俾多次機會你，Atmos 反射喇叭
本帖最後由 cakecake 於 2022-4-14 16:25 編輯話說upgrade左部amp做8500
淨用5.1真係有D大材少用
所以又身痕想加番0.0.2
但因為不能装Front Height或天花喇叭
只可以諗反射
但之前曾經用過某品牌既高階反射喇叭既經驗係極之差(無效果並會攪亂聲場)
所以都有D怕怕
但無理由Dolby咁大既公司要為左果少少錢去講大話昆人話enabled speakers 得(重話有D情況用enabled 重好過天花直射)
再加上其實小弟家玩enabled都符合Dolby既要求(樓底8尺around, 皇帝位距離1.5m至2.5m內，石屎天花板而且平滑，放置enabled既高度係樓底既一半)
所以我就俾多次機會佢
想問某品牌反射是邊個?有無貼士 本帖最後由 cakecake 於 2022-4-14 03:12 編輯
上網google
外國討論區推介反射都係兩款
但首位不是Klipsch或KEF
係PSB imagine XA 或Atlantic Technology 44DA
兩款都有Dolby認証
現時呢兩款基本上香港係揾唔到的
初初我想買AT 44DA，但香港無代理，問外國online store又無回覆
(後來我終於收到Atlantic Technology既email話香港有公司做分銷，亦俾左聯絡方法我，但我已經買左另一款了)
唯有睇下PSB imagine XA，竟然俾我發現偉大祖國既淘寶竟然有賣，而且價錢抵玩(1800幾人仔)，我考慮左幾日，望下間舖既評價無乜伏就去馬了
今次真係玩命，淘寶買喇叭
之前同淘寶賣家講麻煩再包好D
咁結果佢再幫我加多個厚皮外箱和攝D紙皮
落到我家內盒都完整無事
開盒前，睇膠紙無番pack既痕跡
包住喇叭既袋亦無番pack既痕跡
相信係全新賣家無老點
開袋check, 全部喇叭無外傷，單元靚仔正常
退出，是否Onkyo 本帖最後由 cakecake 於 2022-4-14 01:02 編輯
其實點解AT 44DA和PSB XA呢兩隻被推薦
我相信係喇叭設計
因為兩隻喇叭都用物理方法去阻擋聲音由喇叭射去皇帝位
咁皇帝位就好難聽到聲音從前置來
亦令到聲音只可以去天花板，提升反射效果
就以PSB XA嚟講，除左前面有擋板外，喇叭單元4邊都有厚隔音綿去隔聲
而我亦為左加強隔聲效果，再加料俾佢
因我見佢擋板有條la，所以再買左D隔音綿攝入去
今次為左再玩好D
亦買左把電子尺($200)和鐳射筆($35)用來度距離和較角度
度距離我以高音單元為開始位置，度距離一按就攪店(1.59米)，快靚正
擴音機set好高度，距離皇帝位就跟番前置，再用聲壓計較輸出
無做auto set, 想試左效果先和煲下amp同喇叭，遲D先再做
師兄玩得好有心機{:6_139:} ，留名學嘢。{:6_143:} 本帖最後由 cakecake 於 2022-4-14 03:15 編輯
角度，根據紅點位置大約位置在皇帝位企起身行前一步
而對 PSB XA既crossover為左加強指向性我set做180
揾隻Dolby Atmos Demo碟試
首先試Audio Only既track
Santeria: 果D嗚鳴聲，雀仔聲，叮叮查查聲係天花板出到了，位置亦準確地在紅點的位置前後，其中有兩次雀仔飛由右去左和左去右，果D拍翼聲和飛既方向亦清晰表現出來，最後雀仔由前去頂再飛去我左後到右後，連貫地出到。
Rainstorm: 雨水和雷聲天花板出，果種雨水"達達"聲好真實。
Movie既track我試左兩套
Les Saisons: 企起樹枝上既雀仔完全表達到佢既位置(即係上面)，有一下果隻唔知係了哥定係烏鴉首先企在樹上“鴉”左一聲然後飛落來，成個過程既位置轉移亦可以清晰表達到。
Everest: 暴風雪終於吹到上天花板。
Video Games既track
Starwars Battlefront: D飛機飛來飛去，同埋一有野係高過頭頂出，天花板都俾到反應我，尤其是最後一幕，有好似落雨一樣既激光槍由天空打落來，而我就企在防護罩入面頂住，果D激光槍打落防護罩既"東東"聲亦在天花板上出現。
本帖最後由 cakecake 於 2022-4-17 09:31 編輯
今次呢隻PSB imagine XA係無入錯，反射效果我十分之收貨，雖然同天花喇叭既效果比一定有一段距離，但佢的確俾到上空果浸聲俾我而我亦察覺唔到D聲係由前置上面出，所以已經好成功，對於我呢D裝唔到天花喇叭既人係感動到喊。
至於喇叭角度我現在係微微升高隻XA個patpat去射近D自己頭頂，但應該唔可以再升高了，再升會見到喇叭面，咁發聲既位置會現形。
題外話，我set好後，少奶剛好收工回家，我叫佢坐在皇帝位真心地話我知佢跟住聽到既聲由邊到來，因為佢知道對喇叭既玩法，我一開Audio only既Santeria佢聽，佢"嘩"一聲，我話你洗唔洗咁假呀？少奶就話:"真係聽到D聲上面出wor，好過癮，未試過聽你套機咁有驚喜。。。"
"未試過聽你套機咁有驚喜"，呢句說話我聽到果下都唔知好嬲定好笑。。。。
{:1_331:}