一隻4k港版挑戰者1號睇到一間碟舖可以幾衰！
一隻碟賣平賣貴無乜所謂，好似hmv同cd倉明碼實價不嬲貴過人無問題！但呢間德發男人舖就見周街無貨一星期加兩次價，初初出港版對呢套戲無乜興趣見$26x所以無買，呢排見個個師兄講到咁正咪諗住入番隻，星期一落到去間間都話無貨，得番男人舖有但炒高到$290，明明之前佢都係賣$26x，炒價唔賣住再搵吓第二間先，結果全城無貨！算～～好想睇今日再落去買，埋單佢收我$320！頂～～使唔使呀為咗賺到幾條嘢再炒高d！發誓以後唔會再幫襯德發地牢男人舖{:1_250:} 我宜家都好少同佢哋買碟，買美版仲要貴得離譜， 你試下去信和中心地庫我見到有二手碟小弟好少落旺角, 唔知你講邊間。但如對售價不滿, 師兄不妨查一下：
13世紀南宋末年, 宋朝皇帝逃亡至香港時, 九龍城搵間屋住, 要花費幾錢?
今日啟德一號又賣緊幾錢一呎?
睇 bluray 向來是奢侈品, 嫌貴玩第二樣囉。大把嘢玩, 唔洗勞氣。 啟德一號受害者 結果 單撈 我都好少去德發買碟，一年唔過兩隻，對炒賣冇意見，但俾我的話會選擇唔買。
c兄又要買，買=縱容，個心又唔服 {:1_262:}
其實就算呢刻斷貨，你估會唔會再版加印？我唔相信一套新戲賣完就冇，等多陣先買亦可 {:1_249:} 除價錢外 佢地服務態度同面口亦係個問題，永遠鞋口鞋面，眼多你一眼都唔想咁 .....
如果我係佢地會先改善最基本嘅面口問題，否則趕客 {:6_136:} williamav 發表於 2018-8-4 12:13
除價錢外 佢地服務態度同面口亦係個問題，永遠鞋口鞋面，眼多你一眼都唔想咁 .....
如果我係佢地會先改善 ...
師兄如果去過灣仔某兩大商場, 「大＿」/「number number number」, 你更能體會熟客與生客, 店員/老闆面口可以有幾大分別。
MK碟舖一直都係，有間玩唔同冚把CD唔同價錢出晒名⋯⋯ 以前許仕仁經常幫襯果間碟舖，直情係劏客！