由當年旗艦Sony A1換到最低階機panasonic HX700H
本帖最後由 AskaLung@FB 於 2021-7-15 18:49 編輯約三年幾前知道Sony 會出第一部OLED就已經比佢吸引，之前用開三星，覺得應該Sony tv 應該會好好多，但其實依幾年對於Sony同部A1,我都覺得非常之失望,OLED真的比當年嘅tv真係靚，黑位好黑，但當時我已經知道ARC係可以出到Netflix atmos,因為當年LG tv已經可以出到，心裏面Sony技術咁高應該將所有最好嘅嘢會擺落全新嘅oled電視到，結果…係出唔到，要到個下年A8F 既ARC先可以atmos(不過2020年A1 update就可以搞到出到atmos,不過我已經冇用內置睇Netflix了，遲來的update對我來講冇咩用）Dolby vision….呢樣野我又係衝着佢哋買,結果買返嚟要係等Sony update先可以用到,好多用家鬧到飛起，搞到滿城風雨抵下接近一年再多啲先可以推出update ,但依個用X1軟解出黎既DV,你問我就完全唔合格,睇Netflix既DV戲全部黑到都未必睇得到暗位，字幕光到殘眼，最慘唔俾你可以關閉得到轉返做HDR…待續
本帖最後由 AskaLung@FB 於 2021-7-15 13:39 編輯
另外oled既燒印都令我覺得用得好吾用得舒服，當買返黎幾日冇咩時間去setting,原廠設定大部份都行到最光，老婆好鍾意睇my tv 但我發現原來佢不停會有個無線logo係個畫面，我都心知不妙，結果發現有個輕微嘅印…用咗上網嘅方法終於令到嗰個印減少到睇唔到，一額汗..之後其實呢三年我到係好小心好小心咁樣用，其實真係用得好辛苦，三年就嚟保養到期嘅日子，畫面出現一條黑線，，但用古老嘅拍嘅方法令到消失咗，但我都當初覺得驚個問題，所以都打咗去Sony想叫師傅嚟睇，但係Sony就話而家冇左條黑線都睇唔到，師傅好難做⋯⋯結果幾個月都冇再出現條黑色，但近呢幾個月又出返嚟，跟住前個星期就閃紅燈四次，結果真係好似啲人講，過完保養就壞咗….我同自己講唔會再用Sony 同oled
待續 有人問我，吓！點解你會買返led，睇過oled應該返唔到轉頭，但依家買部電視其實都係比我老婆睇，我睇戲打機已經用曬投影機，所以買到最平嘅電視都冇咩所謂，有朋友話用緊panasonic HX700H話ok喎，咁見佢$42xx咁都好平，所以就搏咗錘，見到佢用8字缐重要好柔，買左個8字轉IEC頭，用返之前條電線電源線，再自己set返畫質，唉！其實依部低階機吾差喎，led四角暫時睇唔到有漏光，光度真係高過以前部oled好多，黑同暗位都OK,三大格式DV, HDR10 ,HDR10+都齊晒,Dolby vision同而家啲新嘅一樣都有三個畫質調教,用光纖輸出比2ch amp仲比從前嗰部A1好聲好多，因為佢唔係行Android，所以熄機重開都好快，以前要等差唔多接近成分鐘，而家4秒之內就要開到機睇到電視，咁呢部機唔係又冇缺點，因為用VA屏幕,所以側睇嘅時候都會又偏色情況，電視內置嘅喇叭簡直係唔能夠接受，同A1簡直差天共地，所以平時我都會用光纖落返去Amp出，總括嚟講，我好似甩難一樣，唔使再覺得用電視用得咁辛苦，可以由去長開，睇新聞台，而部樂聲我就覺得好超值，性價比高。 50吋四千零,重有5年保,抵過買tcl. 我成日都講LED其實唔差,只不過現在電視機平,個個都有錢買到最好,就係唔係都OLED. 小邪ktm 發表於 2021-7-15 12:54
50吋四千零,重有5年保,抵過買tcl.
遲d真的是tcl rebadged Kowloonman 發表於 2021-7-15 13:28
我成日都講LED其實唔差,只不過現在電視機平,個個都有錢買到最好,就係唔係都OLED. ...
但比美國貴呢 本帖最後由 avgod 於 2021-7-15 13:53 編輯
有人話android 系統搞到好lag, HX 應該穩定好多 我都係A1用家
比你好彩既係上年臨完3年保養前塊底板死直，機都開唔到，要返廠換底板
其實保養期內有咩問題都一定係首先影左相甚至拍埋片send左比SONY，要求盡快搵人上黎睇先係
始終你個黑線問題係唔到佢地唔認數，佢地係一定要換過塊panel比你... 當年我也有考慮9300e ，但考慮到dv support 要等fw update, 於是買了9000e 睇住先，之後得知sony 只support lldv, 都覺得做啱決定