唉........我依家忙緊公司野, 我一陣先慢慢回你!!!!
唉!!!又0黎......服咗你地{:6_197:}
本帖最後由 Big_McIn 於 2010-10-14 03:36 編輯
怕得罪代理, 只可以說出好處 而壞處輕輕說下
hintel 發表於 2010-10-13 14:34 http://www.post76.com/discuss/images/common/back.gif
呢個世界那有「免費午歺」！
任何活動，任何社團，都要經費營運。
報喜不報憂都是時下的玩意，讀者應自我分析，方為上策。
MANER兄, 我唔明白點解你會用反目成仇來形容依家我同你既關係??? 有咁既需要嗎??? 我知道你/你地都對 76 初期有一份非常之大既感情
, 而當時人流真係唔多, 同一時間可能都只係幾十人在線, 所以我/其他版主們(包括你同線王大哥啦)可以睇得個 forum既討論會比較多, 管理上會比較細心同睇得哂, 維持到個好好既討論氣氛, 所以我先可以同你有緣回到果句 "上面果位仁兄, 你D回答真係唔方唔Q勒~~~~" 既討論, 而我到今日先知原來呢樣野深深感動左你..........
到依家我依然係 "76 可以無人流、可以無廣告，76 唔係一個商業化網站" , 你可以見到我唔係係人既廣告都會收, 有D對我地唔專重, 同我地版主們合作唔客氣既公司, 鋪頭, 我地都冇接過佢地D廣告, 我同任何一個公司合作都係以 "誠意" 行先, "金錢" 行後, 如果我只係睇錢看, 基本上有好多廣告代理公司我可以 JOIN, 但我都冇 JOIN到, 為既只係希望唔好好似只為廣告而生存既一個網站, 不過, 你都有講到, "由於網站己運作一段時間(其實網站已經運作左9年, post76係 2002年註冊的)，己經聚了一班資深老手，漸漸地也另人流也多起來！" 當時你係度人流係幾十人, 而依家係幾百人, 我相信做 IT 既人都會知道, 家用既 10MB 同商用既 10MB 價錢方面係天同地既分別, 一個月幾千蚊係基本消費, 其餘既 SERVER, 硬件, 地方, 每個月既開支我可以講絕對唔平, 呢點我都有係任何場合同各位版主們都講過, 原因都係希望你地明白, 76 既改變係必要既, 係正面既, 因為我好希望上得黎既每位仁兄, 發咩問題都好, 都要比人尊重, 都要客氣, 我想既係入得來既都可以有呢個基本"待遇", 咁我地 76 先可以真正做到 "尊重不同，和諧共融", 而好好彩, 76係呢二年人流真係爆升, 但係爆升既同時, 如果硬件唔跟住提升, 最後就會變左人人上來都慢, 得嫻又會死機, 小瑟係做 IT 既, 我好明白 DOWN 機絕對係玩 SERVER 既大忌. 所以我會不停咁升級SERVER, 加寬頻, 攪 ROUTER, 以應付未來人流有可能既增長!!!
係咪大家都認為, 所有既支出, 一定要我一個人頂哂, 唔去搵收入先係為之正路, 咁先係你地既樂土呢??? 咁 SORRY 勒, 我冇人地咁叻, 股票升一格就可以買層樓, 轉一轉手就可以有人地一年人工, 依家收支都仲未平衡, 攪下團購又講到我好似大生意, 發大達咁, 我睇得多呢D文章, 我都麻木哂, 本來好多怨氣想講, 到最後都無謂講, 講來做咩, 當一個人 LABLE左你係衰, 就睇極都係衰, 況且依家係一班人 LABLE, 我跟本咩都唔洗講, 所以我從無交代過.....亦都唔需要交代.......
