天龍 DENON A1H 入手 (多部經典分享)
本帖最後由 CalvinTsang@FB 於 2024-1-27 01:48 編輯非常忽然地，網上見到有人放售A110，懷著窮人絕望升級嘅心態去問朋友最近有咩筍嘢，出奇地年頭出嘅A1H竟然跌到心目中嘅價，就即刻申請幾張信用卡。
就咁，就將佢枱左返屋企~
打從十歲幾響姨丈家中見到的音響器材，已經好有濃厚興趣，同自己講將來一定要有自己的劇院！回顧擁有第一部AV機於2006年，當年公司識得一位良師，教我由用緊大陸cheap cheap 5.1音響HI-FI上至玩家自砌模式，搵左啲入門小型喇叭，買左部Pioneer AX2AV，當年興起THX、ProLogic IIx，已經玩到7.1，當時能夠玩到7個喇叭同主動低音箱，真係好正好夢幻，就咁一玩就7、8年。
搬咗屋後，覺得想為自己新居劇院注入新動力，於是更新了Pioneer LX77，當時仲未有Atmos同dts:x，呢部機已經可以玩到模擬Front height，即刻又入左對喇叭放上頂，感覺又神奇又興奮，當年都仲未有名叫7.1.2，就咁叫 上方聲道。同期再加埋可玩SACD HDMI直通DSD，對於窮人買唔起靚盤來玩模擬解碼嘅我，呢個直通DSD真係令我精神左唔少，呢個時候係2013年。
就響呢個時候聽到個好絕望嘅消息，所有品牌不約而同宣布: 下部2014款將會加入Atmos及DTS:X。。。。O.My God…..
一等就2020年，覺得Pioneer氣勢不及當年，把心一橫轉Denon X6500，以前總聽到一班師兄講天龍Power好勁。換機目的都是當年不甘心玩唔到Atmos，所以生左小朋友後，就決心上Atmos。換後發覺天龍勁力真係好唔同，爆炸力之強大簡直係我以前未試過，不過聽歌嘅暖和力反而冇Pioneer咁有味，個人純粹覺得。
又過左3年左右，一部最終家中玩到盡嘅9.4.6(當然都肯定自己玩唔到咁多)，加上SUBx4(玩埋震子)，都係我想再上嘅原因。本來想等X6800再睇，但A1H果堆config係我好想擁有嘅東西，所以，入手了。
一路仍在學習中，這個一生嘅嗜好，不會停不會累，會繼續踩坑落去！
PS: 簡單比較前機X6500，同樣的喇叭組合，低音密密的包圍力、豐富的細節、強勁的推力，係完勝上代產物，絕對係一個新進程，你會覺得當所有音效技術都同前幾代一樣時，新機 會係一個level嘅提升，個人會開始學習、懂得追求完美而非新功能。不要盲換機，要學會提升自己對細節上嘅要求，咁換機先值得。 恭喜師兄👍🏻
師兄你舊嗰兩部amp 都仲keep住？ 我都係小時候係姨丈屋企感染到呢個興趣呀{:8_389:} littlefat69 發表於 2024-1-27 08:06
恭喜師兄👍🏻
師兄你舊嗰兩部amp 都仲keep住？
哈，窮人嘅我，挭係即刻變賣啦！
依家只有留相留念~ CalvinTsang@FB 發表於 2024-1-27 09:55
哈，窮人嘅我，挭係即刻變賣啦！
依家只有留相留念~
咁快搵到新買家？😉 本帖最後由 CalvinTsang@FB 於 2024-1-27 11:16 編輯
marco 發表於 2024-1-27 09:24
我都係小時候係姨丈屋企感染到呢個興趣呀
第一次見到就上咗電，冇佢地邊有今日~
可惜嘅係我成長路上，身邊都幾乎冇朋友會玩呢啲，屋企人又討厭嫌嘈，都係靠環境變化+堅持先可以繼續。
好彩依家太太不會反對我玩，好感激太太背後默認通過。 littlefat69 發表於 2024-1-27 09:57
咁快搵到新買家？😉
咁百貨百客嘅，只要係正常操作都會有人啱嘅，加上網絡咁方便，方便左二手產品流通性。
每次放走一部，都會有唔捨得~ CalvinTsang@FB 發表於 2024-1-27 10:07
第一次見到就上咗電，冇佢地邊有今日~
可惜嘅係我成長路上，身邊都幾乎冇朋友會玩呢啲，屋企人又討厭厭嘈 ...
師兄搵到個好老婆真係冇得頂👍🏻 littlefat69 發表於 2024-1-27 10:24
師兄搵到個好老婆真係冇得頂👍🏻
哈哈，佢比我好大自由，知我唔會亂洗錢 CalvinTsang@FB 發表於 2024-1-27 10:07
第一次見到就上咗電，冇佢地邊有今日~
可惜嘅係我成長路上，身邊都幾乎冇朋友會玩呢啲，屋企人又討厭嫌嘈 ...
我太太開頭都有意見架{:6_125:}但佢依家每星期都會問今晚睇咩戲{:6_138:}變相依家自由度都好大{:6_142:}