HE1開箱文
本帖最後由 Zelo 於 2019-3-18 15:52 編輯第一次喺度發文同多年沒寫過開箱文，本篇只係純粹分享，文筆不流暢，請見諒。
玩了耳機多年、森海耳筒一直我都有捧場，多年前一直有意思想收台大奧Orpheus HE90返來珍藏，但尋找多年來我都只係收到過兩個offer, 最後都係因多方因數所以無緣擁有,亦已放棄再追求,直到了森海公佈”新大奥” Orpheus HE1,心中團火又燒返起。
之前一直沒去試機，原因覺得在眾多音響展上試聽効果一定不理想，一來時間有限制，二來試機環境同配置因數，加上對耳機的熱情已沒以前般高漲,最重要係每次都排唔到…所以一直未有機會試聽過，直到最近身痕想添置器材、在upgrade前級同HE1中作出選擇,所以膽粗粗直接打去香港森海問有冇得安排我試聽，約好時間上到森海公司，他們安排好周到，部機放正在會議室，又安排兩位專業人士講解，只是可惜係試機時沒有好音源，亦如我所料、試聽時硬係覺得部機未去到最佳狀態、表現欠力道、動態亦差、聲音的表現虛弱、跟我想要的効果差很遠、我在家中攞返隻HD800聽都好表現過佢、相信當時極其量只能發揮耳機的３至４成功力、不過最後魔鬼都勝利了, 我俾咗藉口自己話部機絕對有好大潛力、所以乖乖付了訂金〜
按之前試機經驗，所有配置如接線，電源線，墊材等都好直接影響部機的表現,所以我訂機呢段時間，分別預先出血入咗三塊Stillpoint Ultra 6 同一條Shunyata Sigma NR電源線，一對Valhalla 2接線來予備招呼佢。
訂了三個多月的HE1終於都到埗了，紙箱好大，之前森海都有提過紙箱入面仲會有一個木箱、木箱處理好細心、四邊都有個鎖位、入面防震墊材也到位、包裝冇投訴。
隨機有説明書，一隻usb手指（只係說明書電子版），三條跟機電線，一個遙控，同有兩位Sennheiser 先生的親筆簽名、機身編號的保證書。順帶一提，機身編號係可以訂貨時選擇，只要你夠富貴，加多85K你就可以寫上3個由005-099之間你想要的編號。如果你更富貴，可以訂購客製版，暫時我只知有紅色雲石同黑色雲石兩個版本，價格盛惠原價加一倍多左右…不過聽工作人員講係國內先有得訂，我聽到個價錢已沒再追問下去。
HE1060耳筒的皮革耳墊很柔軟，頂部有刻度調教鬆緊度，耳筒有點重但配戴起來沒有任何負擔，配戴舒適度十足，可能耳機擴大線路係內置在耳機裡頭，聽久了耳筒邊會有些微熱。
HE1的其他構造我就不多說了，網上爬文基本上已有太多介紹，我就從聽感開始講起。
接好所有接線，急不及待攞返隻Jake Shimabukuro 隻Live in Japan 聽，依隻碟係第一次帶去試機時聽過，當時表現實在差勁，Jake 的彈奏完全欠缺力道，一首曲目都聽唔完就換碟，今次再聽真係精神爽利， 之前一直擔心入錯貨的感覺一掃而空，現場包圍感返哂嚟， Ukulele的泛音完全復原出來，HE1的聲音遠比之前來的自然，分析力同細節完全係另一台機的感覺。
愈聽愈過癮，就攞隻蔡琴老歌玻璃cd再試試，蔡琴的歌聲由HE1重現，那種感染力令人置身於錄音室內聆聽一樣，背景寧靜，歌色通透且高貴，對比之前完全高幾班。
HE1跟一般靜電耳機一樣，高、中頻絕對係強項，那種靜電耳機獨有的細膩令人聽得舒服，即使聽久了也沒有感覺到壓力，HE1除了其華麗的高中頻表現，也兼顧了強勁的的低頻，先說明一下，低頻強勁不代表炸到拆天，而係有層次、有細節的，用上鬼太鼓座-富嶽百景的玻璃CD試聽，氣勢強勁、鼓聲一浸浸出來，絕不拖泥帶水，太鼓聲震撼，浩大場境完全表現出來。
