奪寶奇兵之水晶骷髏國
實在太正, 之前有追開頭三集既話, 呢一集一定要去睇, 因為真係集體回憶.Smilies010 期待中Smilies011 Smilies011 Smilies011 我前晚睇左喇, 正所謂希望越大, 失望越大:L :L :L等多人睇左先一齊傾.................................. copy from my blog: (有重要劇情, 不喜勿highlight)
呢一集奪寶奇兵絕對係一個集體回憶! 就由一開始派拉蒙既舊ID開始話俾我地知, 十九年前既記憶就由呢一開始.
相隔十幾年Indy又再出動, 自己又老左, 老豆死黨又死晒, 唔多唔少有D心酸. 近年英雄回歸大多數都帶著呢種稀虛既心酸情懷, 就咁令到跟左佢地好多年既Fans更加熱血.
論劇情今集比較更簡單, 其中外星生物既佈局比較貼近當年一度大熱既UFO熱潮. 同以前三集唔同, 呢集比較近代(50年代),唔多唔少反應當年既心態, 其中"阿飛"既態度, 係咪都掛住梳靚自已個頭或者開首一場鬥車, 唔多唔少同肥佬(佐治盧卡司)自己套"美國風情畫"接近.
今集再加入父子情節比第三集同樣既父子情黎得生硬, 一來兩父子少交流, 連情趣都少左分享. 反而鍾意重遇第一集女友既一段, 頗有火花.
之前三集多用光學特技, 近廿年後電腦特技太普及, 所以今集唔多唔少用多左電腦特技少左以往既硬橋硬馬既動作場面.
新一代既朋友可能要重溫之前三集先可以投入呢一集, 否則好似而字咁只會見到好多小朋友大叫唔好睇, 反而大人大叫過癮!
始終情懷真係好重要! 我星期四睇左!! 其實套戲唔錯的!! 特技,音效做得非常好!! 大導演真係大導演!!
注意: 以下含內容未睇勿看!!
今集唯一唔好既地方就係用外星人, 變左同以前幾集感覺唔同左!! 之前個幾集都係d超自然能力, 有上帝既力量!!
今集用左外星人變左太科幻啦, 史提芬真係E.T. FANS!! 不過都算係一部好電影!!
[ 本帖最後由 1080/24P 於 2008-5-25 15:20 編輯 ] 真係集體回憶 X2
含內容:
戲中見到佢呀爸同Marcus幅相, 再睇睇福伯個樣, 真係都覺得歲月飛逝, 自己年紀都太0左好多, 真係睇既觀眾都有點唏噓.
除0左舊人, 同大隻佬隻抽, 昆蟲, 招牌戚咀笑... 所有Indiana Jones既元素都0係番到. 無白廢我睇0左一至三集先入場. 不過, 解謎破機關如果多d就好.
我覺得講外星人問題不大, 不過最後出隻UFO, 太過形象化, 畫公仔畫出腸, 太礙眼. XD
福伯真係太老啦, 再拍一集應該無可能. 而新男主角我覺得點學, 點扮都唔會係Indiana Jones, Indiana Jones只會係福伯.而且再拍既話戲入面既年代太近現代, 好難拍之前果種味道. 我諗呢集當係整個series既完結.
馬雅文化好正. 真係好想親身去睇下. Smilies019
[ 本帖最後由 radhk 於 2008-5-25 05:08 編輯 ] 個仔改同名添, 搏有第5集... 但傳聞肥佬真係想開第5集, 似第3集一樣, 個仔做主角, 福伯做線葉. 我好期待佢既藍光!!今年年尾唔知出唔出到呢?? 尋日睇完,感覺上第4集好似集頭三集之大成+第三類接觸+The Mummy Return,所以整體上較上年Die Hard 4.0 失色,
不過如果得利會出有中文字幕既BD,我都會買架!! 原帖由 Ricky24000 於 2008-5-25 15:45 發表 http://www.post76.com/discuss/images/common/back.gif
尋日睇完,感覺上第4集好似集頭三集之大成+第三類接觸+The Mummy Return,所以整體上較上年Die Hard 4.0 失色,
不過如果得利會出有中文字幕既BD,我都會買架!!
肥佬出唔出BD真係成問題, 好似佢揸住既Star Wars都似未出BD.
頁:
[1]
2