返歸試玩: 無痛影院 7.1.2 Dolby Atmos Sony HT-ST500 Soundbar之感受
本帖最後由 smallman101 於 2019-6-14 08:10 編輯各位師兄師姐大家好，首先要多謝 SONY HK 同POST 76影音玩樂舉辦今次既試玩活動，令小弟有機會感受到Sony ST-5000 （擁有12個單元聲效以及7.1.2 高空聲道全景聲，天花、牆壁反射技術) 既一條Soundbar
先比大家睇睇我屋企既環境先：
小窩居面積唔大，但好在客廳四四方方。令ST-5000個Dobly Atmos反射效果好突出，直情好似掛左兩個喇叭係左右兩邊天花度咁。
我本身用緊既器材有Sony 55x9000E /Sony HT-X9000F / Zidoo Z9S / 同埋PS4，平時我同太太係屋企多數睇下Netflix、開大個喇叭奮下歌、亦會Dowload d 4K ISO支援Atmos聲效既電影享受下Home Theatre，因為成日都會用著音響器材，所以一直尋找緊條最滿意嘅soundbar。
開箱當日，小瑟大王、阿Wil、SONY、葉先生同埋攝影團隊，一棚人黎到小弟家中，非常專業地討論了解家中格局。小瑟就開始講解安裝流程，葉先生亦準備拆箱，之後向我詳細講解ST-5000 性能。整個過程都好有趣，小瑟同佢地既團隊都非常幽默，大家有講有笑，就好似招待緊班x朋x友咁話題講唔完。
（Subwoofer係無線連接好方便）
當Set up好晒，當然第一時間要update返最新既Firmware啦，一睇原來已經係最新既版本。原來ST-5000有內置Wifi，所以update都好方便，仲可以連Wifi使用 Chromecast, Spotify Connect等等功能。
見葉先生拎住把尺出黎度下度下，原來要配合天花同喇叭既高度、以及與皇帝位既距離，量度出黃金比例先可以達致最佳既音響效果。小瑟仲醒左兩招過我，點樣去設定頻率響應，非常有用！謝謝。
ST-5000 本身已經有 3入1出既 HDMI，亦支援HDCP 2.2 同埋 4K/60p HDR10 等，強勁既支援技術，完全足夠應付我自己嘅器材。
Set up 完黃金比例後就黎到試聲環節，一開始試Atmos 片源既時候出唔到Atmos 效果，原來係小弟既Z9S 一直都只係較左雙聲道無轉番去源碼透傳，小瑟極速解決，堅！
順利試到DOBLY ATMOS，一開始聽已經覺得個包圍感好強，聲音好似從四方八面咁黎，去到落雨同行雷個段直頭感覺到好似天花上面落緊雨咁(阿wil話齋要開遮)，行雷個下下沉既聲音，真係感覺到心驚同好震撼。
另外要讚ST-5000 前面小display呢個設計，當你睇緊片或者聽歌既時候會show 比你睇你係行緊係咩Source 同埋用咩解碼。之前我條X9000F 要轉返去HDMI 先睇得到，比較下ST-5000真係好user friendly。
得兩星期緊係要玩盡佢！TGIF 當然睇套哥斯拉4K Atmos，呢幕哥斯拉條尾直情好似係我頭頂發過咁，連我老婆都話好似係戲院一樣，仲有埋震震位 (隻Subwoffer 放係梳化後面) 。另外ST-5000個Subwoffer開8度已經勁到玻璃都震埋 (Maximum 12)
平時都有聽歌同玩下ps4，主要都係手機藍芽連接。ST-5000有埋LDAC能夠優化清晰度，音質有所提升，同埋有唔同既場景模式配合，例如Game Studio Mode。但發現左有個小問題，就係個Subwoffer聽歌時有怪異既噗噗聲，起初以為係同條Soundbar放得太遠接收唔好，但我放返近時情況都一樣，爬文後，發現原來ST-5000都係行緊5G Wifi，如果屋企Router同樣行5G的話有機會出現以上情況，但只要將Router Channel改一改就可以解決。
總結黎講ST-5000 唔需要掛到成屋喇叭都做到Atmos 效果實在驚喜，對於我呢d屋仔細細又想玩下7.1.2聲效既真係減小好多煩惱。設計又好鬼窩心（磁力保護蓋防止屋企小魔怪亂咁篤）對有小朋友既家庭黎講好緊要㗎！呢條sound bar的確令我同老婆既關係好左，但鄰居關係就⋯ 哈哈
唔好介意, 次次去到版友屋企都會多手睇埋D CONFIG, 有咩用唔盡當然會執埋佢先啦, 如果唔係咪好浪費!!!{:6_128:} 小瑟 發表於 2019-6-14 09:39
唔好介意, 次次去到版友屋企都會多手睇埋D CONFIG, 有咩用唔盡當然會執埋佢先啦, 如果唔係咪好浪費!!!{:6_1 ...
多謝指教{:6_128:} "行緊 5G Wifi，如果屋企Router同樣行5G的話有機會出現以上情況，但只要將Router Channel改一改就可以解決"~很好的分享，真是實用小貼士!! 唔好意思問個蠢問題,Soundbar係咪直接由TV hdmi出而唔洗經AV
amp都可以有各種音效? 又跟TV的牌子相同重不重要? Thank you! 想問問 後置聲音 係咪冇乜 我都好想買呢隻 但好怕後面冇聲? fun100 發表於 2019-6-15 13:22
唔好意思問個蠢問題,Soundbar係咪直接由TV hdmi出而唔洗經AV
amp都可以有各種音效? 又跟TV的牌子相同重不重 ...
係呀，Soundbar由TV 個Hdmi出，但其實佢都有3個Hdmi input,可以將Av Out 去條Soundbar in到，因為佢都支援4k,又可以慳番電視既Hdmi in 既插位。如果電視唔同牌子都無影響，只不過同牌子就用搖控操控會方便d, 1個搖控就搞掂。 CarboyChan@FB 發表於 2019-6-15 15:18
想問問 後置聲音 係咪冇乜 我都好想買呢隻 但好怕後面冇聲?
如果後置黎講的確無實體既效果好，但可能我個廳咁岩四四方方，所以我都感覺到後面係有聲既，但你話佢天花效果就真係要讚。 smallman101 發表於 2019-6-15 15:38
如果後置黎講的確無實體既效果好，但可能我個廳咁岩四四方方，所以我都感覺到後面係有聲既，但你話佢天花 ...
如果後面有小小聲都可以接受 CarboyChan@FB 發表於 2019-6-15 15:39
如果後面有小小聲都可以接受
師兄有無玩過條Soundbar? 我之前係Sony Store到都試過，可能佢地方大感受唔到太多個天花聲同Surround，但佢今次試玩完又真係兩回事