揭發不公、嘲諷極權——戰爭經典Paths of Glory
#電影龍莊#光榮之路
揭發不公、嘲諷極權——戰爭經典Paths of Glory
近期都冇乜好嘅電影，唯有翻睇一啲經典舊戲。《光榮之路》(Paths of Glory, 1957)又名《光榮何價》，雖然係六十幾年前嘅黑白片，卻是史丹利寇比力克响朶兼賣座嘅作品，佢因拍呢部戲搵到自己嘅老婆（全片得一個女仔，仲係最後一幕走出嚟唱歌嘅女主角），又同
却德格拉斯成為好友，種下接替執導《風雲群英會》（Spartacus, 1960）的前因。
電影講法國在第一次世界大戰同德軍對抗的一件真實事件，史丹利寇比力克將小說版權買來改編，一直冇人敢投資開拍，直到遇上却德格拉斯幫忙，才找到聯藝電影（United Artists)出資，造就出這部經典。
電影前半部故事主要場景係戰壕，戰爭嘅景象真實到連邱吉爾都話正，所以日後好多戰爭片都參考《光榮之路》，包括2019的《
1917: 逆戰救兵》；後半部就係文戲，講軍事法庭審判被冤退縮的士兵，關於軍事法庭嘅電影，湯告魯斯主演的《義海雄風》（A Few Good Men, 1992)亦值得欣賞。
史丹利寇比力克拍親嘅戲都會比一啲國家禁播，呢部電影揭發法國🇫🇷軍官不公義醜事，又批判嘲諷極權領導嘅方式，自然被法國領袖及西班牙嘅極權政府打入黑名單。
當年香港上映又名《光榮何價》，就知道呢一齣係宣掦反戰嘅電影，要人思考戰爭有何真諦，並揭露將領弄權爭榮，為私利升職硬打自殺式的仗，不顧旗下軍兵犧牲性命之惡行！出事後卸責並搵下屬孭鑊替死，誠如《道德經》第五章，老子說了一句名言「天地不仁以萬物為芻狗，聖人不仁以百姓為芻狗」的寫照。
本片結局令人感到十分無奈，慨嘆戰爭真係唔知為乜？
010/2020 雖然我只係睇過 卻德格拉斯 既《風雲群英會》但已覺得佢鐵漢形象好深刻... 之前係 MGM 堆經典片目裏面都成日見到呢套《Paths Of Glory》... 有時間真係揾出來細睇下先呢... {:6_122:} Hugo Fok 發表於 2021-1-18 12:34
雖然我只係睇過 卻德格拉斯 既《風雲群英會》但已覺得佢鐵漢形象好深刻... 之前係 MGM 堆經典片目裏面都成 ...
佢都係最主要呢兩部電影啦，但係千祈唔好同佢個仔撈亂，兩父子真係好似樣{:1_338:}
頁:
[1]