今日8K QLED睇驗會，很好，獲益良多，有samsung 代表、小瑟& Antony 專業分析、試盡部Q900R，喺一啲平時睇唔到嘅細緻位及質感，以及流暢、色彩都可以滿足到我視覺！多謝Post 76玩樂網……！
好高興參加Samsung QLED 8K/4K 搶先睇真啲體驗會,自已一直用Sony電視机和聽到好多都對三星電視不好的消息,但今次參加令我大開眼界.AI Processor 令8K QLEDQ900R嘅色彩/層次/動態/細緻度等展現得好出色.最後Anthony Lee分享當中調教的過程,如何利用工具去做調整,都給大家不少有用的資訊.2019年8K TV開始起步快D有8K藍光机出現?
多謝Post76 同Samsung 舉辦今次體驗會。
雖然8K既價錢真係不是人人可以負擔得到 (至少我唔可以?)，但可以欣賞到三星最新既技術，對佢品牌其下既電視都真係多左一份信心?當然今次三星自家既 Quantum Processor 8K 同AI Upscaling 技術真係無得頂，就連DVD 都可以升頻到接近4k 效果，簡直一大驚喜。至於其他色彩，畫質或者細緻度等等我相信上面啲師兄都分享左好多，我尼啲新手玩家都無咁多知識同大家分享。
不過反而想講三星未來除左可以係面版同畫質既提升之外，可以嘗試再係智能家居功能方面再可以有更多既突破。近年好多人都關注智能家居，如果電視可以做埋智能家居既hub ，例如聲控可以做到大部份遙控既工作，同埋電視如果可以做到電話咁有Always on 既功能可以顯示天氣交通等既情況，咁就正晒?
不過小弟建議都只係週邊既功能發展，整體而言今次尼部8K電視無論係畫質同自家技術都真係一流，雖然未買得起8K，但4K到已經好吸引我入手?
很高興能在這刻搶先睇 Samsung QLED Q900R 8K/4K 真體驗，令我大開眼界。我會用２點分享我的意見：
１）「鐵三角」故名思意：小瑟大王、「色魔」Antony、Samsung 工程部代表，他們各有特別任務，為我們帶來驚喜及「唔多又唔少」的相關知識，當然在 Samsung QLED Q900R 及最新系列技術上，獲益良多；首先，小瑟去了新加坡，率先體驗及感受最新 Samsung QLED 8K/4K 技術，然後在今次體驗會給我們分享，而且憑著他豐富的經驗及幽默感，使我們可以深入淺出的知道最新Samsung QLED 8K/4K 技術及Q900R 的特別過人之處。另外，正如小瑟所講，我們能嚐到頂級美味的和牛，除了食材好之外，廚師的巧妙烹調，是至為重要；「色魔」Antony 就是這個角色，他用心的調較，使到我們現場的網友對Samsung QLED Q900R 嘆為觀止，除了時間的付出，Antony 的心思，使我十分敬佩，而且他還很大方的給網友下載調較電視的軟件（雖然我們不一定懂得如何調較），這種無私精神，實難能可貴。Samsung 工程部代表亦能給與我們一些廠方的資料及未來Samsung QLED 的路向，使我們更能掌握未來電視的發展，還有他也不厭其煩的解答我們的問題（無論Ｑ＆Ａ或各人自由測試的時段）。
２）「細心。貼心。用心」：前一星期，我也有出席另一牌子8K LED 電視的發佈會（不是POST76主辦的），但有些失望，他們沒有給與現場參加者關於產品上更多資料，更沒有播放影片及其他 Upscaling 的示範，是非常失望；相反 POST76 及 Samsung 的安排，給與我們更多空間測試及近距離接觸，而且還有更多關於 Samsung QLED Q900R 資料給我了解，真的非常細心、貼心、用心；當中最令我留下深刻印象的就是：Upscaling 技術、HDMI2.1 、4000 nit 光度及AI 精片處理器的運作，使更佳的畫質能呈現在觀眾面前。
首先，好感謝Post76同三星聯合舉辦呢個展示會。講真，未出席前一直在腦入便諗，宜家4K都未普及，電視台仍然只在高清廣播階段，碟方便試問除了發燒友，又有幾多家庭有4K影碟機，可以大膽講，現在大部分家庭應該仲停留係DVD時代，為什麼三星夠膽出8K電視呢？而最大問題係就算電視出到8K，現今民用亦未有8K source同8K播放機，咁就算有錢買呢部8K電視又如何，根本就係得物無所用。
但當到達現場睇到電視內置的AI同8K upscale 的效果後，我之前的問題就已經俾個電視自動回答了。因為就算現正沒有8K source 又如何？電視自身upscale 的效果真係嘆為觀止，Ready Player One自問在家已睇過無數次，但當在三星這部8K電視播放時，真係有一新耳目的感受，以往無睇到的細節，係呢部電視居然出現。
當自由時段再睇其他4K電視，講真，人就係咁，試過極品，又點會再對次一級有興趣呢？
三星做電視越來越好，出廠預設未經調較根據色魔Anthony 話其實已經效果不錯，這完全係功力的表現。黑位方面上年去銅鑼灣Dorset Hotel的Post76和三星的4K展示會已經令我回家有掉左屋企部電視的衝動，今次部Q900R就再下一城，睇來我換機的時日都不遠了
感謝POST 76 咁多位同ANTHONY仲有三星的職員的安排同出力, 令在下有幸可以親身參與呢次體驗會, 除左有專人講解, 仲有客觀的分析數據, 仲可以親身近距離接觸部機. 真係感到有錢袋落袋咁, 加深左了解, 對想換電視的我, 真係幫到手, 知道要點選擇!! 感激各位的付出!!
