回復@肥狗仔@
畫面好靚....係PC版??
RiceR9 發表於 2011-9-29 18:08 http://www.post76.com/discuss/images/common/back.gif
當然係PC版~家用機版冇得較畫面的~亦冇64人~到時地圖好可能縮水~
回復 192# @肥狗仔@
係呀....我都想講....個圖好大....大到果條友行來行去咁耐都無人射佢{:6_208:}
希望家用係一樣啦{:6_146:}
本帖最後由 @肥狗仔@ 於 2011-9-29 22:43 編輯
公開BETA現已登陸歐美服XBL(需金會員)~歐服PSN及Origin平台~有興趣的朋友可以到上述平台下載BETA~另外有關本次BETA入門指南請看176樓~
本帖最後由 @肥狗仔@ 於 2011-9-30 20:30 編輯
岩岩係美服XBL下載左今次的公開BETA，玩四局，贏左兩局(一攻一守)，小評就唔寫，但都有少少感想。首先因為今次係BETA，所以BUG唔少，我就試過載入/退出時停左係讀取畫面度，另外畫面間中會有一閃一閃咁樣。不過今次連線品質比《Medal of Honor》要好，基本上只係試過斷線一次，整個遊戲過程中未遇過網絡延遲問題。畫面方面，首先唔好同PC版比，除左最後攻「A4」個場景有好多建築物令到fps有少許下降之外，大部份時間比《Bad Company 2》仲要穩定，相比起《Crysis 2》簡直係唔同級數。如果你玩BC2冇問題的話，今集你應該會感到非常滿意。至於畫面本身，以Sandbox大地圖黎講，無論係美工部份﹑texture定係光影SSAO等方面做得都非常唔錯(當然係以家用機角度)。特別係「A4」嘅城市部份，好多建築物都刻劃得比較真實而且唔少仲可以進入甚至上二樓。唯一個人認為美中不足就係水源處理，一開始係「A1」區如果你向河水開槍，你會發現條河只不過係一張會流動嘅貼圖黎，遇指彈完全冇任何物理反應。儘管單純觀賞的話佢仍然係照片級，但重技術層面黎講佢同COD係同一級數甚至更差。
物理破壞係由《Bad Company》開始嘅其中一個主打。同《Bad Company 2》一樣，BETA容許玩家炸爛外牆甚至建築物，感覺更易破壞。雖然本人未驗證本作所有場景是否同DICE所講一樣可以100%破壞，反正有人用AT4向敵人所處的建築物開一炮，結果成幅牆被炸塌左落黎。另外樹木都係100%可以破壞的。
音效向來係DICE嘅王牌，相信都多朋友都略有所聞。事關DICE可能係世界上唯一能夠錄到最接近槍械/載具原聲嘅遊戲公司。如果你屋企有套勁HI-FI，本作同《Bad Company 2》一樣有多種聲效模式調較。選擇適合自己嘅模式，入game後就好似入左真正嘅戰場咁，不解釋。
系統上面大至上同前作嘅RUSH差唔多，但因為DICE修改左所以本地圖RUSH模式已經冇載具，所以暫時未試到。
3D報點仍然存在，不過係視野消失後報點都會消失(小地圖除外)。
今集加入(應該話加返)爬行動作，係BETA入面好多玩家都會利用爬行動作避開敵方火力並且爬到有利位置。不過當你爬緊嘅時候，聽到有指彈係你頭頂飛過，果種感覺除左真實同刺激之外都冇其他野可以形容。
另外近身攻擊加入左類似QTE嘅表現方式，暫時未用過，但試過比人咁樣從後襲擊，一下死。另外近身攻擊嘅時候被人射中都會死。我打死好幾個都係哩d傻仔黎。
開槍後坐力依舊，但感覺比BC2黎得合理。「榴彈」設定暫時未感覺得到。
紅鏡同埋工兵專用電筒都可以用黎干擾敵人視點，非常毒嘅招數。
仍然係4人一小隊。載入畫面顯示默認要入隊。新增嘅小隊長技能暫時未有出現，所以咩炮擊都未用到。
解鎖項目就咁睇已經非常多，每種武器都有自己嘅解鎖而且仲有勛章及軍階，要升肯定有排玩。
其實今次BETA可以講嘅野的確唔多，只可以話「地鐵行動」係一張由室外室內組成嘅刺激地圖，今次少有地加入大規模室內戰感覺上變得有少少COD，可能到時conquest又會有另一翻風味(可參考返176樓「地鐵行動」衛星圖)。不過整體而言都保持到BC2嘅高品質同節奏。但個人覺得始終哩個都只係BC2新興的24~32人RUSH。BF迷真正所要期待嘅始終都係傳統64人conquest模式(都已經等左3~4年)，今次PC BETA中有64人嘅「里海邊境」conquest地圖，近日已經有唔少玩家用密碼撞入哩個地圖度體驗經典陸空大戰，希望DICE早日可以全面開放這張地圖。我部新PC最快聽日搞惦，如果有幸玩到的話到時再寫寫感想啦。
回復@肥狗仔@
係呀....我都想講....個圖好大....大到果條友行來行去咁耐都無人射佢
希 ...
