taichu2 發表於 2021-1-23 17:52
煙味，可能管理處唔會做野
大家有交管理費，邊個投訴都要去睇，否則投訴管理處
本帖最後由 jwmc2707 於 2021-1-24 01:26 編輯
我就係租工厦玩AV，因為屋企個廳細玩AV啲surround冇乜料到，同埋屋企有養貓好多毛，所以租工厦！咁我依家呢到足二佰尺連獨立厠所租金6.7k係葵涌個邊！開頭我都係諗住工厦冇死啦，可以日炸夜炸！加上我玩雙十，重唔炸盡啲，開頭我炸到夜晚二三點！好啦！咁個幾月之後，個租務小姐同我講，左右隔離投訴話嘈得制，叫我唔好炸咁夜去到夜晚十點好囉喎！攪很到我冇腩晒癮，即刻想搬！我同佢講，我租工厦就係為左可以嘈先租，唔係我租私樓啦！個租務話隔離做設計要夜晚先諗到橋喎！大家遷就下啦！根本佢地夜晚係到住，開頭夜晚返嚟成日一出電梯就聽到電視機聲！加上我租呢到成層用啲超輕磚劏出五個單位出嚟，所以啲隔音麻麻地，同埋都係一個業主，所以我都冇得唔理！依家我過左年都諗住搬，叫個地產經紀幫我揾啲獨立單位，盡量唔好劏出嚟個啲同埋最好係石屎牆！呢啲就係我租工厦經驗！睇下師兄啱唔啱洗！
jwmc2707 發表於 2021-1-24 01:22
我就係租工厦玩AV，因為屋企個廳細玩AV啲surround冇乜料到，同埋屋企有養貓好多毛，所以租工厦！咁我依家呢 ...
多謝C兄，值得參考，你打算搬去邊區，其實可以的話，我想係屋企隨時玩得，個廳有2百呎，加埋基本上玩耍，本來好滿足，就係换雙十開始比人投訴，所以萌生去工廈玩，係有d唔明，去工廈係唔係一定要與工作有關，又唔可以油牆裝架，點玩投影、天花喇叭？太多問号了
本帖最後由 jwmc2707 於 2021-1-24 02:13 編輯
avsuperman 發表於 2021-1-24 01:49
多謝C兄，值得參考，你打算搬去邊區，其實可以的話，我想係屋企隨時玩得，個廳有2百呎，加埋基本上玩耍， ...
因為有好多工厦依家都變左做劏房，都係土地問題啦！香港呢二三十年啲工廠都北上大陸，所以好多工厦都吉左係到冇人租，咁啲業主咪唯有偷雞改建做劏房,party room,私竇咁囉！至於點裝修佢就唔理您架嗱！重之，您唔租個陣時還原返佢交吉俾您狀態就得架嗱！Ok!(我都揾返葵涌個邊架嗱！近我屋企嘛！)
贊成 太好，可否預我一份？
其實日間爆機鄰居都無投訴,住宅都有裝修啦,唔通投訴佢裝修咩{:1_331:}
本帖最後由 hohodog900 於 2021-1-25 13:24 編輯
avsuperman 發表於 2021-1-23 11:19
也是顧慮，其實工廈玩合法嗎
話明工業大廈就梗喺要用嚟工業用啦，所以最好裝修到好似辦公室studio，然後留一大約總面積百份之三十嘅房，話喺倉庫，放啲紙箱，話喺貨存，當然亦要做埋商業登記。咁有屋宇署巡查都有得講，否則上到嚟剩喺見到你幾十萬影音器材，一問你做乜，你就口啞啞。
但如果只喺晚上放工同假日先去炸機，咁可以不理，應該都唔會有人巡的，除非有人督灰。
hohodog900 發表於 2021-1-25 13:12
話明工業大廈就梗喺要用嚟工業用啦，所以最好裝修到好似辦公室studio，然後留一大約總面積百份之三十嘅房 ...
如果放置模型賣買，搞到似舖頭，我也打算做玩具舖做生意，同時放影畜器材，咁樣係咪可以，唔單止纯玩樂，以後退休會係小天地時間較多
hohodog900 發表於 2021-1-25 13:12
話明工業大廈就梗喺要用嚟工業用啦，所以最好裝修到好似辦公室studio，然後留一大約總面積百份之三十嘅房 ...
謝謝C兄回覆，我另有想法，除了玩具，我利用工作室專注撰寫影音器材及影碟，所以要放置幾十萬影音，咁又得唔得，係咪一定要取商業登記
本帖最後由 hohodog900 於 2021-1-25 13:47 編輯
avsuperman 發表於 2021-1-25 13:36
如果放置模型賣買，搞到似舖頭，我也打算做玩具舖做生意，同時放影畜器材，咁樣係咪可以，唔單止纯玩樂， ...
工業大廈唔可以做零售的，有另一種大廈叫商貿大樓，喺可以做零售，教室，補習社，純辦公室，設計室之類，但租金一定貴過工廈，以前工廈一定只喺做工廠，工場，喺依家香港冇工業先至好多寫字樓去咗工廈，至於好多工廈樓上鋪都喺罰款當交租咁解，正常一年都冇幾多次巡查，如果唔喺黑點，根本好小查。
