!!! 有音響要維修嘅師兄請留意 !!!
本帖最後由 jazzilike 於 2023-2-27 21:19 編輯小心一個 ” 宇宙影音維修中心” 嘅”良師傅”
TEL: 94780011
我上年擺低兩部機俾佢整, 一部係Yamaha AV擴音機 開唔到機一部係PS Audio電源淨化器電壓不穩.收咗我$3600. Yamaha AV擴音機 拖咗5個月, 話整好但係攞返屋企機都開唔到 好懷疑佢有冇開過嚟整之後攞返俾佢, 來回咗兩次話整好, 而家攞返屋企後開機後3秒自動熄機.要撳幾次開關制先開到機 不過用到, 算!
部 PS Audio 就誇張喇拖咗一年 (不少於20次話整好, 但約去攞又話未整好, 又話要翻大陸 又話屋企有事 ) , 卒之幾個月前攞到返屋企 5組電源輸出 淨係淨翻一組有電, 仲有兩部機話整完嗰時機身都有好多處明顯花痕! 真係人都癲! 又要攞翻去俾佢整跟住好多藉口都唔處理部機 而家唔聽電話唔答whatsapp (每次洗板咁追佢之後就話聽日翻公司整, 已經又拖多3個月)
小弟玩咗音響十幾年 第一次要寫文批評人 而家我兩部機一部半廢一部失蹤 最慘係畀佢玩咗成年所以想各位師兄留意千祈唔好中佢陷阱 !
見呢度嘅版友都推介呢間維修影音器材，睇嚟都係靠唔住。 cth516 發表於 2023-2-27 21:38
見呢度嘅版友都推介呢間維修影音器材，睇嚟都係靠唔住。
我就係當時人，已聯絡對方取機 yoshiki 發表於 2023-2-27 22:04
我就係當時人，已聯絡對方取機
咁希望係一場誤會。最緊要攪返掂就好啦。 yoshiki 發表於 2023-2-27 22:04
我就係當時人，已聯絡對方取機
大家唔好信 攞唔攞到部機 部機咩狀態 會同大家跟進 我都中過招 jazzilike 發表於 2023-2-27 22:24
大家唔好信 攞唔攞到部機 部機咩狀態 會同大家跟進
仲諗住攞部CD機去整,畀你嚇一嚇,真係要停一停先. 良師傅，早前曾找你整天龍AVC-A1HD，回家後用完兩日又壞過，今次還嚴重咗連聲都無嘛。用了facebook和messenger找你，可惜你並沒有回覆，希望你能儘快回覆我。本人不需要你退回整機錢，只望能維修好部機！請儘快pm回覆我！唔該先 去SSP 整機都係浪費時間, 我上次又係睇呢度推既一間係鴨記整十仔既舖頭. 去到擺低個十仔比個女人. 2個星期後同我講整唔好. 但係個十仔又花又崩痴立立成舊垃圾咁. 我同佢講話崩左喎. 個女人仲大大聲話唔關佢事架. CLS. 以後都唔去個D 黑店{:6_124:} 整機都系揾樂聞，大公司，穩陣好多。