有感而發，買電視機的苦況
小弟電視壞了，於是開始做功課，準備換機。在過去的一星期當中，已經上網做了資料搜集，鎖定了四部型號，包括：1) Sony 49X9500H
2) Panasonic 49HX900H
3 LG Nano86
4) Samsung Q80T
於是四出去各主要連鎖店試機，eg 豐百中等。 小弟基本上想要求他們可否試播4k電影，1080 電影， 和普通電視，小弟想看看質素如何，因屋企人一半時間睇電視，一半時間睇電影，而且又仲有好多1080嘅舊片 。大大話話去了十多間不同的店舖，结果95%啲sales都不太願意去set每部電視去同一個source作出比較，可能因為要撳太多掣，有一間甚至說：『先生，冇人會好似你咁去比較嘅喎 』 ，並且露出好不願意的態度。 這是苦況一 。
至於苦況二， 佢哋十個十個都係 sell LG Samsung, 講幾十個好處出嚟話比你聽點解你要揀LG。而且勁踩sony 和 Panasonic，這兩個牌子，吾係收最底就係放上天花板。 我現場睇過好多間， 在佢哋舖頭又真係睇得出sony同panasonic嘅質素真係超差，無論層次感，黑白位，顏色準確性，對比度，流暢度等， 睇落去你真係唔會揀sony同panasonic， 只會覺得 LG 和 Samsung 真係高過佢哋幾十班。 但係我吾忿氣， 因為做過功課 ，好多師兄都對sony同panasonic 有好多唔錯的評價。 於是我就上去 sony同埋panasonic嘅showroom 再睇一次。 結果發覺質素和我喺豐百中睇既好大出入， 簡直係 一個天一個地。 而且，他們陳列室啲 sales 服務水準和態度非常好， 你想點樣試佢哋都非常樂意配合， 非常專業，尤其係sony， 意見中肯又專業， 至少佢哋唔會喺你面前勁踩其他牌子， 又唔會在意你到底會唔會同佢買。 講返質素点解會有咁大既出入，好明顯，答案只有一個，相信大家都知道點解，唔使我多講。
我以上嘅經驗，我只得出一個結果，作為消費者想買一部電視， 喺而家嘅市場環境，你根本好難在大連鎖店可以公平地試到你想買嗰部機嘅質素到底如何， 不能作出一個公平嘅選擇， 並且你看到的畫面質素可能充滿誤導性。 唯一嘅辦法可能就係去每個牌子的陳列室去試機。
结果，由於LG同samsung喺香港好似冇陳列室, 所以小弟只係sony同panasonic裏面二揀一。 小弟憑著Top Gun嘅trailer 就已經分出勝負, Sony 尤其勝在色彩嘅準確性和流暢度，upscaling 比 panasonic好好多，的F-16 飛黎飛去睇得非常流暢，同埋層次感都優勝過panasonic ，畫面出嚟好自然好舒服 。 所以我都係決定買sony 49X9500h。 以上係小弟嘅愚見， 可能有師兄唔同意，見諒。 多謝師兄分享🙏🏿 你試49吋，當然有咁嘅待遇，你試下揾部85吋8k(20萬)，完全係兩回事。 avsuperman 發表於 2020-9-19 01:33
你試49吋，當然有咁嘅待遇，你試下揾部85吋8k(20萬)，完全係兩回事。
又唔好合理化，正正係大家都覺得呢種服務水平理所當然，接受咁唔專業嘅銷售態度，呢個業界先會咁多年都不思進取，劣幣盛行。點解我地都唔再信任何sales，寧願睇外國評測同技術分析，自己去比較影音產品，就係食返一路縱容啲商家唯利是圖嘅惡果啦。
所以我認同樓主個精神，我都係打算買49X9500H。當然你可以考慮埋LG CX 48，睇下你需要係咩。 我自己既經驗係去AVLIFE相對比較好，下次再換電視可以去睇下問下～ 最好買55吋，起碼可以換電源線 我都好耐冇留意Pansonic電視啦，有機會上show room 睇吓
另外一提，我會上 rtings.com 睇吓啲外國人嘅評測，LG Samsung Sony 都有，Panasonic 就好耐都冇update
不過都係可以參考一下
最重要係佢地有Calibration Setting 比你參考，當然Sony x9500H 本身色準已經相當好 睇吓連鎖店韓國機減價可以減幾多
同埋香港貴過大B6幾多
就知佢地賣一部機利錢有幾深？ 所謂受人錢財，替人消災，韓系己要畀昂貴嘅上架費，同埋畀售貨員佣金，自然落力推銷！{:1_333:} ching咁有要求, 預d錢俾人幫你calibration.
其實每個品牌, 都有自己setting取向, 自己眼睇只係品牌取向分別.
公平比較係搵同一器材做calibration.