三星垃圾級售後服務, 買行貨請諗清楚
為左方便屋企人, 由av amp轉soundbar 三星Q990B (sony A9外觀入唔到屋{:12_736:} )22/10收貨開箱發現頂有油漬, 正面有膠漬, 頂部張貼紙冇左, 聯絡avlife, 回覆話要由三星處理,
三星師傅29/10上到黎, 話好少事, 問我拎張紙巾抹, 結果油漬抹唔走, 膠漬抹左入正面金屬網, 最後叫我等電話.
我分別喺3/11, 4/11, 7/11 打去熱線問點情況, 答覆都係當日內維修部會覆電話比我, 當然最後都係冇覆我.
可能因為小瑟兄幫手聯絡, 今日9/11終於收到一位小姐電話, 佢話外觀佢地唔會付責, 仲教我收貨要開箱check好晒先好簽收.
我問佢如果外觀唔付責, 師傅做乜要抹?佢就不斷重覆外觀佢地唔會處理, 如果要跟進就自己同店鋪聯絡. 由於我覺得佢態度差, 我問佢有乜途徑可以投訴佢, 佢就比佢個直線電話我, 仲要話投訴都係打呢個電話比佢{:6_121:}
咁大間公司, 咁'優秀'既客服, 買三星行貨真係要諗清楚
搵咁多次都唔應,要小瑟兄幫手聯絡先有反應即係佢地都只係當D散客係阿四唔需要理會啦 本帖最後由 tab 於 2022-11-9 15:05 編輯
JosephChan@FB 發表於 2022-11-9 14:59
搵咁多次都唔應,要小瑟兄幫手聯絡先有反應即係佢地都只係當D散客係阿四唔需要理會啦 ...
咁明確唔付責任, 做乜仲要拖.
最抵死係想投訴位小姐態度差係要打比佢本人落record. 好彩用三星幾次既情況都唔錯，一次買手機拎禮品算快，一次雪櫃CALL上客服再師傅黎睇都好好
照呢位巴打講，影音方面客服似乎唔得......好彩無用三星 TsunHo@FB 發表於 2022-11-9 15:13
好彩用三星幾次既情況都唔錯，一次買手機拎禮品算快，一次雪櫃CALL上客服再師傅黎睇都好好
照呢位巴打講， ...
可能我唔好彩, 手機同錶都幫襯過三星維修部, 但兩次效率都好快. 個人對三星產品有保留，以前用過兩部旗艦手機同中階平板都好易壞。雖然現在還有用部平板電腦，不過都想換機，轉過另一個牌子。 Samsung平版及手機都用緊超過一年又唔覺有問題，宜家仲諗緊買佢啲雪櫃。 LOENDFANS 發表於 2022-11-9 15:49
Samsung平版及手機都用緊超過一年又唔覺有問題，宜家仲諗緊買佢啲雪櫃。
如果買, 記得送貨時開箱check 好外觀冇問題先好簽收. tab 發表於 2022-11-9 15:02
咁明確唔付責任, 做乜仲要拖.
最抵死係想投訴位小姐態度差係要打比佢本人落record. ...
照記低佢員工號碼、姓名、職級，跟住照投訴！
指明要佢上司回覆，咁大間三星唔係佢大晒呀嘛？
最緊要唔好怕麻煩，跟到底！ 再send多個email比佢總公司，話俾佢哋聽香港個代理咁樣處理件事，而且佢哋投訴無門！