鄭欣宜的《JOYCE TO THE WORLD》小評價
😎香港歌手鄭欣宜的新碟《JOYCE TO THE WORLD》小瑟一直都好想聽下, 不過睇新聞得知原來已經賣哂, 而本時小瑟都係聽開KKBOX APPLE MUSIC呢二個HI-RES的串流音樂平台, 所以今日有D時間就在KKBox聽返。🥰首先恭喜哂欣宜有新碟推出，依家出碟真係唔係人人會做, 亦都希望之後既歌手都試下出返多D碟, 尤其係 Mirror 佢地, 事關"成行成市"呢個氣氛係要人人幫手做出來. 而近日香港樂壇的 "改朝換代" 後的新歌手們真係有望可以一同打破近20年娛樂圈的悶局, 呢個由 Mirror 同 Joyce 的出碟情況可見一班。
講返欣宜隻碟先. 睇返歌List, 當中係有非常多膾炙人口嘅歌曲的，而9成歌曲都係可以琅琅上口的, 足證欣宜呢隻新碟的歌曲涉足層面非常廣，而且在KKBOX高清化之後, 可以有24bit/96khz的版本收聽，的確係非常之咁正。亦都非常欣宜今年嘅音樂發展。所以真係如佢所講...「OMG you guys really like me！」......🤣當晚睇叱咤 LIVE時, 小瑟全家都為佢鼓掌!!!
😍記得在 ViuTV睇過佢嘅表演唱 @princejoyce。佢同一眾 Dancers 在跳舞，欣宜亦都一起跳. 佢拍子之準成，舞姿之正確，不比任何一個 Dancer 比下去, 非常非常之專業 。果刻的確有一種 " 欣宜對自己要求非常非常之高” 的感覺。相信肥姐在天都會感到欣慰！
就係因為知道佢對自己要求非常之高，所以今次收聽呢個大碟時, 小瑟都不期然有多一點點的要求, 仲見到佢有 Hi-Res 錄音室的原檔可聽, 心中希望可以有好聲嘅感覺。但在收聽第二首歌「先哭為敬」時，耳機出來的感覺有點好像聽收音機的效果, 小瑟用的手機是 Sony Xperia 1 M3 配上 Sony WF-1000XM4 TWS無線耳機, 雖然不是什麼發燒器材，不過對於一般的流行曲其實都已經可以呈現到應有的水準. 尤其係當副歌一起時, 欣宜把聲同樂器撈埋一碟, 只可以用一個 "亂" 字來形容, 老實講真的有點浪費咗一首咁好嘅歌。😫😫😫
可能一般朋友聽流行曲都可能唔會有我這個要求。而小瑟亦都唔會每次都出PO評論一些新的音樂的收錄音質，今次是第二次評論新碟的音質了。雖然流行曲的目標是以感動人之旋律為主, 但可能欣宜對自己的要求咁高, 而且小瑟自從上次《女神》之後, 一直有個感覺是欣宜有力成為香港Adele級的實力歌手, 今次在歌曲方面非常做得非常成功. 但如果有唱片公司朋友見到呢個PO, 希望都可以考慮一下在做編曲, MASTER時, 可以落多點心機去做得比較注意音色. 🙉🙉
小瑟唔係用音響發燒友的角度去看新的唱片市場的. 只係用90年代時買碟時的標準去評價. 其實依家好多新歌手出歌有D都有非常唔錯的音質, 就好似《張敬軒 : On my way 》或者舊小小的《BEYOND : 衝開一切》, 《張國榮 : 暴風一族》都可以作為參考. 佢地呢D歌都唔係發燒錄音, 但就有著一份讓樂迷可以更加投入音響的一個效果。而小瑟會分享呢個評價, 係因為覺得以現在的「叱咤樂壇我最喜愛的女歌手 : 欣宜」之能力, 係有機會做到一張達正常水準的唱片. 如果有什麼得罪之地方, 希望可以當睇唔到呢篇文呢!!🥴🥴
小瑟其實非常希望香港的廣東歌有好歌聽之餘, 唔好再停留係聽MP3, 睇VCD同DVD既階段. 全世界都已經講緊 Hi-Res, SACD, 黑膠, MQA, 4K UHD等等新格式載體上, 希望今代樂壇的歌手可以一同將香港的娛樂事業除了可以 "娛樂" 大眾之餘, 仲可以帶來 "享受" 呢個效果!!!😎
小瑟 不能同意更多, 我買左隻碟, 其實唔關KKBOX事, 隻碟本身都已經錄得唔好, 浪費左D好歌
賣哂？我今日在灣仔兩間唱片鋪都有現貨。 我覺得欣宜，開始唱歌果刻已經覺得佢把聲好好。 佢唱歌好好聽，值得支持 支持左佢，但佢公司可能唔想我們繼續支持，d錄音真係差！ 老五 發表於 2022-1-7 19:46
賣哂？我今日在灣仔兩間唱片鋪都有現貨。
本來想聽下先, 之後去買, 不過聽完呢個音質, 真係好難投入到, 真係唔係什麼發燒友, 我都有買小巧, AGA果D(AGA都唔係好聲了{:12_798:} ), 但真係個音質都好難聽下去.
其實好似獨立歌手 MC SOHO, MC, 就算係同公司的 JAY FUNG, 都冇呢隻咁差, 我懷疑係佢枝咪出左事!!!! 我聽TIDAL又唔覺咁差喎，可能我對係木耳😂 WilsonYau@G 發表於 2022-1-10 08:47
我聽TIDAL又唔覺咁差喎，可能我對係木耳😂
我都唔係用靚野架, 我用TWS炸, TIDAL上左呀?? 去聽下先~
THX呀~ 用TIDAL MQA聽, 3:00 之後的副歌係好小小, 冇炸得咁勁, 可能 MQA超高頻比PCM小DD有D關呢~
頁:
[1]
2