【會後討論】Sony聲學工程師「潮見俊輔」專業級體驗會
🎉原來日版耳機一直都有這個取向？💥Sony專業聲學工程師「✨潮見俊輔 」先生親自講解Sony MDR-M1同MDR-M1ST大不同之！Sony MDR-M1 製作背後的「靈魂人物」，正是參與近年 Sony Pro Audio 系列的專業聲學工程師「潮見俊輔」先生，佢親自到訪香港，與香港 Sony Fans 及我哋 Post76 耳機版友分享 Sony MDR-M1 耳機的製作過程。而且，大家仲可以即場與「潮見俊輔」先生進行 Q&A，了解佢在開發耳機時的心得。可能大家都知道 Sony 早年推出了 MDR-M1ST 耳機，令不少人誤會 Sony MDR-M1 只係海外版。但其實，日本版的 Sony MDR-M1ST 有好多地方與 MDR-M1 唔同，日本版真係專為日本人同日本音樂設計嘅！
我哋一眾版友都同「潮見俊輔」先生合照，仲攞到佢嘅親筆簽名，呢啲機會真係有今生冇來世！😍 我哋嘅版友亦都非常滿足。我哋 Post76 今次能夠有幸籌辦呢次體驗會，真係深感榮幸！
https://youtu.be/OiwLZUVDBIo
今次同香港 SONY 合作舉辦嘅工作坊有賴咁多位版友嘅支持，非常熱鬧咁開始，又非常熱鬧咁結束咗!!! 今日好開心能夠同大家搶先體驗到 SONY 琴日啱啱 GLOBAL LAUNCH 嘅 MDR-M1 監聽耳機，而且仲有有份設計聲學工程部分嘅聲學工程師 潮見俊鋪先生 (潮見俊輔) 現場同大家分享!! 真係好JUICY!!!! 大家不妨係下面分享吓有咩得著同感受啦!!!
目前 MDR-M1 耳機仲係 Pre-Sale 階段，出席嘅版友想拎現場限定優惠，就記得查閱 DM / Whatsapp 搵我拎資訊啦。
本帖最後由 Bomb_Dance 於 2024-9-8 04:21 編輯
感謝post76的安排，正好趕上Sony MDR-M1發佈後不久就參加這次活動。
多年來是Sony MDR-CD900ST和MDR-M1ST的用家，最感興趣的當然是最近的Sony MDR-M1的聲音到底有甚麼分別。
在場短暫感受過一會，還是感受到Sony有點軟的低頻特色，不過對比起MDR-M1ST，明顯感到MDR-M1空間感會好一點，同時聲底會較為中性。後來聽到潮見俊輔先生解說，兩者聲音取向正好反映日本和美國音樂人口味不同，用家宜根據自己聆聽的曲目，選擇對應的型號。
潮見俊輔先生於活動上詳細的解說，正好讓我更了解到耳機的開發過程，也能夠理解到MDR-M1和MDR-MV1兩者設計目標的分別，的確獲益良多。
最後我還有幸替我的MDR-M1ST升級為簽名版，真開心。
今日我地有幸可以同Sony嘅殿堂耳機職人「潮見俊輔」先生親自講解全新專業級耳機MDR-M1的新品發報。亦可以讓我地版友近距離請教多款發燒級及專業級耳機嘅開發心得。{:1_345:}
而且仲可以畀一眾板友同佢合照及攞親筆簽名，呢啲機會真係有今生冇來世！😍而我哋嘅板友亦都非常滿足。我地Post76今次可以有幸負責今次體驗會，真係深感榮幸！{:1_258:}
好彩摩羯走得快，今日成功出席@post76_hk 及SONY聯乘的耳機發佈會活動，獲益良多。
新發佈的MDR-M1監聽耳機，我個人認為三頻表現平均，低頻帶點包圍感，中頻人聲距離不算貼耳所以不會覺得累（可能因應用家在錄音室長時間使用關係），高頻未去到絲滑但勝在夠乾淨。整體呈現健康忠實聲底，繼承SONY一貫專業錄音耳機風格。
小弟由十多年前第一對入手頭戴式耳機CD900ST，到後續Signature Series 的大細Z1R都玩過，甚至Walkman系列的黑金磚一二代每部亦煲過一千小時以上，更曾經一度以「索尼大法」及「味精」聲底當作對便攜音響的詮解。
相比起過往作為用家，大部分時間都站在消費者角度去享受產品，今次非常慶幸能夠直接向SONY開發團隊中的聲學工程設計師「潮見俊鋪」先生請教，現場解答了一些SONY聲學調音的理念，以及他本人對音色的見解。
最後再次感謝 @post76_hk專業團隊的細緻安排！！ 小瑟 發表於 2024-9-7 23:31
今日我地有幸可以同Sony嘅殿堂耳機職人「潮見俊輔」先生親自講解全新專業級耳機MDR-M1的新品發報。亦可以讓 ...
