$299入手~由於係官鐵入~所以應該係比較高的價錢~特典仍然係之前公佈的山岡晃配樂OST~
$299入手~由於係官鐵入~所以應該係比較高的價錢~特典仍然係之前公佈的山岡晃配樂OST~
...
@肥狗仔@ 發表於 2011-6-21 14:53 http://www.post76.com/discuss/images/common/back.gif
貴你1元 XD
又唔係好貴Wo
PS3
信和 : 309 - 339
本帖最後由 @肥狗仔@ 於 2011-6-21 19:32 編輯
玩左兩至三個鐘，整體感覺良好。鍾意喪打鬼怪的朋友可以留意下。首先開頭果半個鐘比我感覺係bio4強化版，因為系統本身大同小異，但動作更快，更靈活，更直接，邊行邊打亦出現了。之後打打下更加會有個類似bio4武器商人嘅妖怪角色出現，即刻笑噴。除左系統之外，頭兩三個鐘嘅流程都由幾個部份組成:
1. 一般妖怪戰
2. 光與暗的攻防戰
3. BOSS戰
「一般妖怪戰」顧名思義即係普通遭遇戰。敵人有三種:惡魔﹑惡魔同惡魔。如果要搵佢地同bio4的村民比的話哩d惡魔仲要易打，爆頭機率更高，一槍爆頭仲會有慢鏡(唸起《Bulletstorm》了)當然哩d惡魔都有分類，有d識爬行，有d著哂裝甲識仲射野;「光與暗的攻防戰」個人認為係本作的核心部份，下至雜兵上至BOSS戰都會出現。係遊戲入面惡魔經常會身處黑暗嘅地方，哩D地方主角進入之後就會慢慢扣血，而入面嘅魔惡亦都會穿上黑暗外衣。玩家要做嘅就係利用槍的特殊攻擊去點燃一D金色嘅物體(通常係羊頭燈，之後會有煙花﹑走地金魚什麼的)才能脫離險境。至於著上黑暗外衣的惡魔，玩家亦須先用特殊攻擊或者近身火把攻擊打爆佢地嘅外衣，否則係打唔死佢地。光暗系統除左一般戰鬥之外，對於一d機關﹑解迷﹑搵路等亦會應用到;至於BOSS戰就係BOSS戰。但玩左咁耐發現本作的BOSS戰尚算幾頻密，行兩步就有BOSS打。不過每種BOSS還算得上有個性，類似bio4果類。
雖然遊戲系統上面仍見得三上花左唔少心思，但本作始終係須田剛一嘅作品，可能過左咁多年，再加上EA嘅阻撓，遊戲嘅故事唔會好似當年《Killer 7》咁前衛，但若果你有玩須田的《No More Heros》的話，本作係果種瘋狂﹑幽默﹑性感嘅表現力上依然十分到位。主角同Johnson嘅對話﹑中途對於地獄嘅解釋同果d冷係正經嘅暴力故事都突顯出須田嘅故事能力同幻想。
畫面方面，以UE3引擎黎講，本作畫面屬於中下。但須田今次決定用UE3仍然算係明智決定，除左效率之外，油令令的畫面亦都可以帶比玩家少少核突感覺。不過玩玩下偶然都會出現畫面撕裂問題。音效果方，本作係音效方面算係勁，由一開始的電單車已經略知一二。不過更大亮點出於配樂，雖然我地都知道本作配樂由山岡晃負責，但某幾段都真係好似直頭由Silent Hill度搬過黎咁樣。感覺唔錯，除左戰鬥配樂之外，平時的亦同鬼魅嘅氣氛配合得當，但唔好唸住係Dead Space果種。
另外遊戲同bio4一樣有個升級系統，武器暫時三種，手槍﹑散彈同機槍。可以執嘅指彈同戰爭機器一樣多，所以唔清楚點解仲要有得賣。白色鑽石由惡魔度打返黎，可以買酒(血)/紅色鑽石/指彈。紅色鑽石用黎升武器﹑生命上限之類嘅野。藍色鑽石由BOSS戰中得黎，可以換新武器或者武器特性升級。綜合黎講本作就係一款須田剛一版的bio4。相信隨住流程進展仲會有更多遊戲性發挖出黎。不過暫時都搵唔到任何可收集的隱藏要素。
$299入手~由於係官鐵入~所以應該係比較高的價錢~特典仍然係之前公佈的山岡晃配樂OST~
...
@肥狗仔@ 發表於 2011-6-21 14:53 http://www.post76.com/discuss/images/common/back.gif
e~咩今日出,我真唔知道...{:1_247:}
e~咩今日出,我真唔知道...
