《星際任務Ad Astra》簡單影評
我自己一向好喜歡講太空的電影, 所以當知道有一套新的電影ad astra, 雖然唔知講咩但都買了票入場. 老實說, 睇完出場時感覺只是一般...我不是指電影不好看, 而是有種"可以拍得好一點", "差一點便可以成為經典"的感覺. 跟朋友討論其實都幾兩極化, 一係話好好睇, 一係話好悶.
要讚的是可以去月球, 火星, 甚至是海王星, 個場景都好靚, 有種好似進入了夢境的感覺. 同埋都明白電影是想講"人與人之間的關係", 主角bradd pitt本身是一個比較孤獨的人, 無家庭負擔, 長期都可以冷靜, 生活便簡單一些. 但最後都發現自己其實是需要和人接觸, 就如佢同父親tommy lee jones說" 你去到咁遠發現宇宙無其他生命, 都仲唔明白關心你的人就在身邊?" 最後brad pitt都覺醒, 回到地球之後都同返佢女友/老婆(?)一齊.
要彈的係拍得太空電影, 我覺得"科學"上一定要盡量準確(除非是拍star wars或 star trek). 好多地方都見佢有做功課, 但都有好多地方太唔合理了.(當時在現場直頭係: 吓咁都得?) 首先最基本的, 佢話由於唔想受到磁力定太陽的影響(heliosphere?) 所以要飛到老遠去探索, 但就算是去到海王星都未擺脫得到呢個"影響" (Voyager2 1989年去到海王星, 但都要去到2004年才離開了heliosphere, 即係就算去了海王星都依然會有影響. 所以我覺得如果將tommy lee jones由"搵其他生命"改為"想探索太陽系以外的星體"會更合理.
另外之前飛船是由月球去火星, 但最後又會用同一架飛船去海王星? 因太空飛行都係要計數, 裝幾多食物, 水, 油, 來減輕重量, 我怕未到木星已經無晒食物...同埋感覺就如我開架私家車由荃灣去柴灣, 但如果要去台灣, 我只能轉飛機而無可能用同一架車去...
飛船內開槍又係自殺式行為...飛船如果打穿了等於全部人都會死....我覺得電槍會合理d...
雖然上面好似彈多過讚, 但總括來說, 如果喜歡太空的電影, 都是值得一看的.
bradd pitt...都係拍返喪屍片算啦{:8_376:}{:8_376:} kv10 發表於 2019-10-9 11:32
bradd pitt...都係拍返喪屍片算啦
我本身唔算好喜歡佢(唔會因為有佢就入場) , 不過佢在電影中又做得唔錯. 同埋電影90%時間都係得佢一個咁{:1_262:}
第一套K11 IMAX 就咁俾咗哩套戲… audia 發表於 2019-10-10 15:13
第一套K11 IMAX 就咁俾咗哩套戲…
我好少去imax戲院因為好多時要回家睇細路, 都會選擇近屋企的地方. 不過呢套d宇宙景用imaxax睇應該幾震撼.
畫面觀感上, 甚至電影想講的主題我都覺得好好, 不過都是我那句"科學上要盡量準確", 因為我覺得太空本身是一個好危險的地方, 每步都要計劃周詳, 但brad pitt佢好似咩都不用理又咩事都無....
其實最難接受是佢最後拆了塊板係擋d石....講真d石移動得咁快, brad pitt就如用發泡膠板擋機關槍...點會無事...
而最後仲用核爆的衝擊波加速....先不說有無可能會成功, 就算是成功, brad pitt都中晒幅射, 未到地球已經死了(或是變成X-men)...
gashapon 發表於 2019-10-11 13:40
我好少去imax戲院因為好多時要回家睇細路, 都會選擇近屋企的地方. 不過呢套d宇宙景用imaxax睇應該幾震撼. ...
同意，結局有d 爛。
學術性輸晒俾interstellar{:8_368:}
頁:
[1]