kelvinhin 發表於 2022-9-12 12:59
ISEE 賣到依個價，啲歌係咪全部正版先？如果全部都係正版的話，我覺得都可以接受 ...
乜有點歌機係正版？
avsuperman 發表於 2022-9-12 14:01
乜有點歌機係正版？
新聞報道，partyrooim有點歌機的卡拉OK設備犯侵權，5處地方被拉，所以點歌機跟本有幾多部正版，真想知萬元機有無比版權費
本帖最後由 AlanA@G 於 2022-9-15 16:26 編輯
卡拉OK版權徵費/商用牌照費係用者自付，ISEE係系統供應商所以版權費唔係要由佢哋去畀。
佢哋係有正版資源但係唔會直接供應畀家庭客，香港係未有家用卡拉OK版權徵費一直係灰色地帶。現時只管商用唔管家用嘅局面係對各方較為有利嘅局面，如果管過龍嘅話最後就係「水至清則無魚，人至察則無徒，政至嚴則不通。」嘅結果。
ISEE供應畀家庭客嘅卡拉OK MV嘅Sound Track絕大部份都係原裝卡拉OK MV嘅Sound Track確實係正版嘅品質，至於成嗰卡拉OK MV影片檔係咪正版野就真係觀點與角度問題。
Red Mr.「Neway嘅對家」 同埋香港賽馬會同埋一啲規模算大嘅機構都係佢哋嘅商業機構客：
https://www.supermaster.com.hk/portfolio
如果有人係鍾意形式主義嘅話，啲公司好歡迎佢哋申請BR 再去申請卡拉OK商用牌照 然後再搵K-net交會費 跟住搵ISEE嗰邊買埋機，咁樣可以喺屋企播返同K房一樣嘅正版卡拉OK MV「大部份MV會Show埋香港營業用之類嘅字眼」。
其實使咁多錢又搞多程序嘅話，都唔差在自己租嗰場去實際經營K房，喺屋企唱K搞到咁樣真係太傷財唔實際。
喺屋企有正版品質卡拉OK MV唱K已經好夠，喺屋企要玩正版形式唱K純屬玩自己兼大傷荷包。
玩ISEE點唱機係志在有正版品質Sound Track，再貴嘅卡拉OK擴音機同埋卡拉OK喇叭都唔會識變魔術「將啲共用雲端曲庫嘅大陸牌子點唱機播舊歌/未上榜歌嗰啲單聲道或者似過度壓縮MP3嘅音質 播到變正版立體聲兼無壓縮音質」，所以家庭卡拉OK應該先由播放影音內容部機開始揀野。
正路點唱機買咗都唔會再有乜機會再買過，正常係買咗就用到需要換代先會再買過，好似電視遊戲機同電視咁 前者係隔幾年先被淘汰出新一代 而後者就好快就被淘汰年年都出新一代，我認為先集中銀彈買啲唔會咁快被淘汰嘅野會抵諗啲。
<單聲道/衰聲> 同 <立體聲/正常聲> 完全係兩個唔同嘅層次，接受唔到前者嘅人遲早都會想揀ISEE呢個牌子。
Sound Track(File Source)品質衰係貴器材都救唔返。
K歌天王 係同ISEE一樣係屬於天王科技嘅，有啲正版商用卡拉OK MV都係由 K歌天王 製作/代理去供應畀營業場所。
深究灰色地帶問題就有如深究哲學問題一樣係冇固定答案越諗越頭大。
isee 好用, 不過建議搞點download個問題 (分享only).