如果有人同你講, 咩一個月網存費只需要幾十至幾百蚊就攪得掂, 果個人我可以話完全係唔入流既, 因為講出呢句野既人我相信佢個網大極有限, 人流多極有限, 頻寬更加係大極有限, 我希望大家可以玩得開心自在D, 所以我地UPLOAD相係可以 512K一張, 我地 76 一日既頻寬流量係以數十GB計算, 好多網存公司跟本唔會接受呢個流量既客進入佢地既 DATACENTER. 所以我地依家用緊 3 條商業頻寬條, 一係 PACNET 6MB, 一條 HKBN 100 MB, 最後一條係 九倉 10MB. 價錢大家問問就知~~~~
不過可能你覺得好多野唔係用錢去計算, 我絕對認同你講既 "版友們也對 76 有了一份感情，而呢份感情係用錢買唔到！", 不過你又有冇調轉
頭同我諗下?? 好似你呢個覺得 76 係一片樂土既 CASE, 你想唔想有更多版友都有同樣既感受呢?? 我開網就係希望人人黎到都可以好似你咁, 覺得係度問野, 傾計, 吹水係一件樂事, 開心事, 所以我更加唔希望 FOURUM 上有太激進既文章出現, 如果, 每一個產品你地覺得唔掂既, 或有問題既公司, 就下下都出 POST 係咁針對人地牌子/公司, 咁我地咪同當年 YES 倪震期期都出文係咁抹黑劉錫明有咩分別??? 如果有人真係睇過我既 POST, 都知道我同青蛇間野反哂面, 永不合作, 我係影音展見到佢地都調頭走, 但咁又係唔係代表我要出 POST係咁鬧佢地先叫岩呢??? 當初佢地搵我地合作, 係好有誠意的, 又十分專重我地提出既野, 我地先開始合作, 之後係點我諗唔洗我多講好多人都知. 但我真係好唔明, 就算我講一千一萬次都好, 我同呢間野已經冇聯繫, 但你地既所謂既"元老"都會話小瑟同佢地賣廣告啦, 報喜不報憂啦, 開左個新網站, 就係咁人身攻擊, 單打, 你地覺得好開心嗎??? 元老們有唔同理念, 覺得 76 已經唔係之前果個 76 唔緊要, 好似 76 其實一開頭果班老臣子們, 佢地玩左 76 冇 9年都有8年, 佢地都因為時代問題, 而小左上 76, 係另一D地方玩, 不過佢地有唱過 76 話我地變得唔係佢地之前玩開果個 76 嗎??? 冇, 我一句都未聽過...........點解呢???
我好希望好希望今次係我最後一次作出有關網站方向同立場既言論, 我真係唔希望再解釋咁多野, 因為真係好"支力", 好"支力"!!!
最後我只係想講, 大家都係成年人, 係大人, 如果真係覺得 76 唔岩你玩, 唔緊要, 呢個世界仲有 N 咁多個 76 網既存在, 你一定搵到一個更好, 更岩你既地方, 我更希望攪網既元老們, 放過小瑟一馬, 你地有你地攪, 我地有我地攪, 唔好再失驚無神走過黎又話做咩"神風敢死隊", 出個 POST 引起討論, 之後就最後整條 LINK宣傳網站, BAN左之後就話我地為青蛇護航, 夠了!!!
因為我地只係想攪影音玩樂網, 唔係想攪政治, 攪人事, 攪針對. 我上黎都係想開心, 想玩, 利益關係既野, 我過到自己就會做, 過左我底線就唔做, 我問心無愧, 好多謝大家既關心, 小瑟非常之心領亦都盛惠哂.
[版主的話] 有關近日HDMI線材的討論.....我有D野想講!!!
吹水地方.....攪到好似玩政治嘅地方...好似垃圾會甘...何必呢...
不如繼續係呢個平台 happy 落去算吧{:6_174:}
番工已經多氣受 , 何必玩樂既時間都要攪到唔開心呢 . 倒不如"快快樂樂玩av" XD
我都係想咁, 返工真係好多野煩, 收工後, 玩之麻, 最緊要開心~~~~
公開罵戰,我哋唔想,而且唔啱我哋post76管理層性格同處事手法,真係喜歡這裡的版友,
無需理會其他人擾攘,如有需要可向版務組作出投訴,如有部份資歷較深又想了解事件的版友,
可私下向我或其他管理層了解,我們會將事情告知,但相信大部份版友們嚟到76只為開心及找自己朋友,
建議對其他擾攘者不要理會,也無需特別為76和其他人爭吵,以免影響自己心情.
對於部份不喜歡post76的人兄們,請回吧! 其它地方有大量網站,無需日日針對76但又日日上來76,
離開這裡吧,不要再掛住這裡了,76唔啱你,亦都唔歡迎你,走吧! 咁樣對大家都好!
``````````````````````````````````````````````````````````````````````````
#maner兄弟,
唔駛為我上述言論不快,我唔係特登為你寫,係寫比一班專門針對76攪事嘅人,我都忍咗好耐,夠了!
mankoo米高
其實真係有人在攪亂嗎?我差不多每天都上７６但不覺得，可能我選擇性記憶，只記有用和攪笑的post, 各位師兄，做人開心點吧，人生苦短，有得玩有得分享，應該珍惜
我都係想咁, 返工真係好多野煩, 收工後, 玩之麻, 最緊要開心~~~~
小瑟 發表於 2010-10-13 17:31 http://www.post76.com/discuss/images/common/back.gif
絕對支持你!{:6_193:}
收工返黎上76係想輕鬆吓,減吓壓既!唔係要係度起爭拗既!{:6_238:}