RiceR9 發表於 2011-9-29 18:35 http://www.post76.com/discuss/images/common/back.gif
BC2之所以被喻為系列中節奏最快嘅一作，好大程度上係因為佢嘅地圖活動範圍比較細，而且好多地圖嘅活動範圍都係直線，進攻/防守方向目標明確(特別係RUSH模式)。雖然只有24人但基本上戰線都係比較集中。但係以傳統嘅BF黎講，大地圖+64人係最能突顯出哩個系列嘅特色(當然仲有團隊合作同戰術運用)，「里海邊境」算係大地圖，但相比BF2嘅「阿曼灣」，又唔係大得咁誇張(而且BF3最大嘅地圖都唔係「里海邊境」而係一個油田地圖)。係到左BC1﹑1943﹑BC2哩一堆所謂外傳先黎玩24人，其實夠唔夠大唔大細唔細都係要睇下點玩，但今次家用機因為冇64人只有24人conquest，所以都唔好期望佢會有PC版咁大個地圖。因為以往系列有分16﹑32﹑64人對戰，唔同人數地圖個活動範圍都有分別，64人當然係地圖全開，16人會縮到好細。所以相信今次家用機個地圖規模唔會比BC2果d大(儘管戰機仍然可以飛出界，但最盡我唸都係同BC2嘅Heavy Metal差唔多)。事關DICE係平衡人數同地圖大小方面係做得好足，你見今集RUSH PC版最多都係得32人，因為個模式限定左攻守方活動範圍，太多人會亂得好緊要，地圖拉大又唔得集中。
回復 195# @肥狗仔@
我無得dl.....本身部pc又唔夠勁玩唔到{:6_147:} ....等你report{:6_190:}
不過....我都諗緊....好唔好整多部專打機既電腦係廳用電視玩...
反正遲d出 diablo, 唔可以用囡囡果部玩.........
唔知電腦"聲畫"可唔可以用hdmi去amp到出呢!?
回復@肥狗仔@
我無得dl.....本身部pc又唔夠勁玩唔到 ....等你report
不過.... ...
RiceR9 發表於 2011-9-30 10:01 http://www.post76.com/discuss/images/common/back.gif
可以~家下都好多人整哩類HTPC~
回復 196# @肥狗仔@
肥兄,有無另類方法有bf3 beta 入手方法。無美金live
回復@肥狗仔@
肥兄,有無另類方法有bf3 beta 入手方法。無美金live
inagawa 發表於 2011-9-30 13:46 http://www.post76.com/discuss/images/common/back.gif
X360的話暫時只可以上美服以金會員身份下載，因為beta應該係鎖人的~其實開個美服唔難~有一個月金會員~我都係早幾日買英文版BIO4 HD先開個美服人。
本帖最後由 1080/24P 於 2011-9-30 16:33 編輯
打到Lv.8, 畫面家用機算係咁, 聲效就一流!! bf都係第一次玩, 要時間適應下, 動作亦相當敏捷, 真係一隻好講求合作既遊戲!!
不過有時離開的時間loading出返去, 間中係load唔返出去......