入手HE1之前有考慮過配置另一台靜電耳擴，一來我唔會用到HE1內的解碼，其實本身HEV1060的解碼唔太差的，可支援 PCM 32bit/384kHz、DSD 2.8 MHz / 5.6 MHz 音源規格，但我反覆試過，還是用回Blu2+DAVE較合我味道， 二來我想多個玩法，想聽下HE1060耳筒配上其他耳擴的表現，但原來HE1係有別於其他靜電耳機，HE1060耳筒有個所謂Cool Class A MOS-FET耳機擴大線路內置在耳機裡頭，所以現階段只有一套使用，而且耳筒單機幾時有得另外購買都沒消息，所以不用花時間去研究配那個耳擴會有好音色，都係專心一整套用。
最後只想講最初訂購這台HE1後有小小”標冷汗”，畢竟只係一個耳機系統，但價格絕對破格，一直擔心會唔會衰衝動入錯貨，但經過多日聆聽，部機絕對對得住個價，依家每晚開機聽返兩、三隻碟已是我近期指定動作，耳機方面可以暫時先退燒，可以專心聽歌了。
開箱過程有段插曲，位送貨人員喺我不在家亦冇通知我情況下自把自為開哂箱，說明書都幫我拆開埋，跟住天才到幫我搬部機入廚房，好在我剛好返到屋企停止佢，之後我叫佢企開俾我自己搬返上架，再自己駁好線試到開聲後即打發佢走，依家諗起仲係把幾火，所以開箱照片係後期再影的。
本帖最後由 t1174 於 2019-3-18 16:52 編輯
結果要訂多耐先有機呀？
站就 HE1 外觀又不是 Eddi current...居然想入廚房咁奇怪？ t1174 發表於 2019-3-18 16:43
結果要訂多耐先有機呀？
站就 HE1 外觀又不是 Eddi current...居然想入廚房咁奇怪？ ...
訂貨大約三個月左右，一直有專人跟進，算係咁，係臨尾送貨嗰下真係激鬼死，部機個師傅都有幫我放上架，不過係放上水波爐個架，我到今日都仲好?頭，個位又高又冇接線，點會諗到放嗰個位。 本帖最後由 t1174 於 2019-3-19 19:29 編輯
那個送貨不是是做開 hi fi 了吧。。。
森海大約只有 HE1 是要咁送比客，沒有拍開做 Hifi 的 shipping 吧。
話說我都沒有一次要人送貨開箱的音響部件呢 好勁呀.......非常吸引的HE1開箱呀!!!!{:1_344:} 聽到聲音響起,等待總算值得{:6_236:} t1174 發表於 2019-3-19 19:23
那個送貨不是是做開 hi fi 了吧。。。
森海大約只有 HE1 是要咁送比客，沒有拍開做 Hifi 的 shipping 吧。 ...
係啩,我都係玩咗咁多年耳筒亦係第一次有送貨,依家相安無事開心聽歌算,只係分享一下經驗 咁 HE1 已經好成功，咁多少它是一set 上，唔在意的話，可以用 built in DAC. 不過 so far demo 都是用 analog 入，都完全唔知那 DAC 表現如何呢。只知 support 的 format 叫好先進，甚麼 dsd128, 384/24 都得。
另外聽說過可以玩膽，因為那8支都是出名的，好像是 12Au7, 大吧膽玩。 t1174 發表於 2019-3-20 14:02
咁 HE1 已經好成功，咁多少它是一set 上，唔在意的話，可以用 built in DAC. 不過 so far demo 都是用 anal ...
都可以咁講，本身HE1個內置解碼質素都唔錯，不過有一點我對部機唔係咁清楚，依8支膽好似只係針對解碼部分做模擬放大，耳筒放大部分好似唔關呢組膽事，我要再問清楚先得。我本身完全冇用到個解碼部分，所以依8支膽我仲未知可以點玩，不過部機真係有多個玩法，又可以當前級用，如果真係玩膽都可以有排玩。 Zelo 發表於 2019-3-21 09:41
都可以咁講，本身HE1個內置解碼質素都唔錯，不過有一點我對部機唔係咁清楚，依8支膽好似只係針對解碼部分 ...
不知說明書有冇說呢，至少要知點拆膽吧。