脫胎換骨既感覺
本帖最後由 Benip 於 2022-8-8 12:22 編輯近呢個幾月都換左部份器材，前置中置同超低音，以小弟有限既功力去SET機當然不合格，幸好可以請到前輩PAC大哥過來幫忙調較，簡直期待萬分，當日一齊坐低聽，講，炸，當中前輩解釋ARC的秘訣真的學到唔少野呀，所以更加知道玩好ARC確實不容易，經前輩點燈後，成套器材出來既效果更自然，人聲對白位置適中（之前偏遠跟前置搭唔上有啲距離）,今次另一重點係隻SVS PB16U，一輪調較後再配合埋各聲道既分頻點設定，真係從未感受過既澎湃低頻，之前以為已經好勁既大炮，對比調較後簡直即刻變成一支普通手槍，而家每一炮都好似身歷其境一樣，成張梳化都震，而整體低頻既量感，實在感都好很多，真係除左要有一隻質素好吋數大既十仔外，適當既調較都是必須的，無可否認以而家出來既效果係偏向重口味，但就係咁樣睇戲先睇得投入過癮，前輩話套機重有改善空間，所以日後可以自己慢慢逐少調較對比，用有限既器材玩出無限既樂趣，另外重有一點好重要，就係能遇到比自己經驗多既師兄可以帶住玩，真係行少好多冤枉路，感謝PAC兄細心花時間的指點🙏 其實我唔介意你開我個名架{:6_174:} 本帖最後由 Benip 於 2022-8-8 12:29 編輯
pac 發表於 2022-8-8 12:08
其實我唔介意你開我個名架
您唔介意就好啦，即刻改返下🤣，其實過程中重有其他細節位調較既，只是冇好詳細打文字出來，都是分享大概過程同調較後感受 pac大師 出手 打心口 震梳化 指定動作啦 最重要係佢唔介意教埋你點做 嗰吓無私分享先至係最厲害{:1_326:} Ken134547 發表於 2022-8-8 13:17
pac大師 出手 打心口 震梳化 指定動作啦 最重要係佢唔介意教埋你點做 嗰吓無私分享先至係最厲害 ...
當然玩影音有人帶著玩會行少好多冤枉路嘅。所以我一路set 會一路講解點解咁做，希望大家可以自己玩好啲。
大哥套機還有改進空間，留返啲嘢俾佢玩下😅 pac 發表於 2022-8-8 14:22
當然玩影音有人帶著玩會行少好多冤枉路嘅。所以我一路set 會一路講解點解咁做，希望大家可以自己玩好啲。 ...
如果要大提升既話，換環繞喇叭走唔甩 C 兄，睇完您報告都感覺倒好正好勁咁， 可以分享一下內容嗎？ 當中setting,留意既地方，技巧等等。。。 謝謝！{:1_339:} pac 發表於 2022-8-8 12:08
其實我唔介意你開我個名架
非常葡萄Benip ching有你上門調教呀.....{:8_367:} mark1 發表於 2022-8-8 15:11
C 兄，睇完您報告都感覺倒好正好勁咁， 可以分享一下內容嗎？ 當中setting,留意既地方，技巧等等。。。...
以下係Anthem ARC 既分享，其他機種就唔一定能套用，但應該都89不離10，先做三個CAL既profile ，同是5個位置，每個profile既分別只是往前移一個距離，之後係三個中選一個自己鐘意既做設定，喇叭設定其實都係基本果啲較分頻點，但要睇好喇叭本身能去到咩位，而唔係盲目跟THX標準全部SET80，我果套喇叭為例就是前同中置80，環繞100，天空120，每次更改完要不停重覆聽同一段戲，從中簡最適合既分頻點，喇叭距離亦是一門學問，一開始唔太識既時候覺得中置唔夠聲啊，點解好似離皇帝位咁遠既，就好直接去加大DB，但其實只是令聲音大左，距離冇變，感覺上會係妳嗌住同人傾計同用正常音量同人傾計既分別，會冇左份自然感，另一深層學問調較十仔，真係更加花時間心機，要搵出正確相位絕對要有經驗先可以捉得準，幸好SVS有APP可以無段調較，所以可以捉得比較仔細，大部份調較更改都係要不斷重覆聽同一段戲去細執，所以聽落調較既野可能唔係好多，但實際果日都用左3個鐘先得出現有效果 tony019002 發表於 2022-8-8 15:30
非常葡萄Benip ching有你上門調教呀.....
你都係KEF friend 喎{:6_143:}