賀歲片票房預測
賀歲檔期雖然向來係港產片福地，但今年西片戲碼亦強，仲有金馬倫新作全面迎戰，加上今年d港產片冇大明星擔崗，估計好難吸引到草根階層入場，至於中產及年青階層，已經戒睇港產好多年！所以即使唔願睇到，但係港產片仍可能在這個喜慶檔期慘敗，票房預測如下:你咪理，我愛你！-最鋌而走險的組合，王祖藍導演+港產歌舞片=毒藥保證，片商極之勇敢，票房最樂觀有tvb粉絲同換票證支持，唔知過唔過到500萬。
廉政風雲-雷同題材及演員太多，除非拍得特別優異有口碑支持，否則800萬已是頂籠。
如珠如寶-睇預告片感覺仲雞過《一家大晒》，若一如所料係爛片有200萬已經偷笑，難為了洪金寶。
恭喜八婆-彭浩翔有點小聰明，亦有一定粉絲，不過呢個擺明係七日鲜得啖笑製作，係女性觀眾支持下睇下去唔去到1500萬。
新喜劇之王-唔理幾爛，凈係周星馳呢個名已經值1000萬，睇下口碑帶動可否去到2000萬。
西片 :
魔法保姆-外國票房雖然扑直，不過香港係迪士尼福地，保守2500萬票房。
馴龍記3-續集電影而且今集水準不俗，家庭客源帶動下保守3500萬。
銃夢：戰鬥天使-萬眾期待之作，金馬倫十年磨一劍，半動畫半真人大細通殺，保守5000萬以上。
LEGO英雄傳2-呢套可能被前兩套吸收客源，保守1000萬票房。
賀歲片我想睇陸科幻片, 流浪地球同外國既銃夢, 其他無物興趣
分析得好好，我有機睇馴3, {:1_339:} 暫時以上有興趣的就只有銃夢, 港產片我真係一套都無興趣 {:6_123:} gashapon 發表於 2019-1-21 09:25
暫時以上有興趣的就只有銃夢, 港產片我真係一套都無興趣
ME3{:1_343:} 不過唔知點解, 硬係好多人新年真係會去搵套港產片來睇......但依家果幾套, 真係得老廉果套有D機會....其他真係!!!!! 銃夢 {:6_157:} 小瑟 發表於 2019-1-22 11:52
ME3 不過唔知點解, 硬係好多人新年真係會去搵套港產片來睇......但依家果幾套, 真係得老廉果套 ...
其實都明, 因為有時拜年都幾多空閒時間, 無野做就是但搵套戲睇下. 不過近年來我寧願返屋企再外出算, 因為真係無咩戲值得去睇.
同埋見有師兄出post講10大華語電影, 我都諗o左好耐先留意到18年自己一套華語電影都無睇, 更何況是"十大"了. 占士+童年追撐經典=唔係唔入場睇丫嘛？ 我只會睇銃夢:戰鬥天使,馴龍記 3,魔法保姆,LEGO英雄傳 2,其他一定唔會睇(除非人哋叫)!
我對港產片一般,不過我可能會睇埋套新喜劇之王入去笑下都好. 睇統夢或者廉政風雲
頁:
[1]
2