昨日參加到活動很開心，我是新加入會員，多多指教。🙏
邀請潮見先生簽大耳牛，電池爐(耳擴)，宣傳單張那位會員。
謝謝Post 76 職員，小瑟，erinerin 聯絡，辛苦晒，也謝謝Sony Hong Kong 安排此活動。
我寫了一篇短文和心情，研究吓點樣用科林開Topic 貼上先。 newedwardhk 發表於 2024-9-8 12:45
昨日參加到活動很開心，我是新加入會員，多多指教。🙏
邀請潮見先生簽大耳牛，電池爐(耳擴)，宣傳單張那 ...
好呀好呀, 你可以係手機試下連左WIFI之後(只係比較穩定) 5G都可以的{:1_338:} , 再直接UPLOAD文字同相上來都OK的!!!
如果有電腦亦都可以直係係電腦上攪都得的!!!
希望可以睇到你既會後分享呢~{:1_340:} {:1_326:} 有份星期六出席嘅版友將會獲得會場限定嘅預售折扣優惠!!!
🔎想知道詳情就記得查閱 FORUM 嘅 DM 系統 或者 Whatsapp 啦~~~ 由於版友眾多，未收到嘅版友請等等，小編將會係呢兩日聯絡你~ 感謝post76團隊的安排💕
當天氣氛很好,大家也很投入🤟🏻
也感覺到大家對sony的愛與期待(以及....怨恨😆~哈)
今次有幸可以近距離接觸到聲學工程師 潮見俊鋪 先生
聆聽他的理念及講解,令我獲益良多~(也十分感謝翻譯的姐姐及小瑟🙏🏻)
小弟本身持有
F1,sa1000,z7m2,cd900st,m1st,MV1.....等
個人感覺今次的 M1定位
是在cd900st與m1st之間的一個存在~~
而她的空間感比兩者好,雖然低頻冇m1st的量,但下潛比其深~
而樂器也很鮮明,形體也突出🙂
聲音感覺平均得來也好討好~
印象中~之前好多師兄都踩m1st~(但我用來打碟mixing感覺不錯🤟🏻)
今次應該不會出現這個情況吧~😆~~逃)
另外如果M1的耳套,可以換落m1st~感覺出來的後果應該不錯
空間感會更好~低頻表現也會改變,而且可隔音~~
應該會向好的方面發展~~🤔
以上~大約這樣吧~
再次感謝
Sony~
post 76團隊的付出及安排🙏🏻
及十分感謝"小瑟"同我小🐔🐔合照打卡~😆
(你得到了新的閃卡~✌🏻)
多謝你既參與呀, 有機會可以同你小🐔🐔合照打卡~😆, 真係深感榮幸呀!!!{:6_143:} 🎉原來日版耳機一直都有這個取向？💥Sony專業聲學工程師「✨潮見俊輔 」先生親自講解Sony MDR-M1同MDR-M1ST大不同之處！
Sony MDR-M1 製作背後的「靈魂人物」，正是參與近年 Sony Pro Audio 系列的專業聲學工程師「潮見俊輔」先生，佢親自到訪香港，與香港 Sony Fans 及我哋 Post76 耳機版友分享 Sony MDR-M1 耳機的製作過程。而且，大家仲可以即場與「潮見俊輔」先生進行 Q&A，了解佢在開發耳機時的心得。可能大家都知道 Sony 早年推出了 MDR-M1ST 耳機，令不少人誤會 Sony MDR-M1 只係海外版。但其實，日本版的 Sony MDR-M1ST 有好多地方與 MDR-M1 唔同，日本版真係專為日本人同日本音樂設計嘅！
我哋一眾版友都同「潮見俊輔」先生合照，仲攞到佢嘅親筆簽名，呢啲機會真係有今生冇來世！😍 我哋嘅版友亦都非常滿足。我哋 Post76 今次能夠有幸籌辦呢次體驗會，真係深感榮幸！
https://youtu.be/OiwLZUVDBIo
頁:
[1]
2