我真係覺得[香港地]好唔重視粵語配音囉！
本帖最後由 陳傑龍@FB 於 2019-3-26 10:56 編輯點解我會咁講？睇我下面啲訊息就知了。
中國大陸電影：
港囧：
香港公映（國語版本）
廣州及馬來西亞（國語/粵語 兩個版本）
香港出碟（國語版本）
天將雄獅：
香港公映（國語版本）
廣州（國語/粵語 兩個版本）
香港出碟（國語版本）
狄仁傑之神都龍王：
香港公映（粵語版本）
香港出碟（國語版本）
三少爺的劍：
香港公映（粵語版本） 香港出碟（國語版本）
鐵道飛虎：
香港公映（國語版本）
馬來西亞公映（國語/粵語版本）
香港出碟（國語版本）
以上的我一套都未睇過...不過都奇怪既然馬來西亞係有粵語版本, 即係點都要另外找人配音, 香港又無上映是因為當時未配好, 定係發行的人本身都唔睇好d電影收得所以就無謂搞咁多野?
ps: 我自己又唔太介意聽返原音, 有時都覺得由返當事人的聲音會真實d. gashapon 發表於 2019-3-26 11:38
以上的我一套都未睇過...不過都奇怪既然馬來西亞係有粵語版本, 即係點都要另外找人配音, 香港又無上映是因 ...
但我介意。我覺得有粵語配音係好重要。
自從無線明珠台9點半電影取消咗麗音廣播，粵語配音就已經削弱。
試問以前啲日韓電影，有得邊幾部出碟係冇粵語配音啊。 陳傑龍@FB 發表於 2019-3-26 11:45
但我介意。我覺得有粵語配音係好重要。
自從無線明珠台9點半電影取消咗麗音廣播，粵語配音就已經削弱。
...
明白師兄觀點. 我自己認為"不同意見" 一定有, 個世界唔會因為你我一句"我介意"就會改變. 消極d講, 真係介意只能選擇不看. 又或是是否可以多d向發行商反映? 就算唔成功但至少有努力過.
我自己其實覺得西片但講廣東話/ 國語好"7", 感覺好怪. 就算是日本的電影, 日劇etc, 我聽唔明日文都會寧願聽原音. 因為除非係一路睇一路做其他野才需要"聽", 否則留心睇, 有字幕都一定唔會miss任何野. 但我都唔會講到有埋配音就好介意, 始終人人口味不同, 無可能全世界只賣一種貨物. 如果電影本身吸引我都唔會考慮是否有埋配音.
最後講返個重點, 如第一次留言我都講既然電影本身係有做粵語版, 咁香港上映粵語版都好正常呀. 但為何無就真係不知道原因了. 或者師兄有無多d分析, 例如配音是否不是原本的演員配返(eg例如上面的劉德華) 出碟前才搵其他人配etc, 定係因為上映只有夠資源上一個版本, 因為2個語言即係等於2套電影, 場次分配安排, 是否有足夠人數睇某個版本, 本身電影是否有足夠人數入場etc.始終香港票房勁極都可能只有一千幾百萬, 同國內以"億"為基礎來比較, 根本無需要去花資源搞吧? 等於我本身只賣奶茶, 可能會有人好介意點解唔賣埋咖啡, 但如果我賣奶茶一日都有一百萬生意, 而咖啡只有5千, 咁俾我都懶得搞了.
gashapon 發表於 2019-3-26 13:30
明白師兄觀點. 我自己認為"不同意見" 一定有, 個世界唔會因為你我一句"我介意"就會改變. 消極d講, 真係介 ...
同發行商有咩好講，講來講去凈識講句“多謝你寶貴意見，我們會詳細考慮”但最後都係冇畀到粵語出來。
如果繼續維持呢種現狀，睇嚟“粵語配音”遲早都會胎死腹中了。
睇下而家咩現象，以前就話落香港來睇港產片，而家來香港，都係啲西片、日韓片、大陸片爆晒棚，話想來睇翻套係廣東話語言嘅戲都難 電影都係睇原音最好，其實有冇粵語配音，到最後可能都係由市場需求決定 KK·LAW 發表於 2019-3-26 16:33
電影都係睇原音最好，其實有冇粵語配音，到最後可能都係由市場需求決定
其實在市場決定之前已經比院線，出版商⋯⋯幫大家過濾好哂 只知道有時為左吸引觀眾入場，在港上映時會追加粵語配音，尤其是大哥既電影，一般直覺佢要講粵語，實情好多時佢拍就一種語言，又會自己配埋另一種，個人選擇係當時拍片既「原始」版本，因為好怕夾口型個D，唔似得HOLLYWOOD個D後期配音咁「認真」{:6_136:} 陳傑龍@FB 發表於 2019-3-26 13:53
同發行商有咩好講，講來講去凈識講句“多謝你寶貴意見，我們會詳細考慮”但最後都係冇畀到粵語出來。
如 ...
粵語配音亦存在一個版權問題，發行商無加入影碟，大概都是錢既問題{:6_142:} 其實明珠台電影係幾時無左麗音
頁:
[1]
2