好難揀，本來2選1，今日又變咗3選1
早排入完player，跟住就儲錢想升級埋耳機，之前試咗一輪打算考慮一係64隻 Tia Forte 淨耳機或 Noble Khan加條升級線，本來已儲好錢諗住去買，點知64又出隻黑魂版又話咩唔同聲，好啦終於今日下晝收早出去同個fd去訂figure我又順便試埋隻黑魂Forte，走咗好幾間耳機舖都冇得試，終於試到不過真係唔太啱口味又點味精咗偏怪怪哋咁，不過聽小品木結他夾人聲簡簡單單嘅歌係正嘅，跟住去到某店見到四眼哥哥仔同我講新到咗隻Layla 3代新鮮滾熱辣開箱，見筆直都係射程內又可以免丁分期又聽吓，試完之後真係奶曬嘢，同forte同khan又好唔同，呢隻layla3 音場好闊好似現場聽live咁，特別聽演唱會個d碟真係正到好似現場感，所有樂器個空間好似比到你知道放係咩位，我自己就好鬼鐘意睇演唱會嘅，呢次堅大鑊....不過聽人聲就好得意，聽某啲歌就人聲好埋身，聽某啲歌就人聲企係中間咁。我fd話同以前嘅layla少少似，但今次人聲同中音比之前再清啲埋啲，我自己就未試過上兩代所以唔知咩分別，同埋呢隻個樣好有型，手感摸落去好有質感好厚實嘅黑灰碳纖加酒紅色大logo,有點似法拉利味，原來條線仲可以較bass，不過佢個插頭好似係獨家嘢，唔見出面有咩升級線可以換，唔知遲啲有冇人改頭或出升級線呢...
而家就好煩惱 3揀1：
1：Tia Forte普通版，聲底好有密度，偏少少暖，三頻都做得幾好，聽有感情嘅歌更投入更有feel
2：Noble Khan, 聽感非常舒服，空間感夠，高音可以升到好滑，人聲清晰自然聽得雜啲都好夾，低頻有punch有detail但唔太多蓋住人聲樂器，不過要預舊錢買升級線先發揮得好呢隻耳機
3：Layla3, 音場極廣闊，三頻好仔細，樂器定位好清晰，好有現場感，靚仔，但而家冇升級線玩。
各位師兄，如果3揀一，你哋點揀？
以上純個人聽感口味的愚見，不喜勿插， 多多指教
我player用：A&K SE100
Khan你又唔想預錢換線
Layla無線換你又唔鍾意
咁就揀Tia Forte啦 如果買 Layla ，player 也要升級，因為 SP2K Cu 夾 Layla 效果有 1+1=3 的感覺 {:1_343:} 揀Tia Forte啦 Tia Forte 假設以公開售價去比較 khan都只係兩萬 但其餘兩隻都較khan既售價高 相差既價錢或比多少少都可能搵到條線俾khan用 加上我見師兄寫khan既聽感特別長 似乎心儀khan較多 所以其實都唔駛點考慮 吾係三選一 係次序能真 就123吧 ~ZERO~ 發表於 2019-9-7 09:50
吾係三選一 係次序能真 就123吧
不過64 年底會再出新耳機 可以再觀望 Head fi,或興趣，啱聽就買，最緊要自己喜歡，每幾個月又有新的，吹唔完。
就好似角落頭店一樣，數鮑魚，好味好抵 本身layla條線就巳經係2.5
有ak就唔洗煩
個人會揀layla 聲比較清,定位準, 適合聽Live
而其餘兩隻.....
64啲聲老實講真係比較亂, 好似聽收音機咁,拆拆地
Khan聲比較薄,低頻無乜厚度
頁:
[1]
2