小瑟 發表於 2026-1-20 20:57
未代Sony Bravia 8 II,都唔知應該開心定唔開心！
倒不如講，未試過好定壞，又點知得唔得？
本帖最後由 eric57 於 2026-1-20 21:50 編輯
如果51%係sony都仲會諗諗，49%就同零無分別，少一個品牌的考慮了，手機做到咁差都仲出到，sony根本難聽d講就係燒美金點煙食，錢對於sony黎講，燒得起，收專利費都收到手軟，黎緊如果部A95L有事後，一係就唔睇電視了，其他品牌睇唔慣
小瑟 發表於 2026-1-20 20:59
我都覺得sony繼續咁樣做電視落去其實都好危險，成本一直壓低，想喺零售市場同其他品牌根本冇競爭力。依家 ...
我覺得今次呢個消息一出 SONY 係預咗之後產品銷售情況會再向下， 但同時有機會拉高咗 TCL 個銷售額，咁嘅情況之下，反而對韓國兩大品牌會直接造成壓力， 因為佢哋除咗有銷售 end-user 產品之外仲有批發面板，如果連 SONY 都選擇同內地品牌合作的話，咁好自然面板都會用 TCL (其實依家華星光電嘅 LCD 面板已經係龍頭)， 如果連 OLED 面板都用埋華電就會直接影響到韓廠嘅利潤， 因為佢哋要靠拉高零售自家產品去拉高返個利潤，響咁嘅情況之下，市場由三個國家嘅玩家變成兩個，跟住劇情係點相信大家都諗到。不過， 正所謂有賭未為輸，SONY 嘅生態鏈同技術儲備其實個底係厚， 同埋呢個品牌對市場其他競爭者仲係有一個指標性嘅影響，你睇 SONY 上年中公佈咗 RGB mini LED 背光技術對其他品牌今年產品策略嘅影響係全面性。所以，我相信 SONY 經過 BRAVIA 品牌誕生前後嘅過程呢一役之後學精咗何為市場策略，同埋有危，便有機。
本帖最後由 NM0101 於 2026-1-21 09:18 編輯
其實呢類合作方式，其他行業都有做，合則來不合則去，基本都係戰略性合作，對自家公司影響不會太大。
小瑟 發表於 2026-1-20 20:58
呢份已向書有啲鬼鬼地，因為講明係冇法律約出效力。會唔會Sony玩嘢其實係放風出去睇下市場反應再決定下一 ...
唔出奇，SONY 唔係未試過，佢廿幾年前發表 FED 技術時已經玩過呢招，同埋之後 S-LCD 廠 SONY 決定退出唔玩都係有佢哋嘅考慮， 而兩者嘅共通點就係 SONY 唔獨資開廠，原因都係因為佢哋唔睇好嘅技術才唔獨資開廠。
自降品牌效應，都冇乜好結果！
TCL靠Sony品牌提高自己在國内及外圍提高TCL不是大陸牌子想再吸纳消費擋次較高消費者,佢地策略應初部試下外界反應然後再決定個饼造幾大
kingyipliang@G 發表於 2026-1-20 23:13
TCL靠Sony品牌提高自己在國内及外圍提高TCL不是大陸牌子想再吸纳消費擋次較高消費者,佢地策略應初部試下外 ...
TCL絕對係大陸牌子，這間公司創立於惠州。
TCL 近年進步很大。同 Sony 合作之後， 相信會更有突破😊
Sony 電視機本身都唔係平, TCL 無論技術同畫面呢幾年進步真係好大. 雖然tcl係大陸牌子, 但是我哋始終都要客觀去睇, 要面對現實 呢個始終都係一個 大勢所趨, 打唔開中國市場始終都係蝕底。TCL 同 Sony 合作 ， 我相信無論技術同埋價錢最終都係消費者得益。 對於我哋呢啲一般消費者嚟講絕對係一件好事🤣 無論睇感想觀感想同埋價錢上
既然係咁，以後sony電視就唔可以賣咁貴，售價應該同tcl睇齊，因為而家人人都知佢係OEM貼牌嘢
