終於見識到Q穴六隻十仔的威力，有包圍，有打心口，有下潛，最緊要是有密度而沒有過量，真係超正。Q姐的功力及耐心調較令人佩服。
另外隻A1H表現也很好，播CD時的音樂感也不俗，分析力也很好，令人期待。
又講下隻IKON 7 ， 我是用Ikon6 mk ii, 但播2 channels 的低音表現Ikon7的表現好很多很多，我真係要想想我的調較了。最後謝謝Q姐讓我見識Q穴。
昨天有幸到Q穴 終於感受到六隻超低音嘅效果 果種震撼 衝擊真係好過癮 多謝Q姐嘅款待
本帖最後由 marco 於 2023-4-9 09:40 編輯
Samson2011 發表於 2023-4-9 07:48
終於見識到Q穴六隻十仔的威力，有包圍，有打心口，有下潛，最緊要是有密度而沒有過量，真係超正。Q姐的功力 ...
非常同意{:8_389:}
我琴日試過坐吾同位置，皇帝位最正就不用懷疑，又可以比菊花放鬆下{:1_344:}
但兩側都唔覺衰聲，預期會聽到既boom呀,wuwu聲,就連deedee聲。。。竟然無出現{:6_134:}{:6_135:}
絕對係調校功力,因個聆聽環境無做咩聲學處理{:6_193:}
期待Q姐遲吓升級後再次到訪{:6_196:}
其實，我仲想講多句，今次家訪，令我重新定義，喇叭未必越新越好，Q姐套左中右淨係呢三隻喇叭已經令我有深深感受
Q姐～你好嘢，搞到我尋晚失失地眠{:6_146:}
睇見大家都好開心， 有機會都想去 師姐師兄啲屋企參觀下😊
去Q穴聽歌睇戲固然重要，但見吓D 襯家係今次成團原因
呢件事事原因後級起，有兩人唔知咩原因要一齊後到，我有幸可以係Q穴安安靜靜欣賞半個鐘（之後會在講聲音評測）
咁唔知有心定冇意，Q姐有部後級都唔插，係要A1H直推
當goldberg083一到之後我馬上提出Q姐冇加後級都冇心機聽想走之時，goldberg083即時周星馳尚書大人上身風吹邊面就向邊面
超低音讚唔講高中低都讚不絕口，我都佩服佩服
李好野一向花生友有自知之明聽完就急急腳走
我同goldberg083從Q穴講到去B仔涼粉從B仔涼粉去到行錯路比人叫返轉頭從行錯路到12個西鐵站重重複複咁講一樣野都係要加後級
係Q穴又話唔想同我嘈先唔講，講到我都想去Q穴提返Q姐加後級
估唔到Q穴真係有魔力改變人到周星馳D戲咁
lokki 發表於 2023-4-9 18:25
去Q穴聽歌睇戲固然重要，但見吓D 襯家係今次成團原因
呢件事事原因後級起，有兩人唔知咩原因要一齊後到，我 ...
