肥佬出唔出BD真係成問題, 好似佢揸住既Star Wars都似未出BD.
肥佬一定會出Blu-ray啦，
有錢你估佢唔會賺咩！
佢只係想等market share大Ｄ果時先至出遮，
依家BD響美國個DVD market share先得1%，
現時出賺錢唔夠多唔夠過癮丫嘛！
你睇佢幾後期先至出DVD就先佢想點啦！ 咁又真.
佢又係真係要擺最靚最正既畫面音效先肯出...
不過呢一集美國開畫失手, 佢都會幾騰雞... 買左飛星期六睇！ http://www.moviesuper.com/big5/Graphics/DATA/Information/IN-4238.jpg
含內容
.
.
.
.
.
.
.
.
.
.
滿懷期望咁去睇，不過原來希望越大，真係失望越大架，睇前盡量唔睇任何影評或者討論，希望用一個乜都唔知既心情去欣賞呢齣戲，呢次都係去睇我既至愛早場，好~~~我地去片！
呢套戲一開場已經入正題，無話兜兜轉轉固弄玄虛，故事大綱o係而家呢個時期睇真係有d老土，加上用UFO外星人黎做包裝，我覺得同個背景唔係好match，如果唔係睇開呢個系列既朋友，相信只會覺得係一套比較普通既尋寶戲。當然我呢d並唔係一般既觀眾啦，開場無幾耐已經響起我地熟悉既配樂，個心當堂熱血起黎，我諗真係要我地呢d睇住呢d戲黎長大既朋友至領略到呢樣野，今次同對上果集一樣都係玩父子情，但呢次相對黎講真係差左d，兩父子無乜內心戲，反而第一集個女主角出黎客串仲有d驚喜添。
福伯真係老啦，我諗大部份動作場面都係替身，不過以我黎講，齋睇佢個招牌渣鞭同西部牛仔帽look已經值回票價啦！反而沙拉保夫都係一貫咁樣演譯法，同我預計差唔多，不過佢套套戲都係做呢d角色，講真都幾厭o下。另外一位女主角姬蒂白蘭芝好似o徒左d，除左佢個髮型同佢d唔知係咪蘇聯口音既英文外，真係唔覺佢有乜發揮既表現囉。
總結：做人要好頭好尾，睇戲其實都係，雖然套戲唔算好精彩，但而家呢個年代乜都集體回憶掛帥，懷緬一o下Doctor Jone既風采又有乜問題呢，相信福伯拍到第五集既"餐屎"都唔會好大，就算有都唔會好似今集咁仍然擔正，支持o下老人家d魄力啦！ 最尾隻ufo,睇到O晒咀...
頁:
1
[2]