面並唔係好充足，所以真係凍到連隻腳係邊都唔知 (凍到僵左無晒知覺) ，行左幾粒鐘後就去狸小路食七福神既海鮮BBQ，呢餐真係把鬼，d野食一般之後，食完果浸味仲勁過o係香港食韓國燒烤，可能佢係炭燒，所以浸味有過之而無不及，anyway~~~即係無下次！所以旅行書既野有時並唔可以盡跟！因為隻腳 "支力" 到唔係自己既關系，所以Happy hour時間要休息一天勒！
Day 10: 札榥去富良野 - 晨早因為又係搭 "沙頭" 巴士既關系，所以比平時較早集合，食左小小野就上車起錨勒！到達富良野大約11點鬆d，check in後食小小野就馬上落去雪場租Ski，我去韓國時都有玩過下，不過先止聲明，果次滑雪真係齋著齋除對ski，滑兩下就因為跟團關系，逗留時間勁短，所以可以話跟本就未滑過雪。呢次因為有幾位適心教導既"導師"從旁指導，係訓練雪道玩左幾粒鐘，我地幾位初哥就膽粗粗搭吊車由初級雪道滑落黎，諗翻轉頭真係無有識死，不過玩多幾次真係越黎越大膽，跌既次數亦都越黎越小，歡樂時光過得特別快，我地當然唔會咁易就走，索性玩埋Night Ski，一玩就玩到成8:30，搞到"癲拿"都無著落，因為所有食得既鋪頭已經收晒，未收果d相信比多多都唔慌食得飽，所以最後選擇左叮叮飯同叮叮面，好彩我之前o係便利店食淨個Big cup noodle個晚餐至有著落，叫做填飽個肚之後就落去浸個靚靚溫泉，之後o係Lobby飲翻兩杯就早d上房休息，其實話早話早都成12點幾！
Day 11: 富良野去旭川 - 一早起身即刻食個 Buffet早餐，野都未落格就好心急即刻去雪場，o係越玩越順既情況下又好大膽試一試比較斜d同窄小小既另一條初級雪道，竟然都ok喎，好快就到 check out時間，將d行李放晒Lobby後就坐纜車上差唔多到山頂既位置餐廳食Lunch，我地幾個男人預算食完就由山頂位置玩初級雪道滑落黎，其實心情都好戰戰驚驚，但出到去下死就死啦！初段都覺得唔多對路，初級同高級個分叉位勁接近，加上個斜度點解好似差唔多既，加上兩邊完全無圍欄圍住，越睇越唔對路覺得都幾危險下都係翻轉頭，不過俗語有云落山容易上山難，上果o下真係裸你命3千，我地成班仔只有舅仔滑左落去，點解佢咁勁？我估計佢除左骨格精奇外，另一個原因係佢探o下探o下路唔覺唔覺就扇住碌左落去勒，點解用個碌字，因為班女仕見到佢時聽講佢成身都係雪黎既，所以我地有理由估計佢係L碌落山既！XDDDDD
我地好咀喪咁落到山後，即刻玩翻下面果段既初級雪道，所以我又估計我地其實並唔係初級，應該叫初哥會貼切d！
好快就到4:00，襯有小小時間就行去酒店附近既森之時計既景點影下相，大約行有幾個字就返去搭巴士落旭川，落到旭川差唔多又到晚餐時間，試左間又係旅遊書介紹既一藏拉面，不過話時話我覺得除左面既un度粗幼唔同d之外，你話有好大好大既分別我真係唔覺，可能呢d就叫唔識食啦！食完後行左附近一陣就去買定後日返機場既火車飛，返到酒店見仲早就繼續Happy hour，而今次我地都係選擇左呢間笑笑居酒屋，點解幫襯佢，因為感覺好似旺d囉，點知入到去都係得小貓三幾隻，不過無乜所謂啦！都係至在飲翻兩杯姐！
