小弟有幸請到PAC大哥上門診症
本帖最後由 wayne0503 於 2024-6-13 12:49 編輯好榮幸邀請到Anthem專家PAC大哥出手幫我套系統把脈！另到我對玩AV嘅概念提升咗好多 大哥真係好有心除咗一路幫我調校一邊講解ARC教學 堅感動呢個年頭仲會有前輩很花咁多時間去教後輩 只係為咗我哋自己多啲嘗試去玩好套架撐！大哥真係無私奉獻 傾囊相助🙏🏻🙏🏻
講返套系統先！我本身都有爬好多關於ARC嘅設定文 就連放咪原來大哥都有教學 所以都唔係完全冇概念 部1140頭3個月都會試下玩個ARC但最後都係覺得auto-call出嚟好啲 對我來講真係幾難搞 所以最近都冇再set過ARC 直到上次去完P&O活動後忍唔住入咗部900想再玩好啲 其實聲畫對我而言提升幅度已經好唔錯 但原來我只係發揮到器材嘅60%左右😅由PAC大哥逐點指出系統問題所在 先係低音唔夠實啦 兩隻12寸各自為政 雖然打出嚟有力但尾聲又啲鬆散 同其他聲道未能銜接洽當 相位小許偏移 衝擊力未能命中目標 雖然ARC個低頻管理及自動相位較正 對我呢啲半桶水已經好大幫助，但去到再專業啲嘅人嚟講大約只有70%左右準確度 呢度係花得最多時間去調教嘅地方 我要強調只係微調 已經好大變化 大哥講解ARC裏面每一隻低音有十幾條預設好嘅EQ俾你揀 大致係關於低頻延伸及曲線頻率滾降 每隻低音要做幾多嘅嘢都可以控制 喺呢度學到嘅嘢係最多 跟住第二個嚴重嘅問題就係中置人聲位置偏低及較遠 對白朦朧 結像唔清晰 呢啲問題其實自己都清楚一路以為自己用超短投關係冇辦法唔妥協把中置擺位降低去耳水平另到前三水平差距好大 仲有本身前三喇叭左右用M&KS150 中置用低一級嘅LCR750以為效果唔好係理所當然嘅事 係呢度我就學到利用逐啲逐啲加尺去調整中置高低遠近當然仲有好多我唔明白嘅調教啦 估唔到執完之後可以直接放棄升級中置呢個念頭 而家對白聲已經去返畫面正中間 人聲結像清晰之餘前三音壓也很一致另到連貫感覺和之前分別好大 其實已經分唔到邊隻喇叭有高低之分簡單啲講地下嗰5隻喇叭及低音好似隱咗形咁容入咗套電影裡面 下面嗰啲處理好之後就梗係執埋上面嗰啲啦 去到呢度我想講下大哥由始至終都冇對我嘅器材及擺位或其他環境因素導致嘅不足 而去批評我半句 可能都知道大家嘅係環境鬥士又要遷就家人都有所限制 所以以前感覺啲高手會睇唔起你嘅器材及擺位正唔正中之類(其實我自己幻想出嚟) 而係好多前輩和PAC大哥一樣係用調教器材嘅方法另到器材去收補擺位上嘅𣎴足 正明咗唔會因為擺位正不正統而去放棄追求滿意嘅音效和用盡套器材先 唔好麻木追求硬件上嘅提升！
講返天空聲道問題 先係音牆較薄 擴散不足 前上置銜接唔到主聲道 原來掛牆喇叭都可以張佢教到好似放返係頭頂上面到咁 不過大哥話講你都唔明所以冇教到我做咗啲咩😂😂最後大哥見到我部超短啲顏色好怪又忍不住幫我搞埋🤭雖然都冇用乜嘢儀器去做及調教嘅嘢唔多 但肉眼已經睇到立體咗好多雜迅少咗好多 黑位明顯咗 短短幾個鐘就上咗堂寶貴嘅一課 呢啲真係比錢都買唔到嘅嘢 再一次係到多謝PAC嘅大哥悉心指導 另到我個系統聲畫都去到一個唔錯嘅水平 自問都去過唔少本地嘅毒氣室 呢種係家居環境下出嚟嘅多聲道要玩得好絕對唔容易 現時估計應該已發揮到系統嘅9成左右 希望日後可以自己都掌握到點set好部機啦！ 香港大把人都係環境鬥士啦。
在有限嘅資源發揮到最好已經好難得啦。
{:6_193:} Pac大哥真係好多人，而且又願意同其他師兄分享，絕對支持！{:6_149:} pac 發表於 2024-6-13 13:17
香港大把人都係環境鬥士啦。
在有限嘅資源發揮到最好已經好難得啦。
...
有好野食我又多謝先呀{:6_208:} Pac大哥 真係 稱得上大師中嘅大師
又有料 又肯幫人 真係難得{:12_724:}{:12_724:}{:12_724:} 有PAC出馬，套機起碼可以提升20%{:6_134:} bigair 發表於 2024-6-13 21:23
有PAC出馬，套機起碼可以提升20%
真心唔止😅而家上層嘅嘢聽得好清楚 啲槍炮聲一下一下轟落個心口度 wayne0503 發表於 2024-6-13 21:40
真心唔止😅而家上層嘅嘢聽得好清楚 啲槍炮聲一下一下轟落個心口度
小心俾人投訴呀{:6_138:}
恭喜師兄可以更進一步 pac 發表於 2024-6-13 13:17
香港大把人都係環境鬥士啦。
在有限嘅資源發揮到最好已經好難得啦。
...
有技術 又樂於助人 難得{:6_193:}