？？？
本帖最後由 KinFaiLeun@G 於 2023-4-9 21:06 編輯
首先喺度多謝 q姐，咁熱心又無私招呼咁多位谷友。
上咗q穴之後先至知。原來低音可以噉樣玩法。（有心臟病嘅師兄，如果上去要小心啲）
佢嘅低音係跟住畫面嘅物體移動去到你唔同嘅位置。
同埋低音嘅打擊感，包圍感，層次，深潛度可以，可以一致性噉去到你嘅皇帝位。
如果平時啲showroom可以做到咁銷售量一定大增。
聽完之後明白有d低音唔係仲係靠軟件就可以調教到咁。
而且明白有好多師兄屋企唔可以搞到咁大音壓睇戲，但原來真係要搞到咁大音壓先至可以聽得咁多。亦都因為調校之後開到咁大聲都冇注波嘅問題，Q穴嗰度好似冇乜聲學處理（至少65或以上）
小弟用緊8500，上完Q穴聽A1H,可能因為Q姐調教完，
無論音場細節定位包圍感，都有10%以上嘅增長。
如果唔上去真係估唔到百五尺地方可以用到六隻超低音。
聽完至明白調教相位真係一個好大既學問。
不過亦都可能有啲師兄唔會喜歡咁低音，因為每個人，聽力同喜歡嘅唔同。
喺度再多謝一次Q姐,返屋企要俾心機慢慢調返部機試下。
本帖最後由 Bomb_Dance 於 2023-4-10 09:49 編輯
感謝Q姐安排是次家訪，然後還請客晚飯，真的十分客氣。
首先聽CD熱身，聽了玉置浩二《酒紅色的心》專輯、蔡琴《機遇》專輯和The O-zone Percussion Group的"Jazz Variants"。DALI IKON 7和Denon AVC-A1H配合下，聲底相當端正，沒有過分的染色。其中我最欣賞的是《機遇》當中的鋼琴部分，低音的共鳴和能量感十分像真。美中不足是高頻尾音收得有點快，不過考慮到喇叭的價位和數碼音量控制的先天不足，也是可以理解。
接下來就是今次家訪的重點——Q姐的6個超低音表現時間。一般家庭影院超低音都是「一個起、兩個止」，多超低音是絕少聽到的玩法，除了成本高昂，也絕少家庭影院擴音機支援多個超低音接駁。然而實際上在工程學界，早就有深入研究過，要有良好超低音表現，最少要有4個超低音。
https://www.audioholics.com/room-acoustics/history-of-multi-sub-sfm
https://zhuanlan.zhihu.com/p/55285680
聲學大師Floyd Toole博士府上的系統正是用上4個超低音，詳情可以參考以下文章。
https://www.thescreeningroomav.com/single-post/2019/03/06/the-ultimate-real-world-home-theater-and-listening-room
然而Floyd Toole博士用上JBL Synthesis ARCOS的Sound Field Management (SFM)才能馴服4個超低音，包含相關功能的DSP也是價值不菲，一般玩家實在難以做到。
Q姐則是耳朵收貨，既然器材功能有限制，那就用經驗和耐性，先挑出自己熟悉的電影片段，然後再慢慢調整各超低音的音量和相位，終於調整出讓他感到滿意的聲效。
早前聽說Q姐家庭影院音效拳拳到肉，的確所言非虛。Q姐的家庭影院空間說實話不大，而且看不到任何聲學處理材料，然而低頻反應不單快，同時密度十足。每一下的打擊聲質感分明，槍聲、玻璃聲、碎石聲、拳打腳踢等音效既有足夠能量感，同時表現出各自應有的細節，清楚利落。
接下來就是個人口味問題，Q姐府上的音量偏大，如果只有我一個人的話，我會希望把音量調低一點。另外Q姐的低頻表現比較接近觀眾，對我而言就太刺激了，所以我較喜歡電影院常見表現方式——超低音輕一點和遠點滲過來的感覺。然而考慮到聆聽空間，Q姐的小空間聲音自然接近，電影院空間大聲音當然從容，這才符合物理定律。
在自由交流期間問了Q姐一點問題，記下了一些重點。
1.兩聲道期間聽"Jazz Variants"和Adele演唱會時高音好像有點刺耳？
答︰換上A1H前沒有這問題，相信是新機還未完全Run in，需要多點時間煲練。
2.有沒有考慮讓前置座地另外接上現有的Krell兩聲道合併機？
答︰希望盡可能簡化系統，反正聽起來音效已經滿意，暫時不考慮。
3.電視看起來有Soap Opera Effect，是否用了插幀功能？
答︰由於不想看到judder，只好使用該功能。
4.Q姐把autocal後每個聲道的level加大6dB，有沒有比較過保留原設定但加大音量的分別？
答︰沒有。根據以前經驗所得，聲道level越接近0dB，聲效越直接。
經過這次家訪，我很欣賞Q姐勇於嘗試，親力親為來吸收經驗的精神，難怪連6個不同的超低音都能調整得那麼好，的確不是偶然的。
P.S.：今次是我第二次到Q姐府上家訪，上次已經是差不多10年前了，難怪Q姐也忘了。
https://post76.hk/forum.php?mod=redirect&goto=findpost&ptid=171102&pid=2807355&fromuid=76611
