終極分屍～忍者外傳2
http://f20.yahoofs.com/hkblog/povxoJmACCiaBjCPG2U-_8/blog/ap_20080605093022676.jpg.jpg?ib_____DwnY7P29T花左3日時間終於打爆左忍者外傳2，過程真係有如地獄般痛苦，在初時玩嘅時候因為未熟習新系統，所以打得好苦。好多人都話今集易玩左，但其實只係頭幾版嘅假像，因為遊戲中在每一次嘍囉戰後都可以回復能源，雖然方便左好多，但在BOSS戰時，因為冇時間比你回復，所以只可以用不斷補能源打法，但如果你習慣使用補能源方式而冇考慮招式技巧的話，到後期將會苦不堪言，因為到第14版將會係連續5個BOSS戰，打幻心同伊麗沙白後可以到村正叔度買野，但最後係3連BOSS戰，如果你在頭1~2個BOSS已經用晒所有回復道具的話，後果可想而知。
今集爆左機後可以留翻D進度再打，即係全兵器黎打，所以第一次玩兵器唔夠可以唔駛去打修羅。等第2次先打都未遲。
今集敵人AI真係冇得頂，臨死都要同你玩自爆，半條血就咁比左佢.....
尋日睇見網上有人話龍忍太難，一D都唔好玩，結果當然比人插到冇聲出啦，
龍忍出名難玩，怕難玩不如玩食鬼，駛咩玩龍忍呢??其他遊戲D敵人咁低B係咁比你玩連招，呢一套根本在龍忍身上用唔著，敵人AI同能源係同你相等，主角有幾勁，係完全睇個人技術同反應，所以好唔好玩係睇個人技術，同遊戲本身冇關。
在外國game評只得8分，user評分亦只得8.7，神作地位已經不保了.....
其實我玩嘅時候都覺得畫面進步不大，而視點亦相當有問題，大慨係主角太快所至，遊戲本身絕對超爽快，可以話同類遊戲如DMC4同戰神都要讓路。
上集能成為神作，極限畫面絕對係其最大買點，如大家有用X360玩上一集都會發覺佢D畫面同次世代分別唔大，可想而知當年佢一出有幾勁。可惜今集畫面同上集差唔多，遊戲內容係重要，但今時今日仲用翻以前果套???保持而不進步，一定會被時代淘汰。
小小心得︰(只係我為熟習系統嘅基本戰法，所以唔可以話你頂級戰法。)
1, 被圍攻時，盡量使用儲氣Y或飯鋼落。
2, 注意唔同敵人用唔同兵器，如一D有裝甲嘅敵人，用鐮刀會比用龍劍更快。
3, 當出現藍魂(能源)時，如果你已經見紅，你就等藍色部份回復後先再給藍魂，咁就可以補回見紅部份。
4, 先升級你最常用嘅兵器，後才升其他兵器。
如果中左爆破手裡劍，可以跳牆大斬，咁樣可以抵消爆破(上集都係咁)。
5, BOSS(人形)盡量待佢出完招先再還擊，飛燕在追擊上亦相當重要。
6, 打狗要分散同佢打，否認你好大幾會比狗咬死。
7, 第7章BOSS岩漿怪，盡量打佢個頭，龍劍比較快，當佢冇能源時會自爆，所以佢爆嘅時候一定要用疾風(閃)或忍法，否則只有一死。
8, 第12章中BOSS岩漿怪兩隻，同第7章打法一樣，不過要記住打完一隻到一隻，否則畫面光到超難睇又亂。
9，請熟習主力招式，因為每一種兵器都有佢最大殺傷力嘅招式。
10, BOSS戰時要注意不時用RT修正視點。
因為手頭上有工作在身，所以餘下我唔會有太多時間去打，
我成日都話，第一次用低難度爆機只係熟習系統，第兩次再玩先係報仇時候，所以我會一個一個難度打上去，所以冇時間報仇的確有點可惜。
爆機畫面......條粉腸遮住塊面都有咁多女鍾意??真係唔明。
http://f20.yahoofs.com/hkblog/povxoJmACCiaBjCPG2U-_8/blog/ap_20080605093014727.jpg.jpg?ib_____Dps6WuD8B
百連斬成就唔難開，打曱甴閒閒地都有2xx啦。
http://f20.yahoofs.com/hkblog/povxoJmACCiaBjCPG2U-_8/blog/ap_20080605093005951.jpg.jpg?ib_____DCBFABqfh
睇完鬼佬D影片後，件衫甩左色............http://f20.yahoofs.com/hkblog/povxoJmACCiaBjCPG2U-_8/blog/ap_20080606082337761.jpg.jpg?ib_____D84XAD65S
http://f20.yahoofs.com/hkblog/povxoJmACCiaBjCPG2U-_8/blog/ap_20080606082344245.jpg.jpg?ib_____DtGoW_XOw
都係呢件型仔D........
http://f20.yahoofs.com/hkblog/povxoJmACCiaBjCPG2U-_8/blog/ap_20080606082329541.jpg.jpg?ib_____DxIzYKnV6
[ 本帖最後由 marcolau 於 2008-6-6 08:59 編輯 ] 嘩~咁快就爆咗嗱?依家我先去到人狼之城咋.....:o 喺你哋打到如火如塗嘅時侯，我已經靜寂地入了獨角獸。
又喺你哋將Ｄ GTA 忍2 我先買機，問你死未..... 唔會比你哋毒到Smilies017 原帖由 laiho 於 2008-6-6 10:13 發表 http://www.post76.com/discuss/images/common/back.gif
嘩~咁快就爆咗嗱?依家我先去到人狼之城咋.....:o
TOTAL 9個鐘爆機，
而加玩緊中忍第9版。
...........超變態。 原帖由 j.w 於 2008-6-6 15:25 發表 http://www.post76.com/discuss/images/common/back.gif
唔會比你哋毒到Smilies017
你已經係道友一名，唔駛人毒你都已經有毒在身啦...^^ http://f20.yahoofs.com/hkblog/povxoJmACCiaBjCPG2U-_8/blog/ap_20080608050027252.jpg.jpg?ib_____DMtOInXhP
爆左中忍就會多左件迷彩衫，講真，勁核凸.......
加吓玩上忍，第一版就死........
一開始就已經係爆破忍者，之後就成班火箭砲兵。
不過都已經習慣晒佢D視點，感覺上就手好多....^^
新記錄，324連擊........^^
http://f20.yahoofs.com/hkblog/povxoJmACCiaBjCPG2U-_8/blog/ap_20080608050036129.jpg.jpg?ib_____DSFk3c5vu 終於爆咗下忍.....嗰隻爛溶溶骷髏魔打咗成個幾鍾......:L
都唔知死咗幾多次.....仲難打過最終boss......Smilies020
真係慘痛既經歷......要停一停回吓氣先......;P 原帖由 laiho 於 2008-6-11 01:25 發表 http://www.post76.com/discuss/images/common/back.gif
終於爆咗下忍.....嗰隻爛溶溶骷髏魔打咗成個幾鍾......:L
都唔知死咗幾多次.....仲難打過最終boss......Smilies020
真係慘痛既經歷......要停一停回吓氣先......;P ...
我打緊上忍....超難打，一開波就已經係爆破忍者....第一關都死左好多次。
骷髏魔....其實唔難打，只要射完一野，左或右挑兩吓就可以避過佢D血，
當描準時可以噤LT，咁佢果拳會打你就會自行閃左...... 幾時有中文版？