Sennheiser Ambeo Soundbar 打破傳統觀念，AV HT聲效新享受～
本帖最後由 極地雪 於 2020-5-15 14:28 編輯我一直玩開AV amp ，又試過唔少既牌子（D , M , P , Y) 都有試過，一般既傳統觀念，玩AV 想要比較好少少既享受，最基本既要求都起碼要前後級，仲未計前置，中置，後置，subwoofer ，加上呢幾年Atmos / DTS X 興起，最基本都要5.1.4 / 7.1.4 ，要擺得到咁多隻喇叭，又要裝Atmos 天空喇叭，又要拉明線，仲要過老虎個關，真係唔一件易事。
香港地，地方細又住得貴，玩hifi 玩AV 地方永遠係香港一般人面對最頭痛既問題！（有錢人除外）～
近呢幾年sound bar 興起，最初我都覺得無可能取代到傳統既AV HT，之前都有聽過Y 記 5600 / S 牌 Q90R ，但一直都唔係我口味，但自從Pat pat 痕去試左 ambeo sound bar ，大大改變左我對sound bar 既睇法。
先講講佢既結構，AMBEO Soundbar 有 13 組單元，分別處理平面及天花的環繞聲。Soundbar 左右兩邊頂部各設有一組 3.5 吋全頻單元，以斜向上發聲的方式、以天花反射輸出上方音效。 行5.1.4 為主！支持HDR10 / Dobly Vision / Dobly Atmos / DTS:X ~ 主打技術「沉浸式」（immersive）的音效體驗，令我耳界大開既係佢既無實體既Atmos 喇叭，又無後surrond 喇叭，都可以做到有既效果，而且一D 都唔弱~
優點：
優點一：自動音場校正功能，，一定要做一次空間量測與校正。
優點二：AMBEO 3D音效，呢個mode 睇戲時一定要開，開左立即令到音場變寬、變深、變高，空間感立體感顯著提升！臨場感一絕，開左一定唔會輸俾Y記既DSP，唔會輸比D 記既動態。
優點三： smart control app 可以 調整細節，調節自己最佳心水既音場、包圍感、空間感！
優點四： 可以接subwoofer ，對低音控既朋友或有高階十仔既朋友黎講可以玩返自己既十仔。
優點五： HDMI 2.1 OUTPUT 支持eARC
優點六： 慳位，無需要前級，後級或合併，如果只玩AV HT 無需要前、中、後置、及天花speaker （十仔基本上都可以唔駛，除非對低頻超有要求）
接駁CD 機或streamer 聽感：soundbar 微暖聲、小小厚聲，中音厚、高音明亮，整體相當細緻。低音量感足，本身低音已經有30HZ 外國有人更測試過話去到22HZ， 如果低音控覺得仲未夠喉既仲可以駁subwoofer ，但我自己既口味黎講本身低偣以經覺得好足夠，唔需要開subwoofer，而家隻十仔長期關機MODE，唔要求高既話可以媲美入門級2 channel !
個人結論： Sennheiser Ambeo Soundbar 本身低音就夠沉，無論電影、聽音樂效果都十分驚喜。整體表現及包圍效果令我有喜出望外既感覺，顛覆左傳統AV HT 既觀念，絕對可以令你耳界大開。(以上只係本人純聽感分享，不喜勿看，感謝。）
缺點：
1. 價錢貴，相對比S 牌Q90R 黎講面價貴左$1萬。 值唔值得就見仁見智。
2. HDMI input 得3個，output 得1個，美中不足
3. HDMI input 不support HDMI 2.1新制式(support v.2.0a) ，只有output 支持HDMI 2.1 eARC
4. 片源要有DOBLY ATMOS 或 DTS：X 先發揮到佢最佳聲效，DOBLY SURROUND 格式好一般
5. ambeo soundbar 睇一陣戲後都幾熱
師兄，咁係咪即係表示你又燦爛歸於平淡,賣掉器材玩Bar?簡單不用煩?謝謝師兄分享及指教。 本帖最後由 極地雪 於 2020-4-12 17:20 編輯
manlad760 發表於 2020-4-12 16:53
師兄，咁係咪即係表示你又燦爛歸於平淡,賣掉器材玩Bar?簡單不用煩?謝謝師兄分享及指教。 ...
我相信我並唔係第一個由傳統AV AMP (合併 或 前後級）＋ SPEAKER 轉去玩既影音愛好者，
正如我所講，地方限制係香港地好多人要面對既問題，SOUNDBAR 將一切化繁為簡，
而且仲唔會佔用太多地方而又做到唔錯既效果，我相信soundbar 既發展係不久既將來會對AV HT帶黎新衝擊 認同師兄所講,香港土地係不太容許小市民在家建立小影院,尤其係天上喇叭及梳化背喇叭,又要過老虎果關。。玩Bar真係可以解決土地問題同好易入屋。。 如果因為屋企細而選擇用soundbar的話,呢條相對都幾巨型,適合比較大的屋企用 本帖最後由 極地雪 於 2020-4-12 18:56 編輯
成龍大哥 發表於 2020-4-12 18:42
如果因為屋企細而選擇用soundbar的話,呢條相對都幾巨型,適合比較大的屋企用
可能近影，視覺效果令到覺得好巨型{:6_136:}
遠少少影又會覺得細{:6_176:}
不過真係相比起玩5.1.4 / 7.1.4 等等慳返好多位{:6_138:} 呢條係我聽過 音場 最大的一條soubdbar， 直頭入左太空館咁， 可惜價錢太貴， 而且比較高身，好易阻擋電視畫面。 本帖最後由 極地雪 於 2020-4-12 19:14 編輯
XPR 發表於 2020-4-12 18:56
呢條係我聽過 音場 最大的一條soubdbar， 直頭入左太空館咁， 可惜價錢太貴， 而且比較高身，好易阻擋電視 ...
聲效、音場、包圍感，睇葉問DTS X 拳拳到肉真係唔輸比傳統AV AMP ，價錢又真係貴左D，
如果價錢定係$13000-$17000 左右會更有吸引力 ～
咁岩好彩我有朋友拎到老友價先扑搥，否則我都可能因為價錢而卻步。
買左之後又真係令我大開耳界，係近呢幾年黎講我覺得最滿意既AV 產品！ 新增缺點：
4. 片源要有DOBLY ATMOS 或 DTS：X 先發揮到佢最佳聲效，DOBLY SURROUND 格式好一般 呢條BAR係好野,不過價錢太貴,令人覺得唔敢入手{:6_126:}