給 76 的一封信
本帖最後由 maner394 於 2010-10-13 13:22 編輯這一段日子裏，睇番好多以往的帖子…….睇到好多大家的點滴，點解當日大家開開心心，今天要反目成仇…………有好大感觸！
我注冊於2008-2-24，第501名注冊，我點解要注冊？……因要想找部 TV，在搜尋器找到 76 ，所以注冊了，但當時都沒有怎樣發言，呢段期間，我去過很多的討論區流連，發覺到大多數討論區，如發問一些簡單問題，如咩叫 5.1，係唔會有人答你，就算答你態度也極差，仲有呢類討論區都有一個共通點，就係充塞好多打手，所以對呢類討論區極為失望！
到了 08年12月BDP 發始普及，我想買部平價BDP用，我又再次到 76 流覧，雖然當時人流很少，但呢到好快咁比到意見你，縱使Ｄ意見唔係好啱心水(都係好似依家咁，唔貴果部都唔叫你買….哈拾)，但心裡異常開心，終於有個地方，問野係有人答，我就係咁樣係76 經常流連！
係2009-3-9 我發問了一條問題，係關於 blu-ray 裏DD5.1和 DVD 裏 DD5.1，有咩今別，被一名版友好無禮貌的回應，你的一句” 上面果位仁兄, 你D回答真係唔方唔Q勒~~~~”，深深的感動了我，我想”就係呢度…….就係我要找的地方”
就此我經常在這地方出 post，出帖數差不多每個月都排第一，一天多達過百個帖，有些人會覺得濕濕碎，但我是用手寫板的，就這樣係 76呢到識到好多朋友，經常在 76 傾到深夜，連我老細都話我好似返兩份工，由於當時會員人數不多，傾嚟傾去都是個十個八個，但大家都傾好開心，還有當我或版友的器材有問題，大家會一呼百應，大家自發性的上網找資料，有的找代理，有的還會找外國代理理論，那一次成功地爭取到免費維修！
到了硬版區開始人流漸多，這時我有幸被 mankoo米高邀請當版主，當時mankoo米高 也是我其中尊敬的版主，我一口便答應了，雖然自己對影音還不大熟識，我也盡力為新手解答問題，由於網站己運作一段時間，己經聚了一班資深老手，漸漸地也另人流也多起來！
2009-6-5 第一次攪版聚(夜遊鴨寮街食麵團)，最後只得三個傻佬邀約，但那次聚會非常開心，就係咁 245141525 和 線王hintel 成了好朋友，之後我地繼續攪版聚，人數也越嚟越多，就係咁我地同版友之間建立了一份友誼，而版友們也對 76 有了一份感情，而呢份感情係用幾多錢買唔到！
係呢段日子裏，大家都在 76 過得非常愉快，就算有什麽打手，搗亂分子攪事，大家都會盡力地圍護這片樂土，你我無分彼此，盡心盡力地令 76 強大起來！
今日我非常的慨嘆，為什麽當日曾是朋友，圍埋大家食飯吹水的一大班元老，為什麽今天要那麽仇恨 76 ？呢班人曾經當 76係屋企咁，每日都會上76流連，為什麼會一起在外唱罵 76？整件事全是呢班元老的錯？呢一大班元老真的痴線嗎？
無可否認呢班元老在 76 時，係犯了好多版規，另管理層非常麻煩，現時在外常唱罵 76 也非常不對，但也是宣洩一些壓抑心中的不滿，就如香港市民對港府不滿，要上街遊行抗議一樣！
現在好多人都說”網上世界，人與事，一笑置之”但呢說這類話的人，是不會領悟到，因他們都沒有付出過，而呢班元老同我都有一個共通點，就係在無形間對 76 投放了一份感情，有人會說呢班人真係好儍，竟然對一個網站有感情，真係自招惡果，有如歡場無真愛一樣，但試想想在這冷漠的世界裏，還有一班人對一個網站有感情，係呢個大時代真係難能可貴，這也正是 76 的可貴之處！
正正是因呢班元老投放了真感情，而76又為了以後的發展，而放棄呢班元老，呢班投放了感情的元老，他們的憤怒、無奈……..係會比普通會員來得激烈，做出許多不智的舉動，這也是理解，所以先有今天針對性的局面！
事情發展到今天，許多人與事都回不了頭，誰對誰錯己不重要，只有在 76裏和諧共融是不夠的，我真的好希望是網絡世界裏，都可以共融相處，彼此放下成見和仇恨，76可繼續現時的方向，但不要對過去吹下水出個帖的版友，就標籤成叛徒、攪事份子，這對彼此也沒有好處，事情只會沒完沒了，咁又向苦呢！
在這裏好希望 76 可以再次變回一個可另人投放感情的網站！
我不是代表任向人講說話，也不須要這樣做，因我所做的問心無愧…………
我好相信呢句說話
昨日的因, 就是今日的果; 今日的因, 就是明日的果
小瑟兄
我記得你曾對我講過你的理念，76 可以無人流、可以無廣告，76 唔係一個商業化網站，就係你呢幾句說話，當日深深打動了我！
就此謝過小瑟兄的提拔和照顧
還有多謝 mankoo 米高 對我的厚愛，你永遠都是我的好朋友
祝 76蒸蒸日上， 本帖最後由 qq1122yq 於 2010-10-13 12:20 編輯
攪事份子？ {:6_124:} 人係一種好奇怪的動物，當初因為這裡有人肯回答，沒有單單打打，沒有小圈子而來，當自己成為熟客，老鬼時，就會不知不覺多了一個小圈子，當小圈子出現時，就會開始有文不對題的對話，有過火的言論，那當初大家不願看到的，自己亦正正在做著當初不願別人對自已做的事，但因為已經成為老鬼，管理的出手停止大家時，就會變成點解咁樣對我呢個老鬼，老鬼係無特權的，嚴格來說，老鬼比新人更無特權，新人可以自稱不清楚論壇風氣而做錯事得到較輕的處理，但老鬼因為已經對論壇風氣了解，得到的處理，比新人嚴格絕對合情合理！
76有變，人亦有變，誰變得比較多，我不清楚，但76的變是錯嗎？人的變是錯嗎？不同的論壇有不同的風氣，硬要把76變成高登般說什麼都無人理，何不直接去高登，當初大家喜愛76時，是喜愛76可以胡亂發言嗎？是認真的網友互相幫忙吧，現在你看到大家離開的原因，是因為失去互相幫忙嗎？我實在想不通是人變質了，還是論壇變質來得更大！ 乜事?{:6_141:} maner 兄, 與你未曾見一面, 但你是我其中一位留意及尊重的ching, 支持你!! 雖然唔知發生甚麼事,但我真係好鐘意這地方{:1_254:} 師兄有感而發嘅分享! 我覺得做人要大方， 這樣別人才會尊重你！ 我喜歡跟斯文人交朋友！
人一生當中就只喺短短戈幾十個寒暑，開心要過一日，唔開心又要過一日！你會...
我要活得開心，活得快樂！ 好日唔泥76~一入泥就睇到呢篇野~{:1_347:} 人係一種好奇怪的動物，當初因為這裡有人肯回答，沒有單單打打，沒有小圈子而來，當自己成為熟客，老鬼時， ...
阿定 發表於 2010-10-13 12:16 http://www.post76.com/discuss/images/common/back.gif
其實你明唔明白封信係想表達d乜野，我諗你唔明多，你係一個生意人上76目的同我地唔同，我地想上黎吹下水大家一齊玩下av，如果你想76好我諗你回小d post好d專心搞好你嘅團購