【影音突發】Sony 影音部門突變！與 TCL 成立合資公司
臨收工整單大野~ 影音界大地震級別嘅新聞！剛剛 Sony 官方公佈咗同 TCL 簽署戰略合作備忘錄（MOU），雙方將會成立合資公司，全面承接 Sony 嘅「家庭娛樂業務」。簡單來講，以後 Sony 電視嘅研發、設計、生產甚至銷售，都會由呢間合資公司運作。
重點資訊整理：
股權比例： TCL 佔 51%，Sony 佔 49%。
營運範圍： 涵蓋所有 Sony 電視及相關家庭影音產品。
品牌延續： 官方強調會繼續沿用 Sony 同 BRAVIA™ 品牌。
生效時間： 預計 2027 年 4 月正式運作。
師兄們關心嘅野（個人分析）：
面板優勢： TCL 旗下的華星光電（CSOT）近年喺 Mini LED 同高階 OLED 面板發展好快。Sony 有咗呢層關係，未來喺旗艦機（例如 Z 系列、A 系列）嘅面板成本同供應可能會更穩定。
畫質算法： 大家最驚嘅係 Sony 靈魂「XR 處理器」同埋「色彩調校」會唔會褪色？如果 Sony 繼續主導研發，TCL 出面，理論上係雙羸的。
產地問題： 以後仲會唔會有日本製（Made in Japan）嘅旗艦機？定係全面轉由 TCL 代工？呢點對「信仰用家」嚟講可能係大關口。
之前 Sony 先將 Mini LED 旗艦（Bravia 9）交比 TCL 旗下面板廠合作，估唔到今次直接成立合資公司，直情係更深度嘅「技術換市場」做法。
各位 76 師兄，你哋覺得呢次聯手會令 Sony 畫質更上一層樓（因為有更強面板資源），定係驚佢會變咗「高級版 TCL」？歡迎入嚟吹水！
新聞來源： https://www.sony.com.cn/content/sonyportal/zh-cn/cms/newscenter/corporate/2026/20260120.html.html
早晨直播
https://youtube.com/watch?v=puZrYNwaAFg
大家多數都係覺得考慮小一個牌子呢。 最後一個日本品牌Sony終於都失守..........
余下自家生產只余下三叔及L豬但泡菜國品牌質素始終不太放心........
無計啦，大勢所趨。sony都要面對現實既{:1_351:}如果質量不變，價錢仲靚左，咁咪繼續支持{:1_343:} 本帖最後由 terrykathy21 於 2026-1-20 21:07 編輯
其實個人覺得TCL同Sony合拼，絕對係明智之舉。
TCL係大陸有廠房生産，無論係零件減低成本同Sony打入中國市場，由TCL策劃會更有優勢。
另外TCL能夠吸收Sony面板，彩光技術，絕對係好事，可以講Sony同TCL相方都有得著。 無大陸龐大资金加持,Sony在市場好似4K碟一樣末落 又或者咁講，SONY 同其他公司開合資合營公司其實之前都試過，例如: Sony Ericsson、Sony BMG、Sony Samsung S-LCD，但最終呢類合資合營公司都係無好下埸，所以今次 SONY 同 TCL 就算真係成事我個人睇法係樂觀。 未代Sony Bravia 8 II{:1_332:},都唔知應該開心定唔開心！ LOENDFANS 發表於 2026-1-20 19:48
最後一個日本品牌Sony終於都失守..........
余下自家生產只余下三叔及L豬但泡菜國品牌質素始終不太放心.... ...
呢份已向書有啲鬼鬼地，因為講明係冇法律約出效力。會唔會Sony玩嘢其實係放風出去睇下市場反應再決定下一步點做？？ kingyipliang@G 發表於 2026-1-20 20:50
無大陸龐大资金加持,Sony在市場好似4K碟一樣末落
我都覺得sony繼續咁樣做電視落去其實都好危險，成本一直壓低，想喺零售市場同其他品牌根本冇競爭力。依家咁樣睇呢個可能係佢唯一可以翻新嘅做法。
希望佢唔好畀廠方全權控制所有產品嘅方向決定。