Day 12: 旭川- 最後一日既行程，今日係去旭川動物園，因為個動物園開成10點鐘，所以都唔使太早起身，其實呢個動物園主要係睇企鵝巡遊，其次就係睇下北極熊，其餘果d動物真係上野果個動物園好過佢，所以大約3點鬆d就閃勒，返到旭川好似無乜野就解散自由活動，各自各自己想做既野，三口子行左兩行見真係無乜特別野睇就行去旭川既雪祭，其實同札榥果個雪祭規模梗係無得比啦，但一場黎到就當去行啦，呢個雪祭有小小特別就係有個激光show，加上強勁既節拍音樂，都叫做有d氣氛，行到around 8點就開始搵野食勒，呢餐真係無乜plan，所以見到乜就食乜，見呢次行程未食過 shabu-shabu，見到間外觀賣相都唔錯既鋪頭即管入去試試，真係唔試唔知時運高，間野竟然唔錯，無論價錢同食物既質數，臨返歸前仲去打下機夾下公仔，好滿足咁回程返酒店執拾細軟準備聽日既回程勒！
Day 13: 旭川回香港 (途經韓國轉機) - 因為我地呢d較穩陣既人，所以提早去到機場，話就話穩陣，其實係知道新千卷歲個機場好多鋪頭賣野，唔襯早去邊有時間行呀，只係一粒鐘時間，各位"團友"又一抽二"能"咁行返黎，各位"團友"既購買戰鬥力真係驚人。
終於上機啦，大家梗係以為呢個旅程已經完結勒，咁你地就大錯特錯啦，因為途經韓國機場有2個幾鐘時間，各位女仕無論係幫人、自用或者送禮既雪花秀都成為呢班女仕既獵物，一輪肆殺後各名女仕又"咩"多一大袋上機，所以各位"團友"既行李overload係有原因既！
總結：13日既行程話長唔長話短唔短，成個旅程無論搭車、時間同住宿都叫意料之內，希望各位"團友"滿意今次既行程，雖然我地唔係食得招積，住得舒適果隻，但我自己覺得整體都算好順利，希望可以好快plan下次既旅程啦！bye bye good ......................................... 北海道真係好正，請問師兄平均一個人駛了幾錢？ 北海道去幾多次都係咁正，好想冬天去一次。{:6_128:} 難得你咁快就咁有心機打哂成個TRIP, 加分啦~~~{:1_351:} 北海道真係好正，請問師兄平均一個人駛了幾錢？
tennishk 發表於 2011-2-16 07:40 http://www.post76.com/discuss/images/common/back.gif
全部加埋平均每人大約使$16000 難得你咁快就咁有心機打哂成個TRIP, 加分啦~~~
小瑟 發表於 2011-2-16 09:01 http://www.post76.com/discuss/images/common/back.gif
除左分享外，最重要都係襯自己仲記得d細節，留返d回憶比自己！{:6_182:} 雪祭北海道最貴係機票同酒店
ching 坐邊間航空公司?
仲有溫泉酒店幾多人1間房? 雪祭北海道最貴係機票同酒店
ching 坐邊間航空公司?
仲有溫泉酒店幾多人1間房? ...
spadeace 發表於 2011-2-16 16:48 http://www.post76.com/discuss/images/common/back.gif
因為上年9,10月已經訂機票，無記錯都係4千幾蚊，來回都要韓國轉機，搭大韓航空。
溫泉酒店o係登別 (訓他他me，因為包食，所以一定要報人數) 同富良野 (加床，因為都係包早餐，所以都焗要報人數) 就三個人一間房，而小樽都係三個人一間房，double bed 屈蛇入去住既！ 因為上年9,10月已經訂機票，無記錯都係4千幾蚊，來回都要韓國轉機，搭大韓航空。
溫泉酒店o係登別 (訓他 ...
lkljason 發表於 2011-2-16 16:55 http://www.post76.com/discuss/images/common/back.gif
原來大韓可以平咁多, 下次可以考慮下
CX機+酒5D4N 好似過萬
{:6_175:}
不過多口講句...非必要都唔好屆蛇...
{:6_241:}