好似將會有 IE 600 及 IE900
Lomen 發表於 2021-2-25 16:28
好似將會有 IE 600 及 IE900
我都好想知, 係300以上的耳機可以有咩可以比到我呢~{:12_785:}
小瑟 發表於 2021-2-25 18:18
我都好想知, 係300以上的耳機可以有咩可以比到我呢~
有900我再報名{:1_343:}
本帖最後由 Lomen 於 2021-3-3 14:17 編輯
煲咗40小時，IE 300 既聲音厚身咗，高音再圓滑咗。當然仲有得去，我起碼會煲佢500個鐘。
佢既整體表現點聽都唔似一對只係值2k幾一圈既耳機，佢似一對三鐵一圈既耳機，音質仲要好detail 纖細，音場有深度，樂器分離度高。CP 值高到咁，真係冇投訴。
我只係用原裝3.5線喺 ZX507聽，遲D轉佢條4.4 線，我諗真係大滿足。
IE 300係SEN 記又一黑科技。
Lomen 發表於 2021-3-3 14:13
煲咗40小時，IE 300 既聲音厚身咗，高音再圓滑咗。當然仲有得去，我起碼會煲佢500個鐘。
佢既整體表現點聽 ...
有國內師兄話ie300風格似是ie800s， 不似之前既ie500/400 pro或ie80s。
不過$2k幾是抵買。
首先感謝post 76的試玩活動，能體驗這款sennheiser耳機，真係感受好正。小弟登門拜訪76總壇攞機，片就見得多個拍攝場地，到訪就真係未去過，驚喜係竟然由小瑟大人開門俾我，哈，開心到飛起。第一就緊係整返幾張開箱的圖片啦。開盒無咩大特別，都係耳機一對，大中小的耳塞配件。特別係今次跟機有個好似係美容時常見的一個去黑頭咁的工具，呢個係用黎清潔黐係耳塞上面的耳垢，幾方便，因為近呢年衛生特別緊要，有呢個工具就方便好多。耳機採用可更換機綫，對有要求的玩家留有一定程度的喜好可以調較。膠外殼噴了易潔的塗層，很滑，油污很易抺。
比較：
好喇！講完外觀後，進入測試階段。本人用了兩款手機（紅米note8pro 及iphone 12），和自己一直用開的beats耳機比較，用的軟體係jooxHi-Fi 格式/HD格式的音樂作來源。
測試歌曲：
1. 本人偶像-梁詠琪Gigi leung，因為d歌自己熟到無限熟，雖然沒有很多特效，但一比較之下，第一個感覺是“人聲”上比之前beats“行前左”好多。成個聲音清楚地感受到。
2. 之前小瑟都用黎試過的鄭中基- my only one. 我們的“暖男爸爸”一開段的結他聲幾好試，音場係大左同清晰度有所增加，我估呢個係小瑟大王所講的感覺吧！
3. Eason 陳奕迅的-陀飛輪：頭兩隻歌都只有HD格式，於是找一些真係HiFi格式的聽下，雖然我不知和科林中各師兄常提到的hz 和bit係咩。而我覺得呢首歌eason好有“哥哥”的味道的。試人聲一流，依然，sennheiser耳機能把所有野都推到係面前咁，特別係人聲，能分辨出，好清楚地還原eason那個廣闊的聲場。正！
4. 盧冠廷的“快樂老實人”，盧盧的聲音很厚底和特別的，而呢隻碟制作本身很出色，副歌部份來得很實淨，很豐富。
5. 最後試的碟係張敬軒的“盛樂”. 我一共試左兩首歌（男孩最痛和太極張三豐），本身呢個係X香港中樂團的演唱會，又可以試演唱會的現場氣氛和中樂的各種高音和低音，不出所料，人聲仍然突出，把演唱會氣氛重現出來，果d尖叫聲好有包圍感，然後來一段太極張三豐，它沒有唱歌部分，只係用純中樂的表演，彭湃的鼓聲一下一下咁，笛、二胡交織在一起。很好的體驗。
後話：除了聽歌，小弟其實還試左睇戲，雖然因為個amp係大頭沒轉插試唔到，但我用vpn+愛奇藝apps，貪佢有Atmos 聲，睇左狂野極速，d引擎，高速的汽車追逐，槍聲，分析力都很好，兩個耳朵比較難做到有空間感，但表現都滿意的。
優點和缺點：
聽左兩個星期，把自己覺得的感受總結一下：
優勢 - 人聲突出，分析力很好，讓腦海的音樂感大大地加強，雖然小弟木耳一對，但比較起上來是有層次的分別。如再煲落去，一定可以再突出d。可以換綫的設計，自由度更有彈性，有記憶海綿和橡膠耳塞，我兩種都試曬，記憶海綿貼耳d，阻隔好d，但本人較喜歡橡膠夠舒適。換了細頭，我的女兒（七歲）竟然都能帶上，讚。
缺點 - 低音伸延我覺得還可以潛，如果聽開重低音歌的可能略嫌不足。和自己的beats比較過之後，層次唔同左係肯定的，但畢竟價錢有所不一樣，很難直接比較，而且我覺得當係聽品質越高的格式時，本人的beats所聽到的和sennheiser耳機的差異竟然少左？！在iphone的表現上更是接近，唔知係咪因為beats本身調整特別比蘋果之故。另一樣是兩邊耳機分好了左和右，不能相反，但如果想分享音樂俾人聽時，條線又不會好像昔日的耳機咁有一邊線係長d可以分出去，只能自己自私享受。呢點我覺得sennheiser可以諗下點樣解決。
話說今日上去還機,返來講講感受,(圖片睇返大王就得,我唔重覆了)
前言:
小弟O既有機耳塞價位分級表(普通人入門: 低於200,普通人進階200-1000,普通人高級1000-3000,燒友入門3000-6000 ,燒友進階6000-10000,燒友高級 10000-20000, 燒壞腦 高於20000
小弟呢兩星期以來應該都聽左隻demo超過40個鐘, 用o既係小弟手上唯一dap ,sony 金磚 3.5mm
首先就講配聽感以外O既事情.
