海外試喇叭的經歷 - 請指教 ｛#10 更新｝
本帖最後由 rbaggio74 於 2021-5-27 08:29 編輯海外試喇叭
哈哈，海外試駕試聽得多，今日就等我同大家講講 - 海外試喇叭的經驗吧！
我住在澳洲墨爾本的，上年退休後一直在 76 逛逛學習，終於上星期人左 天龍 8500，開始一步步地完成心中多年的夢想。
由於 8500 玩左幾日，開始踏上新征途了 - 喇叭｛B&W｝。
在香港時一直好想入對 B&W ｛唔好問點解、唔好問試過未｝，就好似一直中意汽車品牌【林寶】同【法拉利】一樣，有D野，你唔一定要試過，擁有過才會深愛的，對嗎？
言歸正轉，由於以前在香港的試喇叭經歷，加上人在海外的語言障外，一直都唔敢去『運吉』，但為左完夢，今日真係帶埋老板去試喇叭了。
今日一去到，同鬼佬sales哥哥講，我想試對 B&W 603 s2 同 702 s2 signature……. ｛由於上星期同佢買左部 8500｝，佢都有有禮貌地同我講等一等，佢之後將兩對喇叭搬去『毒氣室』準備…….
在搬運期間，佢好客氣地同我講，做左咁耐，都未試過同客人試兩對價位差咁遠的喇叭………. ｛我只有傻笑｝
好，坐好了，拿出自備的『籐田惠美』Camomile BEST AUDIO 去聽，佢用 Cambridge Audio CXC Series 2 CD Transport，Parasound NewClassic 200 Stereo Amplifier 作播放的器材。
器材連結在文末！！！
先來 702，嗯OK吧，同之前在地牢某鋪，用部2萬元的日本膽合併推對 Proac D1比較，上次我仲會『嘩』一聲，今次對喇叭係成5萬蚊的，點解D聲好似…….. 嗯，唔識講，好似無乜鎮憾的感覺的？
再來 603，嘩｛今次反而有嘩一聲｝？？？點解同對價錢差一倍有多的喇叭無乜分別的？？？
真係攪到我一頭霧水！！！
長篇待續，期間等候高人師兄/姐們發表意見，各舒已見！！！
謝謝！
https://www.audiotrends.com.au/audio-trends-brands/cambridge-audio/cambridge-audio-cd-players-music-streamers/cambridge-audio-cxc-v2-cd-transport-lunar-grey.html
https://www.audiotrends.com.au/audio-trends-brands/parasound/parasound-newclassic-200-stereo-amplifier-black.html
部Amp唔夠力推高級喇叭所致！ Cambridge Audio CXC 應該推唔好7系吧！
我試過係鋪頭用Denon Pma-A110+Dcd 110 播sacd黎試6系同7系，感覺7系完全係高幾班！個sales都講左句差唔多既說話，話6系同7系相差咁遠冇乜好比較{:1_331:}
部Amp 未夠班，all in One class D amp 推書架還可以
想聽下文 SimonHon@FB 發表於 2021-5-26 14:12
部Amp 未夠班，all in One class D amp 推書架還可以
想聽下文
我都好像出下集，不過無乜反應，所以就無乜意慾寫埋佢~ rbaggio74 發表於 2021-5-26 18:49
我都好像出下集，不過無乜反應，所以就無乜意慾寫埋佢~
這裏 cd rom 居多... 香港仲有幾多人玩HI FI大部份人只玩電腦手機再加數百元藍牙喇叭高級Ｄ就soundbar. 用緊老金E407推606S2, 感覺都推到近8成效果, 至少音量上唔使就住就住。如果將來升700系, 我起碼一定加多部後級！
B&W一定要俾夠力水先會好玩~ rbaggio74 發表於 2021-5-26 18:49
我都好像出下集，不過無乜反應，所以就無乜意慾寫埋佢~
加油💪
唔好衰收尾{:1_340:} 好，既然有人跟進，咁我都唔好意思唔繼續寫落去。
上回講到，用自已聽慣的CD試左 B&W 603 同 702 Signature 兩對唔同價錢的喇叭，另我同老婆感覺到『無分別』，點解我要俾多 1倍價錢？？？
其實試喇叭開聲前，我同老婆講，頂，個sales可能都覺得我地運吉的，所以求其用部咁樣的 amp 尼試，應該『推唔好』D喇叭的…….. 云云！｛此乃其他師兄指出或心中所想吧！｝
結果如我所料，真係聽唔出分別來，正當我想起身走人之際，sales 哥哥入返尼｛佢地一般會俾客人自已留在毒氣室聽一輪至會入返尼的｝，佢企埋一邊聽左一陣………然後佢惆惆眉，佢話：『你地介唔介意聽聽我D歌？』
我地當然唔會拒絕喇！
好，之後佢將部 cheapcheap amp 的 input 轉做由streamer｛cambridge audio CXN V2｝，尼部都好多師兄講過吧……. 佢開始播了｛心諗，唉，交埋戲俾你就走人喇，你D英文歌我都唔識聽，知鬼好唔好聽咩……｝
一開聲係D低頻 sax 聲，用緊 702 去播，依，有D料到啊，背景唔同左，再聽多一陣，真係唔同晒啊，點知再聽落去…….. 頂，原來係『一號皇庭』首開場音樂，唔怪得好似好熟咁喇！
結果，今次真係感到喇叭的『威力』了。
然後轉回 603 s2，嗯，今次真係分得出『高檔野』同『入門級』的分別了。
背景，乾淨，夢台大小，樂器擺位等等，都基本可以由小人對『木耳』聽得出，同老婆竊竊細語，都覺得係自已失禮，怪錯左 sales 哥哥。
好，又到一個分支點。
今集總結，原來用唔同的訊源、播放器材，得會另相同的喇叭發揮出唔同的功力的，希望師兄們繼續發聲，多多指點。
下集待續……..