淘仔買投影機之最後冇事（Acer v6820m+影輝RX1）
本帖最後由 kan 於 2019-1-28 19:17 編輯一直都有玩開投影機，上一部係Panasonic ae3000全高清投影機，雖然用左差唔多8年，但一直都冇投訴。自從新一系列平價DLP真4K投影機推出之後，一路都心思思想升級。
自己一直都有留意相關資訊，早已鎖定acer v6820m同optoma UHD51兩部機，早前有師兄報料51減價已心郁郁想出手，再睇下其他師兄淘仔買機既分享，自己一向都淘開野，但就未諗過淘部投影機返黎，始終係電子野，隔山買牛都係有D擔心，但睇完淘寶個價之後，真係忍唔住，加上雙12又平一截，而又見到76師兄有成功例子，所以最後都係禁掣比錢，訂部返黎試下{:6_122:}
淘仔買機順豐包郵送到屋企門口，仲要3日就送到，真係快靚正。收貨後幾日先有時間，滿心歡喜拆盒試機，點知著唔到部機，心感不妙… 本帖最後由 kan 於 2019-1-28 19:12 編輯
插左電都冇反應，心知不妙，第一時間緊係問客服啦，客服都算好有耐心，叫我拔晒電，隔一日再試；我照做之後都係一樣，部機冇反應，客服第一時間就比晒指示叫我點做，唔會拖泥帶水。因為過左7天退款時限，客服就話由於未過15天，可以換部新機比我，郵費佢地比，不過要我比左先，我緊係冇所謂啦，最緊要可以換部新既比我。
我去香港順豐問寄返大陸既詳情，點知煩到嘔；由於我住北區，返深圳好方便，所以我決定攞返深圳順豐寄，順便同老婆仔女返去飲下喜茶行下玩下咁{:6_142:}深圳順豐又係快靚正，前後都唔使10分鐘就搞掂。
如事者售後3日就收到貨，仲即日寄出新機比我，又3日我就收到部新機了。收到新機緊係第一時間試機啦，插電…著燈…開機…畫面出黎啦{:6_125:}
4k畫質真係無話可說，我自己都有用65" sony 4k電視，講真個句用電視睇4k同FHD分別真係好細，但一上投影機，真係覺得咁先叫有升級既感覺，部v6820m投滿120"投影幕完全交足功課，夠晒光猛，配上影輝白幕， 1.6增益直情好似有電視咁光咁鮮，有時成班friend睇波，開少少燈睇都冇問題，唔使成間屋黑蚊蚊，開party一流{:6_139:}
3D功能真係過下癮就算，因為睇左一陣對眼已好攰，根本冇可能睇完一套戲，間唔中過下癮就ok既，尤其是睇3D動畫，真係成件物件飛左出黎咁，好似去左迪迪尼睇立體電影咁?
至於彩虹眼方面，由於我未試過機就買機，所以根本唔知自己有冇彩虹眼問題（我都覺得自己有D衝動?）睇睇下我發現原來自己真係有彩虹眼，好在只係輕微，只要接受左，其實都冇乜所謂，因為畫面實在靚左太多?
v6820m唯一有樣缺點就係len shift只有上下10%，安裝彈性冇咁高，未換機之前都冇諗過原來len shift係咁緊要，不過而家咁既價錢，真係冇投訴。
本帖最後由 kan 於 2019-1-29 21:57 編輯
同場加影影輝RX1 白幕，當然又係雙12買啦，120寸直送到樓下都係4千幾人仔，堅係抵！120寸入唔到?，又唔想比錢人搬，唯有自己出手啦，好在住3樓，最後成功入屋裝起佢，正?
由於投影機要寄返大陸換，唯有裝個幕，用舊機玩住先，一開機成個畫面光鮮左好多，連我老婆都話點解換個幕都有咁大分別?
小插曲：個幕裝左上去，一落幕發現角位有小小皺左，心諗，奶完投影機又奶埋投影幕?，咁既情況緊係問客服啦，老闆話應該係運送時搞到有皺紋，但老闆話唔使擔心，掛個幕幾日唔好開個幕，皺紋就會消失，心諗有冇咁神奇呀?三日之後我再開個幕，神奇既事發生啦，D皺紋真係冇晒，真係估你唔到?
四年前我都喺淘寶買咗部Optoma 一切正常用到現在,rmb $10000可以買到真4k我都想試下{:1_343:} 留名!!! 正！有時都想本地消費，但價格實在相差太遠。 本帖最後由 ysl 於 2019-1-28 21:15 編輯
kan 發表於 2019-1-28 17:19
插左電都冇反應，心知不妙，第一時間緊係問客服啦，客服都算好有耐心，叫我拔晒電，隔一日再試；我照做之後 ...
少少冒險也值得!
北區同路人! 麻烦师兄PM下购买渠道方式价格，投影同幕布 我都係响淘寶買Benq W1700，平香港好多，用咗幾個月非常健康！{:1_245:} andychankk 發表於 2019-1-28 19:55
正！有時都想本地消費，但價格實在相差太遠。
六折價錢，送到屋企門口真係好難忍手{:1_340:}