首先係配帶感方面如果係戴IE800或S 係好難戴得穩,戴IE300會比較穩O既但係當你長戴超過一個鐘果陣會有小小頂到耳仔痛
耳套及耳機線
Sennheiser又又又再一次換耳機線插座,仲要座上有個小膠圈可能會頂住,一般mmcx插頭唔一定插得入,咁樣o既設計會唔會影響大家購買意向就大家自行判斷..另外當原裝線同衣物上o既拉鍊次類物體磨擦時帶來o既"特效"都幾震撼. 另外由於小弟冇持有mmcx線材所以係冇做換線測試. 而耳套方面佢個膠/棉自帶一塊棉,如果換其他冇棉o既耳套可能d聲會有輕微變利變尖,用棉o既玩家務必多加注意
音量及隔音
呢兩個點要一齊講係因為,本物隻耳機規格係阻抗16歐姆,靈敏度124db理應唔難推大聲,但係金磚3.5仍需low gain 95/120, high gain 85/120 先夠聲, 答案就在氣孔,氣孔會將部份聲量漏出去,好處係聽感冇咁焗促,壞處就係dap要出更多力同埋隔音係比較一般
聽感
終於到聽感,聽左四十幾個鐘當然聽左好多唔同野,小弟習慣將演唱會由頭聽到尾,所以唔同類o既都會聽到. 整體來講ie300聲音走向係有一d距離感,最低既bass比較有力有彈性,都帶到好似小小有陣風打落黎果種空氣感,上一d 既鼓質感自然但位置稍稍靠後,人聲就於鼓聲之前,但有d距離感唔貼身,男女聲都表現中性自然,弦樂高音偏向柔和稍暗,細節表達都唔錯但唔訊息量爆炸果種. 呢一種調較下, 大部份種類音樂都有唔錯表現, 例如電子舞曲有量有速度O既BASS可以帶出節奏感,人聲歌曲表達都帶出感覺,有D距離感O既調音下聽LIVE D掌聲歡呼聲立體感唔錯,但如果大家係中意好銳利O既弦樂就會唔夠喉. 對比IE80S, IE300音場深度好似IE80S, IE300 聲尾餘音係原點擴散而IE80S係打向兩則,空間感係IE300感好,整體來講IE300水平要高於IE80S. 對比IE400, IE300同IE400水平相當但走向唔同,IE400比IE300埋身貼聲,如果中意D聲攻上腦果種感覺,IE400會比IE300適合,相反如果中意空間感就IE300較適合, 對比64N8,IE300係果個價位足夠好,但係同高級比仍然於細節分析,訊息量,控制力都係稍有不及.
作為一個普通人高級價位O既單圈耳機,如果各位聽唔慣動鐵又想有隻雜食耳機, 以IE300做入坑起點絕對係好選擇
而家我對IE300 煲到啱啱過咗100個鐘。
高中低三頻銜接順暢，高音泛音位愈嚟愈滑。低頻既音質暫時聽就同開波時差唔多，煲到200個鐘再睇吓點。
2K左右既價錢，一動圈咁既質素，真係非常犯規.......
真係好期待佢條4.4 cable, 希望快D出。
打咗去Sennheiser HK 問，2.5 同 4.4 平衡線暫時都未有消息幾時出......
鄭浩鋒@FB 發表於 2021-2-25 22:03
有900我再報名
300都可以報左先架!!! 呢個價係OK既~{:12_792:}
