YAMAHA 之 MAMAHA 後感
本帖最後由 阿定 於 2010-1-23 09:51 編輯由於我唔係餅主，容許我講野直d，如果協辦單位睇完我寫的野，累到大家無下次，好老實講，呢d體驗會無下次分分鐘仲好，當然如果協辦單位睇完我篇野，決定再搞多次，認真少少，亦不失為一次好事！
正文:
一皮野的機，用來推十幾廿萬的音響器材，呢d咪叫錯配，即係駕駛學院想話你知佢d畢業生(新牌仔)，示範手車有幾好，你比架法拉利佢，你話佢想點？係想落個新牌仔面，還是想你以為法拉利垃圾？ 睇完果Show，好老實，部RX-V2065 仲差過O記 607，但我上次係第二間影音鋪試聽RX-V2065，係唔單止好過O記607，仲有d心動換走家中部3808A的，如果無去的大家可能會問，可能set得唔好吧？但我可以答你，如果通利的柏直大師都set得唔好，咁我更加唔會買套咁的野返屋企，佢都set唔好，咁我更加唔駛set啦！
好啦，講完音，又講下晝，好老實講，好彩我家玩唔到投影機，更好彩係我無錢買呢套投影機同無帶老細來，如果我係準買家，帶埋老細來睇，準備比錢果隻，我都唔知點解釋比老細聽一部三十幾萬的Projector係差過兩皮唔駛的JVC或三洋機，唔好話老細唔會出批文，就算老細唔理你，我都過唔到自己果關啦，大佬幾十萬呀，比我係上市公司CEO唔駛睇錢都唔係咁買野法吧，呢d已經唔係錢的問題，係面子的問題，如果我幾十萬買左呢部Projector，叫d下屬來開Party，睇波睇戲，我肯定比d 0靚 笑幾年，笑我比人呃左都唔知，拜托無心sale部機，就唔好走出來講解部機，陰公你搞到我宜家覺得LED技術唔係未做得好，而係唔入流，我公司部開會用6千蚊Projector d 色都好過佢(當然細膩度就無得比啦，唔同pixel)，幸好我走時，同其他餅主吹水，先知原來部機係未tune過，剛剛落地，唉，如果唔係我多口問，我懷疑好多就咁走左的人，到現在都以為眼見的就是事實，咁就慘了，水洗都唔清，下次無時間tune機，早d講，我帶部 24寸 LCD Mon過去，好過搞成咁，我部Samsung LCD Mon有好多mode的，其中一個用來睇電影，點都好過睇部未tune過的Projector的！
鬧完啦，無理由唔讚架，始終成個show無理由全部都咁負面的吧，好，我現在就講下好的部分吧，YAMAHA 的 DSP 真係好野來的，雖然今次整體聽到的聲都係垃圾，但你點都會分到用左DSP之後，係好左好多的，好左的地方唔係聲音果方面，而係成個感覺，其中2018時的科幻電影mode，聽維也納音樂的維也納mode等，都真係好幫到手，值得推薦
最後特別多謝各版主的努力，場地提供單位比我地開兩場，仲要超時完場，阻人收工等同殺人爹娘，比我地overrun左咁耐，作為參加者我都覺得真係唔好意思，最後就係通利送出的禮物，不過我抽唔到，頂，同埋柏直大師的有問必答，雖然答我Zone2唔係我想要的答案，但我知道呢個唔係你的問題，亦唔係YAMAHA的問題，而係好多廠家的問題
YAMAHA 之 麻麻下 後感 全文完 我無得去....{:6_204:} 我無得去....{:6_204:}
chhanthony 發表於 2010-1-23 09:57 http://www.post76.com/discuss/images/common/back.gif
I need to work and cannot go to. 同意...show 唔到yamaha嘅好野 如果我係協辦單位,一定痛定思痛,誓要挽回聲譽;認真攪次完美show. 如果通利的柏直大師都set得唔好，咁我更加唔會買套咁的野返屋企，佢都set唔好，咁我更加唔駛set啦！
thats damm right . {:6_229:} 睇完定兄嘅文章,今次去唔倒都好似無選失 睇完定兄嘅文章,今次去唔倒都好似無選失
Kelvin 發表於 2010-1-23 13:26 http://www.post76.com/discuss/images/common/back.gif
無去都係損失....損失咗同大家吹水機會！ 噢.小弟無去.但聽到咁,都少少傷心.真係再整番2場,set好哂.先好d.
同意 定兄 所說,級數問題呢個point!
無去都係損失....損失咗同大家吹水機會！
maner394 發表於 2010-1-23 13:49 http://www.post76.com/discuss/images/common/back.gif
咁都俾你入倒{:1_331:}
總有機會嘅,話時話有時行過mk都有想起大家以前團購取貨,
大家行街去秋記,然後去食飯吹水嘅時候...開起都幾回味及開心{:1_351:}
頁:
[1]
2