Fable III 屈錢法
本帖最後由 marcolau 於 2010-11-2 10:37 編輯每集Fable都會有唔同屈錢技，今集都唔例外。
不過今集搵$其實已經易左好多，至少同金錢有關嘅成就在未同屈錢技之前我已經開左。
但如果要快速拎到隨機武器(?)，就最好先屈金，因為隨機武器要約九百萬先拎到鎖匙。
九百萬唔係一時三刻可以搵到架。
屈錢步驟如下︰
P1=1 play手犁，P2=2 play手犁。
1, 先進入自己個遊戲SAVE(當然係P1)及身上必須有$。
2, P2按Start進入遊戲。
3, P1送禮(所有金錢)給P2。
4, P2拒絕收禮。
5, P1將P2踼出遊戲(十字掣向下)
6, P1去庇護所收禮。
7, 重複步驟2~7.....
做第一次時金錢只會x1(即係冇加過$)，之後再做就會x2, x3一直加上去，好快就會過千萬。
不過要注意一點，最多1千萬就要收手，否則你會後悔。
複製武器亦一樣做法，因為遊戲中有50把武器，其中隨機武器係要必須同其他玩家交換先可以集齊.....
小評︰
尋晚爆左一次爆，但可惜係哩隻game太多野搞，所以我爆一次都未完全了解遊戲系統，而事實上仍有好多隱藏要素有排搞。
其實今集Fable睇落好似易玩左，其實並非真係咁易玩，在上集我可以不死爆機，但今集死左十幾次(不過當中有唔少係因為想開成就要死.....^^!)。
上集好多野都可以同$買，包括升呢。但今集要升呢就改為開寶箱，但寶箱都唔係咁易開。
而武器升級就要先了解升級條件，否則你打一世都升唔到。
魔法亦要育成，所以想升晒d野都唔係咁易。
而今集敵人明顯多左，所以開頭打得好吃力，所以要唔死爆機要花點心機。
今集故事比上集差左，大慨你早先(即Fable 2主角)而準備好一切，但今集內心爭鬥明顯加強左，好多地方都要玩家決定.....
動作部份加強，戰鬥變得精彩，不過魔法勁得異常霸道，尤其後段如果只用劍招一定吃力。
今集除主線及副線任務外，新增交友的關係任務，其實關係任務重複性好大，不過可做可唔做，如果升呢及結婚你都冇興趣的話，大可以唔做，完全由玩者自己決定。
總結︰
系統大致同上集相同，明顯改動係戰鬥系統及界面，
尤其欣賞地圖系統，屋樓買舖相當方便。
不過戰鬥系統改左有好有唔好，雖說冇能源bar，但就變得要更小心自己條命仔。
上一集故事始終比較好，而今集自由度更大。
敵人多左，招式變化亦大左，令戰鬥更爽快。
人設靚左，總好過上集「能力越大，個樣越醜」，搞到冇咩心機玩......
我個人比較偏重故事性，所以對今集有D不滿，好在爽快感提升算係補足....... ching u are so fast to finish the game......... ching u are so fast to finish the game.........
ming226 發表於 2010-10-30 01:47 http://www.post76.com/discuss/images/common/back.gif
好似真係快左D.........^^!
主要系統同上集差唔多，所以易上手..... 未玩過上一集，直接玩呢集會唔會有情节障礙呢{:1_338:} 未玩過上一集，直接玩呢集會唔會有情节障礙呢
james108022 發表於 2010-11-1 22:55 http://www.post76.com/discuss/images/common/back.gif
唔會，因為兩集相隔50年。
上集主角已經成為歷史人物.... 唔該晒!!!CHING!!!等平些少買番隻先.....{:6_128:} 唔該晒!!!CHING!!!等平些少買番隻先.....
kalok6 發表於 2010-11-2 05:51 http://www.post76.com/discuss/images/common/back.gif
一係唔等，一等到等白金版......
因為XB白金版一定連DLC，到時一定抵好多。
不過到時又可以冇人陪你ONLINE.... 而且遲d佢一定會fix左屈錢bug..... 而且遲d佢一定會fix左屈錢bug.....
wahwahb 發表於 2010-11-2 12:35 http://www.post76.com/discuss/images/common/back.gif
其實FABLE屈$技算係非公開官方秘技，所以唔算係bug。
總之每集FABLE都一定有錢屈，只係方法唔同。
此技其實在推出第2日已經放出，似乎係官方自己發放.....
而今集武器收集，如果要集齊50把，非用此技不可。
因為冇人會咁特別自己唔要而比把傳奇武器你.....
所以交換前都會自己複定一兩把。
頁:
[1]