(新加開箱圖) 升級 Wharfedale EVO 4.4 + 4.CS... 另外 4.S 中毒編
本帖最後由 issachar 於 2021-3-17 12:30 編輯辛苦左個幾星期, 終於搬完屋! 上文提要因為地方大左少少, 所以應該玩到 7.1.4
入伙第一件事緊係要起返個 AV 壇 {:6_176:} 著返部電視, 然後度一度 D 位, 真係夠位玩喎!
於是屋都唔執就走左出旺角又去打攪東哥 {:6_178:}
話說我同輝煌都算有少少緣份... 因為我第一對喇叭 KEF LS50 係0係輝煌買既...
果時諗住上華仁試聽... 因為唔識野比個哥哥仔串左兩句... 跟住我就上左輝煌... 其實一出 lift 見到冇乜人都有 D 想走 {:6_176:}
點知呀斌哥行過黎好好招呼問有冇野幫到我, 佢又好有心機咁答... 然後又 sell 下佢地賣開既 REL sub 仔啦... {:6_176:}
最重要係我想要果對白色有現貨 (即係我頭像張相)... 立即乖乖比錢...
半年後, POST76 介紹 Wharfedale D300 系列, 又遇上輝煌... 試聽完諗左幾日... 因為 CP 值太高同想試下座地 所以就放棄左對難推既 LS50 換左 D330 同 D300C 喇...
唔經唔覺原來都已經用左 2 年... 不過我一直都身痕想升級... 唔係因為 D300 系列唔好, 祗係我份人花心... {:6_176:}
Wharfedale EVO 出既時候, 我已經第一時間上輝煌試聽... EVO 比 D300 更多 hifi 味, 而佢個 AMT 高音單元就正好彌補左我一直覺得 D330 高音既不足...
唯一問題係, EVO 4.4 大左一個碼, 4.3 同 D330 差不多大, 但係因為唔夠地方而買細一個型號又唔係我 style... 雖然俗語有云買左就有地方擺... {:6_176:}
呢次再上去輝煌, 用返佢地隻熱賣 LUXMAN 509... 其實都知唔駛點試, 因為之前已經聽過 {:6_178:}呢次再聽係 reassure 一次...
聽既係玉置浩二隻酒紅色的心... 因為個人非常鍾意呢隻碟 d 曲目, 0係屋企都成日聽... 我自己試聽其實都係比較鍾意聽男聲, 因為女聲比較響亮, 容易比到一個好既聆聽感覺. 而因為男聲低浸, 喇叭既表現就相對影響個聽感. 不過呢個祗係個人感覺, 絕對因人而異既...
不過因為輝煌比較做 2 ch 多, 所以0係佢度試 home theater 係比較蝦人聽... 原本我都唔諗住試, 點知佢部電視竟然係播緊 Ready Player One 喎... {:6_176:}所以我又忍唔住麻煩斌哥開一開比我聽喇... 咁就順便可以試埋隻 EVO 4.CS 啦... 0係佢果個咁大既場, 4.CS 都夠哂能量... 而 4.C 真係太巨形... 已經唔係擺唔擺得落既問題... 係擺0係我個位我覺得唔好睇...
一路聽我留意到有 D 野唔同左, 就係天空果一浸... 我記得以前佢地係求其擺隻細既 Wharfedale... 但係 D 聲係雞到爆.... {:6_126:}
呢次係完全唔同哂... 試完片我望一望頭頂, 完全明白哂! 原來佢地擺左對 EVO 4.S 上去 {:6_121:}唔怪得咁好聲!! 我同呀斌哥講即係毒人買埋呢隻0者.... {:6_128:}
咁呀斌哥都好老實講, 個價錢等如一對 EVO 4.3, 唔係咁易叫到人買... 但係我就中哂毒喇...
文就打到呢度, 聽晚送貨不過我諗都要過幾日先起到個壇... 到時再出相同大家分享 恭喜~~ Pepper Fish 師兄，聽晚先送貨 {:1_338:} 最多影個盒 {:6_158:} issachar 發表於 2021-3-15 21:59
Pepper Fish 師兄，聽晚先送貨最多影個盒
影下新居環境，睇下點樣佈局7.1.4呀。記得之前係用ikea櫃放天空? SimonChowHK 發表於 2021-3-15 22:15
影下新居環境，睇下點樣佈局7.1.4呀。記得之前係用ikea櫃放天空?
勁呀師兄, 咁都記得!!! {:6_121:}
新居都係會用返 IKEA 櫃既, 因為唔想鑽牆, 擺好左位會影上黎分享 {:6_193:} {:6_126:}住你樓上樓下大鑊喇！{:6_174:}
恭喜新居入伙果籃後補！{:6_158:} BillyHui@FB 發表於 2021-3-16 00:27
住你樓上樓下大鑊喇！
恭喜新居入伙果籃後補！
師兄唔好咁講, 我都驚嘈到人嫁... {:6_176:} Ching 如果擺得落4.C 就一定要4.C,你買得evo一定因為AMT 高音單元，4.C就係多過AMT 高音單元.冇理由唔要埋😉 本帖最後由 issachar 於 2021-3-16 04:34 編輯
kkpysl 發表於 2021-3-16 01:48
Ching 如果擺得落4.C 就一定要4.C,你買得evo一定因為AMT 高音單元，4.C就係多過AMT 高音單元.冇理由唔要埋 ...
4.CS 都有 AMT 單元呀... 雖然我都好想中置有 6.5" 單元... 我好認真咁諗過... 真係太大... {:6_126:} 我第一次都係多得斌哥熱情招待，如果第一次預著光頭佬，可能到而家都未入坑{:1_253:}