DVD迷 發表於 2011-6-21 19:35 http://www.post76.com/discuss/images/common/back.gif
咁證明左我嘅post查實唔係咁多人留意的{:6_174:}
咁證明左我嘅post查實唔係咁多人留意的
@肥狗仔@ 發表於 2011-6-21 19:40 http://www.post76.com/discuss/images/common/back.gif
你以為啦,我一直有留意的,我頭先玩下你先....{:1_262:} {:1_350:} {:1_253:}
本帖最後由 @肥狗仔@ 於 2011-6-23 19:56 編輯
岩岩爆左機。以普通難度玩，話長唔長話短又唔係短，本人冇計時亦冇睇通關時間，但8個鐘內一定可以爆機。綜合黎講還算得上係唔錯嘅作品，口味唔重，鍾意玩bio4或者DS嘅朋友可以試下。哩家寫下少少感想(感想並非評測)。
首先冇任何隱藏元素哩個係真的，如果成就/獎杯唔計的話，本作除左升級買水果d之外，一d收集元素都冇。每一關過後冇評價系統，爆機後亦冇額外模式。二周目繼承當然亦都唔會有。咁所以未入手嘅朋友如果冇信心愛上哩款遊戲的話勸你地都係等降價或者二手啦。
至於遊戲本身，畫面/音效都係果d野，55樓夠交代。而gameplay方面，整個流程正如之前所講分三個部份:1. 一般妖怪戰/2. 光與暗的攻防戰/3. BOSS戰。其實本作係系統方面令我唸起三上之前果款《VANQUISH》。可能日本製作人更傾向係核心系統上面嘅遊戲性，好似《VANQUISH》哩類遊戲無論關卡之間嘅變化都脫離唔到佢本身個Boost同AR。出黎嘅效果可能係精彩但帶點乏味。而《Shadows of the Damned》係哩方面平衡得唔錯，除左核心的光暗系統之外，一般遭遇戰到小遊戲都充斥住整個流程。而哩d額外部份亦唔見得同核心系統過份脫勾。整個流程唯一嘅缺點就係除左光暗系統之外，其他部份其實唔算得上出彩。好似一般嘅惡魔戰，同bio4差唔多，或者係《Dead Space》嘅非驚嚇版本。果d妖怪出場嘅作用純粹都係被殺而少了一種「嚇鬼」的作用。不同於bio4，本作係由頭到尾都冇比較驚嚇嘅場面。當然，取而代之嘅係無比嘅爽快感，比bio4或者DS要爽得多，但除此之外仲有咩驚喜呢?好了又講BOSS戰，遊戲的BOSS非常多，每一關都有細碼﹑中碼﹑同大碼嘅BOSS。有d會花你唔少時間，有d比雜兵更廢。整體重覆性唔算高，每個BOSS亦富有個性，哩個係好事黎。但相比bio4的BOSS，本作的無論係出場同打法亦相對做得不足。係遊戲入面，好多BOSS都要係光暗系統配合下先可以順利擊殺，開頭果幾隻BOSS嘅打法尚算有趣，但之後當愈黎愈多BOSS只需狂開槍就打得死嘅時候，你就會覺得有種虎頭蛇尾嘅感覺。尤其是愈後嘅關卡BOSS就愈少。令到後半部嘅流程相對小遊戲﹑一般遭遇戰及光暗系統黎講稍為失色。至於小遊戲，雖然過中有d搞笑有d色情，但大至上都係見怪不怪。純粹用黎豐富流程。
《Shadows of the Damned》比我感覺叫做好的有三方面，首先係音效，第二就係上面提到嘅光暗系統同流程平衡，另外係本作故事。可能因為BIOHAZARD嘅關係，大部份玩家都知道三上真司而唔清楚邊個係須田剛一。重點係三上係本作只係創意總監，實際上遊戲係須田剛一嘅作品。情況同幾年前嘅《Killer 7》一樣。如果以須田係過往《Killer 7》及《No More Heros》嘅故事能力黎講，本作唔會係合格。整個流程就係老土嘅英雄救美。不過比較絕嘅係在於主角同Johnson(那個變形火把)嘅對話。須田將整個故事包括地獄及主角女朋友的關係通過二人對話逐一交代出黎。另外遊戲中周不時會見到牆上有海報﹑童話故事書什麼的。哩d都係描繪地獄世界嘅一切(而且可以同人間作對比)，及各大BOSS有趣兼暴力的故事等等。而結局以同類遊戲黎講亦算唔錯，個人十分喜歡。比較美中不足嘅係除左對話及文字之外，你係地獄世界係極少可以發現當地居民嘅日常生活，通常見親都係打。
如果你係準備入手的朋友，本作有個升級系統的(具體打法見55樓)。好多人認為手槍係最先要升，但其實果支火把攻擊儲力時間及其他光屬性的都應該要升下。尤其是當你升爆左儲力時間，咁遊戲就會有新一種打法 — 無雙。本作嘅射擊武器有手槍/散彈/機槍三款，哩三款武器會隨流程而加入新特性，每種特性都會有用，所以唔好升死某把武器。儘可能先將手槍/機槍嘅威力及彈量升滿。還有就係本作花錢買升級的紅鑽石頻率會比較密，如果想有多d錢，打怪過陣可以先打爆佢地隻腳然後上前QTE。另外普通難度下其實好難唔夠子彈或者水用，所以應該將大部份金錢買紅鑽石為先。
本帖最後由 1080/24P 於 2011-6-24 08:14 編輯
此game有幾分與但丁相似, 同樣男主角要下地獄拯救自己最愛, 不過沒有但丁的怪物那麼核突!!
我個人很喜歡silent hill的音樂, 在此game音樂音效上除有silent hill的味道之外就是更有型有格!! (讚)
畫面不是最好, 算是不錯了!! 就是間中畫面撕裂是美中不足但無傷大雅!! 每位BOSS看得出是付出了心思設計!!
光暗之戰間中真的很緊湊, 讓你處於緊張狀態, 很刺激!! (讚) 解迷方面是能給予玩家滿足感!! (讚)
創造Johnson此角色很聰明, 變相兩人對話可以交代故事, 間中搞下氣氛!! (讚) 否則只能看主角打到尾....
某一版用了2D橫向射擊, 完場後感覺: 下?! 咁就當一版???{:6_200:} ...................{:6_199:}
在女主角身上行走時, 如果不是扣血, 真是捨不得離開!! {:6_212:} (讚) 如果閣下喜歡BIOHAZARD 4 買此GAME吧!!
感想同樓主差不多!! 不過我未爆機!! XD 好!!! 繼續地獄之旅!!
