膽粗粗系列……乜都唔識，學人做顧問之100吋激光電視
本帖最後由 hohodog900 於 2020-8-30 14:23 編輯膽粗粗系列又出籠，今次唔喺買嘢比自己，而喺屋企人近日買咗樓 (喱個時勢入市，佢都好勇下) 佢見我個窩居都玩5.1.4咁過癮，於是就話叫我幫佢諗諗，搞番個家庭影院過癮吓。屋企人叫到，邊有得托手踭，一於冇料扮四條，換件清兵衫就上戰場。
因乜解究講到去打仗咁?皆因佢個海關審批入境非常嚴格……首先唔要見到有喇叭……家庭影院冇喇叭，點出聲?拗頭一！
第二，牆上唔準掛電視，電視只可以喺睇嘅時候出現，其他時候要只見到幅牆，其他乜都見唔到有嘢；喱個位我覺得佢海關大人有啲玩嘢，心諗其實你喺唔喺唔想比佢玩架，Blade Runner 2049啲科技未有喎！
唔通要玩喱部?
嘩！大哥……要40幾萬喎……有都擺落層樓度啦，唔洗諗。
於是上網爬文，周圍揾下，又睇下youtube咁，終於見到喱部，品牌好陌生，未聽過，但喺外國評價又幾好，入於平、靚、正果類。
初步有定案嘞。
喺繼續爬文期間，facebook嘅竊聽，偷窺功能發揮咗功效，居然彈咗以下喱間公司嘅廣告比我，一查之下，又喺評價唔錯嘅產品，而激光超短投又正正須要配合佢哋生產嘅黑柵抗光幕，而且仲有自動升降地升幕，咁兩者配合，咪同 LG 捲動 OLED類同，但價錢只喺十份一，仲可以最大投到150吋，喱鋪第一次感覺到facebook嘅竊聽偷窺功能真喺幾可愛，基本上第一大難題已解決。
但喺睇youtube片介紹，喱部嘢要手動移前後左右部機嚟就隻幕嘅大細，尺寸距離要非常精準，所以膽粗粗系列正式展開，乜都唔熟嘅情況下，訂晒番嚟，仲訂多對我用緊嘅TDG天花喇叭準備做後置喇叭，不過今次喺6.5吋。
貨到齊後，喺公司開嚟試玩度尺寸做地櫃，初步乜都冇set，全部用預設，效果已經“嘩嘩”聲，大家自己睇。
關咗公司大部份光管，有小部份工作區域仍然著燈，公司無窗簾有室外日光直照入屋嘅環境下嘅效果。
全公司所有燈著晒嘅效果
黑柵抗光幕果然利害。
睇到咁嘅效果，屋企人非常開心，興奮。
第一關過咗，第二關相對問題小啲，千辛萬苦申請到後置梳化位對上造個細細嘅假天花，放後置聲道，其他Atmos聲道唔洗諗，唔會造假天花。至於前置就已經諗好有一對靚仔嘅，放地櫃面，海關暫時已批咗，但由於部VaVa已經霸佔咗中間位，冇得放中置喇叭，地櫃入面又唔放得喇叭，因為海關規定就算睇戲時都唔可以見到啲機，要閂晒啲櫃門睇戲，所以暫定只玩4.1，center channel 玩 Phantom，喺度想問下各位師兄有乜高見。
#work in progress !
#裝修進行中
#留位 {:1_326:} Great 正，睇相效果都好正，係咪透聲幕嚟？咩價位呢？ freeboy 發表於 2020-8-29 18:06
正，睇相效果都好正，係咪透聲幕嚟？咩價位呢？
黑柵抗光幕，激光超短投專用幕，唔會透聲的，Google 下，喱方面我都喺初哥。 個幕好正喎... {:6_193:} 正！期待安裝完事報告！
可否PM一套價錢！ joelcan 發表於 2020-8-29 21:37
正！期待安裝完事報告！
可否PM一套價錢！
價錢全部可以網上睇到，投影機來講，可以接受。 我用了差不多2年激光短投，100寸好爽， 但冇e a r c， 要買4k player 唔錯喎.{:1_351:}