希望以後有更多呢類型的體驗會, 可以俾到我地更多學野的機會.
希望下次再咁幸運可以抽中參加. 各位加油!!!
親身體驗到Samsung Q900R 8K QLED電視8K畫質的超卓表現。而升頻技術及人工智能技術方面亦相當卓越，用75”大電視播放DVD時竟然有相當不俗的畫質，令人驚喜。如果再加入3D技術，令電視可播放3D應該會更理想。希望Samsung繼續進步!不斷創新!亦多謝Post76有這次體驗會。
好多謝小瑟經常搞好多好正的活動給我們!!同意上面師兄講76的活動辦得細心、貼心與用心，上星期另一牌子8K活動我也有出席，無人用心安排並沒有清楚解釋他們的8K，令我也不知去了後看到什麼好東西，或許我遲了點到，錯過了重點!!{:1_338:}
說回今次Samung 8K，來之前都是想知此S與他S 8K的分別，不過有多正也好，都有感覺離我還很遠，可能是沒期望下，反而驚喜不絕。第一，黑位與可視角度從沒想過可以在LED版面出現，就連色差都感覺不明顯，完全有力挑戰OLED，相信Sasmsung繼續努力開發QLED這方面，終有機勝OLED。第二，8K現在無太多訊源，無記錯網上見過話現在片源只有6,000條，但有幾多流通給用家睇到，真是沒有人知!!不過就想不到佢地升頻技術做得如此好效果，我座較後的位置看侏羅紀第一集DVD碟，沒常到96倍升頻效出來真有點像藍光碟，Billy Lynn's Long 藍光也有點像4K，而4K上8K更無得輸，有這樣強的升頻技術，即使無訊源下看舊碟或將所有電視source比佢升下也有得玩。第三，這麼遠那麼近的開買價，75"好似叫18萬，真與我無關，但65"好似話6萬左右，對我個人講都是貴，但又不是想像般離地，相信有米師兄希望搶買來威威豬亦不難。
另外都想有點提意。Samsung方面，如果下次少講點威水野，多講點技術出處如何為電視作改善，8K技術有否下放到現在4K型號，4K優惠等會更好，因為現在8K亦未普及，來得的師兄都想知4K是否買得過，所以Post76可以與Anthony大師分享埋Q90R及Q80R設定就更好，Q90R雖是頂級型號但好像沒有55"，所以我本人地方關系還是只可留意Q80R。當然，如果再搞一次Q90R/Q80R活動或是找Anthony再教教我們如何調好自己部電視也是很好的活動。
總結:今年Samsung電視給我完全改觀了多年的壞印象，完全同意大王所講，佢地有力一戰!!今年型號肯定會是我考慮升級及推薦給朋友的選擇。希望佢地QC做好點、改善埋售後服務就perfect了。
多謝三星和Post 76 給我們這個機會欣賞全球第一部8K QLED 大TV,
超高清解像度, 高對比度, 超強畫質顏色對比, 機面可視角度(接近180度)而不影響畫質是當今最強電視之一, 內部強勁的Processor 更可以將所有訊源提升至前所未有8K畫質, 更是全球首創! 最獨特和窩心的隱藏設計是腳架可以拆除後安裝在機背內是一種十分體貼設計, 面板不返光設計十分適合現代家庭需要,
經過'色魔' Anthony Lee 專業色彩調校後更加相得益彰, 現場更分享有關調校色彩心得, 令大家獲益良多, 不枉此行,
經過今次體驗後本人有三個希望有關方面可以改善的的地方, 另外有三個值得讚的要點和大家分享
希望有關方面可以改善的的地方:
1, 雖然這部8K QLED TV 是現今最強的電視, 但在純白色情況下隱約見到邊位有少少黑白不均勻的現象, 這是過去大部份平板電視在純白色訊號下都有的通病, 一般情況下很少會留意到, 只是在開場時頭五分鐘左右出現過2秒鐘純白色時察覺到, 希望在不久將來可以改進
2, 8K 65寸官方價$6xxxx. , 8K 75寸 官方價$12x,xxx. 在現今沒有8K軟件支持下價錢略為進取, 不過能夠擁有的都係身份象徵
3, 可能因為公司對HRD10+十分有信心, 暫時不支援Dolby Vision, 希望將來可以將兼容道提升
三個值得讚的地方:
1, 本人用了三星電視超過16年經驗, 三星電視由硬件至軟件都不斷改良, 更追過當今所有大品牌TV, 成為當今最強電視當之無愧
2, 可以安排在星期六在尖沙咀東部近地鐵站, 一個完善的大地方下多人一次過可以欣賞最完美的電視
3, 香港首創先河由專業團隊 Post 76 介紹全球第一部8K QLED TV, 有關專業團隊由攝影, 製作, 安排, 講解, 講者'小瑟' 生鬼, 風趣, 幽默的講解下, 令大家對這部全新8K TV 有更深的認識和了解, 值得一讚
以上純屬本人意見, 多謝大家分享
今㳄睇完呢部8K 之後，返屋企睇返部4K TV ,真係有啲當年1080FHD 上4K嘅感覺，走唔返轉頭，之前以經出席過76 喺港島區撹過嘅Q9活動，但始終覺Q7 Q9 面板好似有層灰階咁，所以一直都無出手，但今次.........可能要郁手了，不過我俾三個月時間佢，睇吓佢個價會唔會好似恒指咁向下調一調佢。縂之POST 76 搞D活動愈來愈多兼愈來愈好，日後定必支持.