由寶麗金飛圖LD，到DVD真係正版時代，買碟過程已經比左版權費，可惜在過程中要等，唱一兩首就换碟，煩，之後局住將老翻逐隻歌錄係DvD錄影機，再接上NiKKO卡拉OK混音器再入AMP玩，直至近年玩點歌機，那種方便程度無法抗拒，至於2千多元的點歌機與萬元级數的分別，希望有機會比較，但大6點歌機画質係参差，用75吋睇算合格，我不介意，反而關注言質表現，宜家用部舊馬蘭士+專用馬蘭士唱K喇叭，表現OK，證明大6點歌機係滿意，再試下揾對舊款NHT座地，低频又實淨左，要發揮立體声靚音質，配套更加重要，有機會再試BMB擴音機，投資係音响值D
本帖最後由 AlanA@G 於 2022-9-15 22:19 編輯
買碟係 去購買擁有碟入面嘅副本內容 同埋喺私人場所內唔對外傳播嘅前提下去自由播放同備份副本內容嘅權利，從母帶壓製出嚟嘅影音內容就係副本內容。
MV家用版權已經包埋卡拉OK用法無論係咪 卡拉OK版本 都好，啲人要拎普通MV喺屋企唱K 實際上發行商都冇得控制，聽住音樂唱歌呢個過程就係唱K，邊有可能管到人哋屋企播緊普通MV唔準跟住唱歌。
(普通MV就係普通MV字幕同埋得一條原唱Sound Track，卡拉OK嘅MV就係卡拉OK動態大尺寸字幕加上伴唱同原唱兩條Sound Track，另外仲有一種無字幕MV存在不過越嚟越少對外發行。)
有啲歌曲本身未出過卡拉OK係需要歌曲供應商自己製作卡拉OK MV，一去到Sound Track人聲處理呢Part就嚟料，2020年同之前大陸嗰邊都係用傳統算法去人聲嘅程式去整走MV嘅主唱聲，傳統算法嘅問題就係大部份唔係剷唔淨主唱聲仲明顯聽到就係剷爛背景音樂搞到音樂根本上嘅唔好聽，ISEE唔係用正版伴唱Sound Track就係用AI算法喺唔剷花背景音樂嘅同時又剷得淨主唱聲唔會造成干擾。
大陸牌子嗰啲點唱機多數收錄2005年之前啲舊歌都好容易收錄咗VCD版或者二手壓完又壓嘅低質版，啲自製版卡拉OK MV嘅背景音樂就有近一半都唔掂，單聲道同立體聲有根本上嘅差距所以先有LD版同DVD版出現，錄音帶同衰聲MP3/AAC點都比唔上正常聲MP3/AAC/無損壓縮檔所以先有CD、SACD、母帶直壓MP3/AAC檔同埋Hi-Res檔出現。
舉嗰例子：
JW嗰首 Do Me More雖然係2010之後嘅歌，但係大陸嗰共用雲端曲庫係收錄大陸網友嘅低質自製版本啲聲衰到Un耳，ISEE雲端曲庫收錄K哥天王版本係正版伴唱Sound Track嚟，呢種差異係貴音響無辦法彌補返嘅。
我聽過 相愛很難 嘅加洲紅單聲道版伴唱Sound Track，之後試過自己拎CD版立體聲原唱Sound Track用AI技術剷走人聲，只可以話前者同後者有根本上嘅差距聽過後者就唔想返轉頭。
換嗰講法VCD畫質同錄影帶畫質無論顯示裝置點搞都唔會變到Blu-ray畫質同高清母帶畫質出嚟。
而家科技仲未去到 「低質內容可以即時無中生有成高質母帶咁樣即時播放」嘅地步，用AI技術做大幅度無中生有嘅過程需要相當高運算效能仍然係高成本玩法。
我就因為體會過根本上嘅File Source品質差異，所以我至覺得優先投資咗喺ISEE呢啲File Source嘅機度係值得。
andyhiro 發表於 2022-8-24 13:02
咪,我建議上BETA58,兩枝有明顯分別
用得beta58就唔係唱k啦～已經係唱歌
本帖最後由 AlanA@G 於 2022-9-15 22:35 編輯
blindfaith3by8 發表於 2022-9-15 18:01
用得beta58就唔係唱k啦～已經係唱歌
其實唱K係其中一種唱歌方式，有好歌喉用靚Mic播著音樂咁唱就係升級到演唱，唱歌唔掂嘅話即使用靚Mic播著音樂咁唱都仍然係唱K。唔播音樂就咁唱就係清唱。
Beta58收音方向集中啲防Feedback方面會好同埋靈敏度高，如果有份用Mic嘅人入面有人會成日對Mic大聲嗌嘅話都係SM58會更加適合，Beta58似照妖鏡咁好醜都突顯晒。
(SM58配埋一對無線XLR收發器係好抵玩嘅。)
blindfaith3by8 發表於 2022-9-15 18:01
用得beta58就唔係唱k啦～已經係唱歌
Beta 58 我覺得係貴買平用，質素同可靠性都令佢值依個價。不過用來唱K 的話，平少少嘅SM58 都已經滿足到好多人嘅需要。
blindfaith3by8 發表於 2022-9-15 18:01
用得beta58就唔係唱k啦～已經係唱歌
我都有用，千三元有線，付擔OK，但有好的器材是不夠的，最緊要把聲唱得，否則用萬元點歌機都無用
